![ABP Premium](https://cdn.abplive.com/imagebank/Premium-ad-Icon.png)
Rain Forecast: રાજ્યમાં આગામી ત્રણ કલાક આ જિલ્લામાં ભારે વરસાદની આગાહી, હવામાન વિભાગની ચેતવણી
હાલ દક્ષિણ ગુજરાતમાં ભારે વરસાદથી જનજીવન પ્રભાવિત થયું છે. સુરતના ઉંમરપાડામાં 14 ઇંચ વરસાદની સમગ્ર વિસ્તાર જળમગ્ન બન્યો છે
![Rain Forecast: રાજ્યમાં આગામી ત્રણ કલાક આ જિલ્લામાં ભારે વરસાદની આગાહી, હવામાન વિભાગની ચેતવણી According to the forecast of the Meteorological Department, heavy rain will occur in South Gujarat in the next three hours Rain Forecast: રાજ્યમાં આગામી ત્રણ કલાક આ જિલ્લામાં ભારે વરસાદની આગાહી, હવામાન વિભાગની ચેતવણી](https://feeds.abplive.com/onecms/images/uploaded-images/2024/07/15/c71b6caf687e76dc8e5b693c49a26896172102793357581_original.jpg?impolicy=abp_cdn&imwidth=1200&height=675)
Rain Forecast:રાજ્યમાં ફરી એક વખત મોનસૂન એક્ટિવિટિ (monsoon activity) એક્ટિવ થઇ છે. ત્રણ સિસ્ટમ એક સાથે એક્ટિવ થતાં દક્ષિણ ગુજરાત (south Gujarat) સહિતના કેટલાક જિલ્લામાં છુટછવાયો વરસાદ શરૂ થયો છે. દક્ષિણ ગુજરાતમાં મેઘતાંડવ જોવા મળી રહ્યું છે. સુરતના ઉમરપાડામાં 14 ઇંચ વરસાદ (rain) ખાબકતાં સમગ્ર વિસ્તાર જળમગ્ન થયો છે.
દક્ષિણ ગુજરાતમાં આગામી ત્રણ કલાકમાં થશે ભારે વરસાદ
હવામાન વિભાગની આગાહી મુજબ ગુજરાતના દક્ષિણ વિસ્તારમાં આગામી ત્રણ કલાક ભારેથી અતિભારે વરસાદનું અનુમાન છે. આણંદ, ભરૂચ, નર્મદામાં ભારે વરસાદની આગાહી કરવામાં આવી છે.છોટાઉદેપુર, વડોદરા, સુરત અને તાપીમાં ભારે વરસાદની આગાહી કરવામાં આવી છો તો ભાવનગર, નવસારી, ડાંગ, વલસાડમાં હળવાથી મધ્યમ વરસાદની આગાહી કરવામાં આવી છે. દીવ,દમણ, દાદરાનગર હવેલી અને પોરબંદર, રાજકોટ, જૂનાગઢ, અમરેલી, સુરેન્દ્રનગર, બોટાદ, અમદાવાદમાં હળવા વરસાદનું અનુમાન છે.ખેડા, મહિસાગર, પંચમહાલમાં હળવા વરસાદનીઆગાહી છે તો દાહોદ, ગીર સોમનાથમાં હળવા વરસાદનું અનુમાન હવામાન વિભાગે વ્યક્ત કર્યું છે.
નર્મદાના લાછરસમાં પાંચ ઇંચ વરસાદ વરસતા કેકલાક વિસ્તારમાં ગળાડૂબ પાણી ભરાઇ ગયા છે. અહીં અનરાધાર વરસાદે મુશ્કેલી વધારી છે. લાછરસ ગામ બેટમાં ફેરવાતા દુકાનોમાં પણ પાણી ઘુસી ગયા છે. સસ્તા અનાજની દુકાનમાં પાણી ફરી વળતાં અનાજનો જથ્થો પલળતા વ્યાપક નુકસાનીનો અંદાજ છે.
નર્મદા જિલ્લાના લાછરસ ગામમાં મૂશળધાર વરસાદના પગલે કમર સુધીના પાણી ભરાયા છે.કમર સુધીના પાણી ભરાતા ગામમાં પ્રવેશવાનો રસ્તો બંધ થઇ ગયો છે. પ્રશાસનની બેદરકારીથી પાણી ભરાતા હોવાનો સ્થાનિકોનો આરોપ લગાવ્યો છે. ગામમાંથી પાણીના ડ્રેનેજની વ્યવસ્થા યોગ્ય ન હોવાથી ચોમાસામાં આ સ્થિતિ ઉપસ્થિત થતી હોવાનો આક્ષેપ સ્થાનિકો લગાવી રહ્યાં છે.
નર્મદામાં વહેલી સવારથી ધોધમાર વરસાદ જોવા મળી રહ્યો છે નર્મદામાં ભારે વરસાદને પગલે લાછરસ ગામ બેટમાં ફેરવાયું છે.. લાછરસ ગામમાં ઠેર-ઠેર વરસાદી પાણી ભરાયા છે. લાછરસ ગામમાં વાહનો પણ તણાયા હોય અને ઘરોમાં પાણી ઘૂસ્યા હોય તેવા દ્રશ્યો જોવા મળી રહ્યા છે.
છેલ્લા 24 કલાકમાં સૌથી વધુ અરવલ્લીના મોડાસામાં પોણા ચાર ઈંચ વરસાદ ખાબક્યો હતો. છેલ્લા 24 કલાકમાં દાહોદ તાલુકામાં અઢી ઈંચ, પંચમહાલના ગોધરામાં દોઢ ઈંચ, મહીસાગરના વીરપુરમાં દોઢ ઈંચ, તાપીના સોનગઢમાં એક ઈંચ, નર્મદાના ગરૂડેશ્વરમાં સવા પાંચ ઈંચ, સુરતના ઉમરપાડામાં ચાર ઈંચ વરસાદ નર્મદાના તિલકવાડામાં સવા બે ઈંચ વરસાદ વરસ્યો હતો.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)
![gujarati.abplive.com](https://cdn.abplive.com/imagebank/editor.png)