Gujarat politics: યુથ કૉંગ્રેસના પૂર્વ પ્રમુખ વિશ્વનાથસિંહ વાઘેલા ભાજપમાં જોડાયા, કહ્યુ- 'કોગ્રેસ પાર્ટી પદ વેચે છે'

પૂર્વ યુથ કોંગ્રેસ પ્રમુખ વિશ્વનાથસિંહ વાઘેલા ભાજપમાં હતા. ભાજપ નેતા ગોરધન ઝડફિયાએ વિશ્વનાથ સિંહ વાઘેલાને પાર્ટીનો ખેસ અને ટોપી પહેરાવી સ્વાગત કર્યું હતું.

વિશ્વનાથ સિંહ વાઘેલા ભાજપમાં જોડાયા

ગાંધીનગરઃ પૂર્વ યુથ કોંગ્રેસ પ્રમુખ વિશ્વનાથસિંહ વાઘેલા ભાજપમાં હતા. ભાજપ નેતા ગોરધન ઝડફિયાએ વિશ્વનાથ સિંહ વાઘેલાને પાર્ટીનો ખેસ અને ટોપી પહેરાવી સ્વાગત કર્યું હતું. ગુજરાત યુથ કોગ્રેસના પૂર્વ મહામંત્રી વિનયસિંહ તોમર ભાજપમાં સામેલ થયા હતા. ભાજપમાં સામેલ થતા વિશ્વનાથ સિંહે કહ્યું હતું કે વિકાસની બાબતો જોઇને ભાજપમાં સામેલ થયો છું. હું ભાજપના સેવક તરીકે જોડાયો છું.

LIVE: પ્રદેશ ઉપાધ્યક્ષ શ્રી @gpzadafia, પ્રદેશ યુવા મોરચાના પ્રમુખ @DrPrashantkorat અને પ્રદેશ સહ પ્રવક્તા @DrRutvij ની ઉપસ્થિતિમાં કોંગ્રેસના યુવા અગ્રણીઓ અને તેમના સમર્થકોનું ભારતીય જનતા પાર્ટીમાં સ્વાગત

સ્થળ: પ્રદેશ કાર્યાલય 'શ્રી કમલમ્' pic.twitter.com/ebhauw5HXN

— BJP Gujarat (@BJP4Gujarat) September 6, 2022

ભાજપમાં સામેલ થયા બાદ વિશ્વનાથ સિંહે પ્રેસ કોન્ફ્રરન્સ કરી હતી. જેમાં તેમણે કહ્યું હતું કે વિકાસની બાબતો જોઇને હું ભાજપમાં જોડાયો છું. આઝાદી સમયના નેતાઓને કોંગ્રેસે કોરાણે મુક્યા છે. દિવસે ને દિવસે કોંગ્રેસની સ્થિતિ ખરાબ થતી ગઈ છે. હું એવા યુવાનોને મદદરૂપ થવાનું વિચારું છું. કાર્યકર્તાઓ આવ્યા છે અને કાર્યકર્તાઓમા અસંતોષ છે. કદાચ કોંગ્રેસની સરકાર બને તો પણ તે ટકી ન શકે. પાર્ટીના નેતાઓ જે કામ સોંપશે તે કામ કરીશું.  તેમણે આક્ષેપ કર્યો હતો કે કોગ્રેસ પાર્ટી પદ વેચે છે.

ઉલ્લેખનીય છે કે વિશ્વનાથ સિંહ વાઘેલાએ રાહુલ ગાંધીના ગુજરાત આગમનના ઠીક એક દિવસ પહેલાં કૉંગ્રેસમાંથી રાજીનામું આપ્યુ હતું. ગૃહ રાજ્યમંત્રી હર્ષ સંઘવી સાથે પણ મુલાકાત કરી હતી. અનુરાગ ઠાકુર અને પ્રદીપસિંહ વાઘેલા સાથે પણ મુલાકાત કરી હતી. યૂથ કૉંગ્રેસના પ્રમુખપદેથી વિશ્વનાથસિંહ વાઘેલાએ રાજીનામું આપી દેતા કૉંગ્રેસમાં હડકંપ મચી ગયો હતો. પાર્ટી છોડતાની સાથે જ વિશ્વનાથસિંહે આરોપ લગાવ્યો હતો કે કૉંગ્રેસ એક જ પરિવારની ભક્તિમાં લીન રહે છે. સાથે જ બળાપો કાઢ્યો કે, મારા જેવા અનેક યુવાઓ કૉંગ્રેસમાં પોતાનો સમય વેડફે છે. તેમણે સનસનીખેજ આરોપ લગાવ્યો કે, મને પ્રમુખ બનાવવા કૉંગ્રેસે મારી પાસેથી દોઢ કરોડ રૂપિયા દીધા હતા.

Koo App

પ્રદેશ કાર્યાલય ’શ્રી કમલમ્’ ખાતે પ્રદેશ ઉપાધ્યક્ષ શ્રી ,ગોરધનભાઈ ઝડફિયા, પ્રદેશ યુવા મોરચાના પ્રમુખ ડૉ.પ્રશાંત કોરાટ અને પ્રદેશ સહ પ્રવક્તા ડૉ.ઋત્વિજ પટેલ ની ઉપસ્થિતિમાં કોંગ્રેસના યુવા અગ્રણી શ્રી વિશ્વનાથસિંહ વાઘેલા,શ્રી વિનયસિંહ તોમર, શ્રી નિકુલભાઈ મિસ્ત્રી, શ્રી પાર્થભાઈ દેસાઈ અને તેમના સમર્થકો ભારતીય જનતા પાર્ટીમાં જોડાયા.

View attached media content

- Vinod Chavda (@VinodChavdaBJP) 6 Sep 2022