Accident: પાટણના સાંતલપુરમાં અકસ્માતમાં ચારનાં મોત, લગ્નપ્રસંગમાં જઇ રહ્યો હતો પરિવાર

Accident: પાટણના સાંતલપુરમાં અકસ્માતમાં એક જ પરિવારના ચાર વ્યક્તિઓના મોત થયા હતા

કાર ખાડામાં ખાબકી હતી

Accident:  પાટણના સાંતલપુરમાં અકસ્માતમાં એક જ પરિવારના ચાર વ્યક્તિઓના મોત થયા હતા. મળતી જાણકારી અનુસાર, પાટણના સાંતલપુરમાં ફાંગલીથી ચારણકા રોડ પર થયેલા અકસ્માતમાં એક જ પરિવારના ચાર લોકોના મોત થયા હતા. જોષી પરિવાર સ્વિફ્ટ કારમાં લગ્નપ્રસંગમાં જઇ રહ્યો હતો ત્યા કારની વચ્ચે જંગલી પ્રાણી આવતા કાર ચાલકે સ્ટીયરિંગ પરથી કાબૂ ગુમાવતા કાર પાણી ભરેલા ખાડામાં ખાબકી હતી. અકસ્માતમાં એક પુરુષ, એક મહિલા અને બે યુવતીઓનું મોત થયું હતું.

કાર પાણી ભરેલા ખાડામાં ખાબકતા કારમાં સવાર ચારેયના મોત થયા હતા. તમામ મૃતદેહને પીએમ અર્થે સાંતલપુર રેફરલ હોસ્પિટલ ખસેડાયા હતા. અકસ્માતને પગલે પોલીસે વધુ કાર્યવાહી હાથ ધરી હતી.

વડોદરા જિલ્લાના શિનોર તાલુકાના માલપુર ગામમાં  પ્રેમ સંબંધમાં યુવકની હત્યા કરવામાં આવી છે. પોલીસ દ્વારા આ હત્યાનો કેસ 11 દિવસ બાદ ઉકેલાયો છે. માલપુર ગામના ઘનશ્યામ ઉર્ફ ધનીયો ઉર્ફ ગણેશ જયંતિભાઇ વસાવાની પત્ની સંગીતાએ ગામમાં રહેતા 26 વર્ષિય મહેશ ઇશ્વરભાઇ વસાવા સાથે ભાગી  ભરૂચ જિલ્લાના ઝઘડીયા તાલુકાના પાસે ગામમાં ઘર સંસારની શરૂઆત કરી હતી. પત્ની સંગીતા છૂટાછેડા વગર જ ગામના મહેશ વસાવા સાથે ભાગી જતા ગામમાં અને સમાજમાં ગયેલી આબરુથી પતિ ઘનશ્યામ વસાવા ગુસ્સામાં હતો. પતિએ પત્નીના પ્રેમી મહેશ વસાવાને મોતને ઘાટ ઉતારવાનું મનોમન નક્કી કર્યું હતું. માલપુર ગામમાં રહેતા મિત્ર શકીલ રમજુસા દિવાનને મહેશ ગામમાં ક્યારે આવે તે અંગે ધ્યાન રાખવા કહ્યું હતું. 

મહેશ વસાવા પોતાની મોટર સાઇકલ લઇને માલપુર ગામમાં પહોંચ્યો હતો. જે અંગેની જાણ મહેશની વોચ રાખનાર શકીલ દિવાને ઘનશ્યામને કરી હતી. ઘનશ્યામ પોતાના ભાઈ સંદિપ ઉર્ફ ગોગો જયંતિભાઇ વસાવાને કારમાં બેસાડી માલપુરથી સાધલી તરફ બાઇક લઇને જઇ રહેલા મહેશનો પીછો કર્યો હતો. સાધલીથી સુરાશામળ ગામ વચ્ચે મહેશ વસાવાની બાઇક પાછળ કારથી અકસ્માત સર્જ્યો હતો. જેમાં મહેશ બાઇક પરથી રોડ ઉપર પટકાતા ગંભીર ઇજા પહોંચી હતી. પરંતુ તે બચી ગયો હતો.

બાઇક ઉપરથી પટકાતા ગંભીર ઇજા પામેલ મહેશ લોહી લુહાણ થઇ રોડ ઉપર પડ્યો હતો.  બે ભાઇઓ ઘનશ્યામ વસાવા અને સંદિપ વસાવા મહેશને ઉંચકી કારમાં બેસાડીને લઇ ગયા હતા. આ સાથે તેની બાઇક પણ કારમાં નાંખી લઇ ગયા હતા. રસ્તામાં ગંભીર ઇજાગ્રસ્ત મહેશ વસાવાને માર મારી મોતને ઘાટ ઉતારી દીધો હતો.