શોધખોળ કરો

ચૂંટણીના પરિણામો 2024

(Source: ECI/ABP News/ABP Majha)

Heavy Rain: જૂનાગઢમાં જળપ્રલય, બાર ઇંચ વરસાદ ખાબકતાં વાહનો રસ્તા પર તણાયા, જાણો શું છે શહેરની સ્થિતિ

જૂનાગઢમાં આકાશી સુનામી વરસતા ચારેય તરફ જળપ્રલયની સ્થિતિ છે. શહેરમાં 12 ઈંચ વરસાદથી જૂનાગઢ શહેરમાં ચારેય તરફ પાણી જ પાણી જોવા મળી રહ્યું છે.

By : gujarati.abplive.com | Updated at : 23 Jul 2023 08:42 AM (IST)

Due to heavy rains in Junagadh, road shops flooded houses,Flood-like situation in Junagadh Heavy Rain: જૂનાગઢમાં જળપ્રલય, બાર ઇંચ વરસાદ ખાબકતાં વાહનો રસ્તા પર તણાયા, જાણો શું છે શહેરની સ્થિતિ

જૂનાગઢમાં ભારે વરસાદે સર્જી તારાજી

Heavy Rain:જૂનાગઢમાં આકાશી સુનામી વરસતા ચારેય તરફ જળપ્રલયની સ્થિતિ છે. શહેરમાં 12 ઈંચ વરસાદથી જૂનાગઢ શહેરમાં ચારેય તરફ પાણી જ પાણી જોવા મળી રહ્યું છે. મૂશળધાર વરસાદના કારણે જૂનાગઢમાં રસ્તા પર દરિયો વહી રહ્યો હોય તેવા દ્વશ્યો સર્જાયા છે.

મૂશળધાર વરસાદના કારણે તમામ માર્ગો, બજારોમાં પાણી ભરાઇ જતાં દુકાનો જળમગ્ન બની હતી. જૂનાગઢમાં ભારે વરસાદના કારણે રસ્તા પર રમકડાની જેમ ગાડીઓ તરતા જ જોવા મળી હતી. મૂશળધાર વરસાદથી જૂનાગઢમાં ચારેય બાજુ પુરના પાણીથી હોનારત જેવા દ્રશ્યો સર્જાયા હતા. શહેરને જોડતા તમામ માર્ગો પાણીમાં ગરકાવ થઈ જતા વાહન વ્યવહાર ઠપ્પ થઇ ગયો છે. ભારે વરસાદના કારણે વેર હાઉસ, દુકાનો જળમગ્ન થઇ જતાં કરોડો રૂપિયાની નુકસાનીની આશંકા સેવાઇ રહી છે.

જૂનાગઢના ગિરનાર-દાતાર વિસ્તારમાં 16 ઈંચ વરસાદ ખાબકતા પશુઓ, વાહનો, લારીઓ પૂરના ધસમસતા પાણીમાં તણાઈ હતી. સક્કરબાગ નજીકની સોસાયટીમાં તો એક એક માળ ડુબી જાય તેટલુ પાણી ભરાતા ઘરવખરીને પણ પારાવાર નુકસાન થયું છે.

જૂનાગઢના મોતીબાગના એસટી વર્ક શોપમાં પાણી ભરાતા બસો જળમગ્ન બની છે. દીવાલ ધરાશાયી થતા ટાયરો અને ઓઈલના બેરલ પણ તણાયા હતા. વાહન વ્યવહાર બંધ થતા બહાર જતા તમામ રૂટ પર એસટી બસો રદ કરવામાં આવી છે.

વરસાદથી પૂરના પાણીમાં જૂનાગઢની જલારામ સોસાયટી નજીક સિનિયર સિટિઝન તણાયાનો વીડિયો સોશલ મીડિયામાં વાયરલ થયો હતો. જો કે સદનસીબે બે સ્થાનિકો અને જૂનાગઢ પોલીસે સિનિયર સિટિઝનને જીવના જોખમે બચાવ્યા હતા.

છેલ્લા 24 કલાકમાં રાજ્યના 246 તાલુકામાં નોંધાયો વરસાદ