ગુજરાતમાં આગામી પાંચ દિવસ સામાન્ય વરસાદને લઈ હવામાન વિભાગે શું કરી આગાહી? જાણો

ગુજરાતમાં આગામી પાંચ દિવસ સુધી કોઈ ભારે વરસાદની આગાહી કરવામાં આવી નથી. આગામી 5 દિવસ સામાન્ય વરસાદ રહેશે.

ગાંધીનગર: ગુજરાતમાં આગામી પાંચ દિવસ સુધી કોઈ ભારે વરસાદની આગાહી કરવામાં આવી નથી. આગામી 5 દિવસ સામાન્ય વરસાદ રહેશે. ઓગસ્ટ મહિનામાં વરસાદી સિસ્ટમ બને તેવી સંભાવના છે. સામાન્ય રીતે ઓગસ્ટ મહિનામાં વરસાદી સિસ્ટમ બનતી હોય છે જેનાથી ગુજરાતને સારો વરસાદ મળતો હોય છે. છેલ્લા 3 દિવસમાં રાજ્યમાં સારો વરસાદ વરસ્યો છે. રાજ્યમાં અત્યાર સુધીમાં 40 ટકા વરસાદ વરસ્યો છે. આગામી 5 દિવસમાં રાજ્યમાં સામાન્ય વરસાદ રહેશે તેવી આગાહી હવામાન વિભાગ દ્વારા કરવામાં આવી છે. ઓગસ્ટના પહેલા અઠવાડિયામાં વરસાદી સિસ્ટમ સક્રિય થવાની શકયતા છે. સૌરાષ્ટ્ર-કચ્છ માં વરસાદની ઘટ નથી, ગુજરાત રિજયનમાં સામાન્ય ઘટ છે જે ઓગસ્ટમાં પુરી થઈ શકે છે. ગત વર્ષ કરતા ચાલુ વર્ષે જુલાઈ મહિના સુધીમાં સારો વરસાદ મળ્યો છે. અમદાવાદમાં સામાન્ય વરસાદની આગાહી હવામાન વિભાગ તરફથી કરવામાં આવી છે.