રશિયા-યુક્રેનની અસર હીરા ઉદ્યોગ પરઃ કયા શહેરમાં હીરાના કારખાનાને 15 દિવસ માટે મારી દેવાશે તાળા?

રશિયા-યુક્રેન યુદ્ધને કારણે આંતરરાષ્ટ્રીય બજારમાં હીરાના ઘટેલા ભાવ અને ચીન-હોંગકોંગમાં કોરોનાના ઉથલા બાદ લોકડાઉનની સ્થિતિ ઉભી થતાં ખરીદી-લેવાલી અટકી પડતા હીરાના કારખાનેદારો ચિંતામાં મુકાયા છે.

પ્રતિકાત્મક તસવીર.

ભાવનગરઃ ભાવનગરમાં ૧લી એપ્રિલથી હીરાના કારખાનાઓને ૧૫ દિવસ માટે તાળા મારી દેવામાં આવશે. રશિયા-યુક્રેન યુદ્ધને કારણે આંતરરાષ્ટ્રીય બજારમાં હીરાના ઘટેલા ભાવ અને ચીન-હોંગકોંગમાં કોરોનાના ઉથલા બાદ લોકડાઉનની સ્થિતિ ઉભી થતાં ખરીદી-લેવાલી અટકી પડતા હીરાના કારખાનેદારો ચિંતામાં મુકાયા છે. આ કારણથી ૧૫ દિવસ સ્વૈચ્છિક વેકેશન પાડવા માટે નિર્ણય લેવામાં આવ્યો હતો.

શહેરની નિર્મળનગર હીરા બજારમાં 400 થી 500 જેટલા કારખાનેદારો મિટીંગ યોજી નિર્ણય લીધો. હીરા બજારમાં વેકેશનની જાહેરાતના કારણે આ વ્યવસાય સાથે સંકળાયેલા હજારો લોકોની ચિંતા બે ગણી વધી છે.

Russia Ukraine War: રશિયન સૈનિકોના સતત હુમલાને કારણે યુક્રેન તબાહીની સ્થિતિમાં છે. બોમ્બ ફેંકવામાં આવી રહ્યા છે, મિસાઇલો છોડવામાં આવી રહી છે. હવે બંને દેશો વચ્ચે શાંતિ મંત્રણાને લઈને વિશ્વભરમાં પહેલ તેજ થઈ ગઈ છે. આમાં ભારતની ભૂમિકા પણ ઘણી મહત્વપૂર્ણ માનવામાં આવે છે. રશિયાના વિદેશ મંત્રી સર્ગેઈ લવરોવ આ અઠવાડિયે ભારતની મુલાકાતે છે. જ્યારે, ઇઝરાયેલના વડા પ્રધાન નફતાલી બેનેટ 3 થી 5 એપ્રિલ વચ્ચે ભારતની મુલાકાતે આવવાના છે.

ભારત રશિયા અને યુક્રેન વચ્ચે શું સમાધાન કરશે?

 

ઇઝરાયેલના પીએમ નફતાલી બેનેટ COVID-19 પોઝિટિવ થયા પછી, તેમની ભારતની મુલાકાત અંગે સસ્પેન્સ ચાલુ છે. એવું કહેવામાં આવી રહ્યું છે કે જો નફતાલી ભારતની મુલાકાતે આવે છે તો યુક્રેનમાં ચાલી રહેલા યુદ્ધને સમાપ્ત કરવાના માર્ગમાં ઉકેલ શોધવાની સંભાવના છે. ભારતના વડા પ્રધાન નરેન્દ્ર મોદી રશિયાના વિદેશ પ્રધાન સર્ગેઈ લવરોવ સાથે વાતચીત કર્યા પછી નફ્તાલી બેનેટ સાથે વાતચીત કરશે. એવું પણ કહેવામાં આવી રહ્યું છે કે નફ્તાલીની મુલાકાત સમાપ્ત થયા પછી, નરેન્દ્ર મોદી રશિયાના રાષ્ટ્રપતિ વ્લાદિમીર પુતિન અને યુક્રેનના રાષ્ટ્રપતિ ઝેલેન્સકી સાથે વાતચીત કરી શકે છે. જો નફતાલી અને મોદી પુતિન તથા ઝેલેન્સ્કી સાથે વાત કરે તો યુદ્ધનો અંત લાવવાનો ઉકેલ શોધી શકાય. ઈઝરાયેલના અમેરિકા સાથે અને યુક્રેન સાથે પણ સારા સંબંધો છે.

ભારત અને ઈઝરાયેલની ભૂમિકા શું હોઈ શકે

યુક્રેનના મુદ્દે સંયુક્ત રાષ્ટ્ર પણ ભારત સાથે નજીકના સંપર્કમાં છે. ભારત આંતરરાષ્ટ્રીય સ્તરે આ યુદ્ધને વહેલામાં વહેલી તકે ખતમ કરવાની સતત વકીલાત કરી રહ્યું છે. જોકે ભારતે સંયુક્ત રાષ્ટ્રમાં મતદાનમાં ભાગ લીધો ન હતો. જો કે ભારત હંમેશા શાંતિના પક્ષમાં રહ્યું છે. ભારત અને ઈઝરાયેલ આ યુદ્ધને ખતમ કરવામાં અને મતભેદોને ઉકેલવામાં મહત્વની ભૂમિકા ભજવી શકે છે. નોંધનીય છે કે ભારત અને રશિયાના સંબંધો સારા છે, જ્યારે ભારતના અમેરિકા સાથે પણ નજીકના સંબંધો છે. યુદ્ધમાં અમેરિકા યુક્રેનના સમર્થનમાં ઉભું છે. ભારતની સામે સંકટ એ છે કે તે અમેરિકા અને રશિયા બંને સાથે સંબંધો બગાડવા નથી માંગતું, કારણ કે વર્તમાન વૈશ્વિક પરિસ્થિતિમાં ભારતને રશિયા અને અમેરિકા બંનેની જરૂર છે. આવી સ્થિતિમાં ભારત વિવાદ ઉકેલવામાં મહત્વની ભૂમિકા ભજવી શકે છે.