Accident News: પાટણ ચાણસ્મા હાઇવે પર ગમખ્વાર અકસ્માત, એક જ પરિવારના 4 સભ્યોના મોત

Patan Accident News: પાટણના ચાણસ્મા હાઇવે પર રામગઢ પાટિયા પાસે ગઈકાલે રાત્રે એક ભયાનક અકસ્માત સર્જાયો હતો.

Patan Accident: એક અલ્ટો કાર અને છોટા હાથી વચ્ચેની ટક્કરમાં કાંકરેજ તાલુકાના એક જ પરિવારના ચાર સભ્યોના કરુણ મોત નિપજ્યા હતા.

પ્રાપ્ત માહિતી અનુસાર બનાસકાંઠાથી પોતાના ઘરે પરત ફરી રહેલો આ પરિવાર અલ્ટો કારમાં સવાર હતો.

રામગઢ પાટિયા નજીક પૂરઝડપે આવી રહેલા છોટા હાથીના ચાલકે કારને પાછળથી જોરદાર ટક્કર મારતા આ દુર્ઘટના સર્જાઈ હતી.

આ અકસ્માતમાં કારના ચાલક સહિત પરિવારના 4 સભ્યોના ઘટનાસ્થળે જ મોત થયા હતા. અકસ્માતની ગંભીરતાને જોતા સ્થાનિક લોકોએ તાત્કાલિક પોલીસ અને 108

ને જાણ કરી હતી. પોલીસે ઘટના સ્થળે પહોંચીને મૃતદેહોને પોસ્ટમોર્ટમ માટે ખસેડ્યા હતા અને ફરાર થઈ ગયેલા છોટા હાથીના ચાલકની શોધખોળ શરૂ કરી છે.

અકસ્માતમાં અલ્ટો કાર અને છોટા હાથીની ટક્કર થઈ હતી. જેમાં શંભુભાઈ ઠાકોર (35), તેમની પત્ની આશાબેન (32), પુત્રી પ્રિયા (10) અને પુત્ર વિહન (5) ના મૃત્યુ નિપજ્યા છે. આ દુર્ઘટનામાં પૂરા પરિવારે જીવ ગુમાવ્યો છે.