Gujarat Election 2022: ભરૂચની નાંદોદ વિધાનસભામાં એક જ ગામના બે ઉમેદવારે કર્યું મતદાન, જાણો વિગત

Gujarat Election 2022: ભરૂચની અંકલેશ્વ, ઝઘડિયા, વાગડિયા. ભરૂચ અને જંબુસર બેઠક પર કુલ 32 ઉમેદવારો વચ્ચે જંગ છે. જ્યારે નર્મદા જિલ્લામાં નાંદોદ અને ડેડિયાપાડા એમ બે બેઠક પર 9 ઉમેદવારો વચ્ચે જંગ છે.

હર્ષદ વસાવા

Gujarat Election 2022: ગુજરાત વિધાનસભાની ચૂંટણીનું પ્રથમ તબક્કામાં 19 જિલ્લાની 89 બેઠકો પર મતદાન શરૂ થઈ ગયું છે. મતદાન સાંજે 5.00 વાગ્યા સુધી યોજાશે. આ મતદાનમાં કચ્છ, સૌરાષ્ટ્ર અને દક્ષિણ ગુજરાતના મતદારો પોતાના મતાધિકારનો ઉપયોગ કરી સહભાગી બનશે. આ બેઠકો પર 788 ઉમેદવારોનું ભાવિ ઈવીએમમાં કેદ થશે.

સુંદરપુરામાં એક જ ગામના બે ઉમેદવારો મતદાન કર્યુ

નાંદોદ વિધાનસભા બેઠકમાં આવતાં સુંદરપુરામાં એક જ ગામના બે ઉમેદવારો મતદાન કર્યુ હતું. અહીં માજી ધારાસભ્ય અને અપક્ષ ઉમેદવાર હર્ષદ વસાવા તથા કોંગ્રેસના ઉમેદવાર ગરેશ વસાવાએ વોટિંગ કર્યુ હતું. મધ્ય ગુજરાતમાં ભરૂચની પાંચ અને નર્મદા જિલ્લાની બે મળી કુલ સાત બેઠક પર મતદાન થઈ રહ્યું છે.  ભરૂચની અંકલેશ્વ, ઝઘડિયા, વાગડિયા. ભરૂચ અને જંબુસર બેઠક પર કુલ 32 ઉમેદવારો વચ્ચે જંગ છે. જ્યારે નર્મદા જિલ્લામાં નાંદોદ અને ડેડિયાપાડા એમ બે બેઠક પર 9 ઉમેદવારો વચ્ચે જંગ છે. આમ કુલ બ41 ઉમેદવાર વચ્ચે હરિફાઈ છે.

નર્મદા જિલાની નાંદોદ બેઠક પર ભાજપે સૌ પ્રથમ વખત મહિલા ઉમેદવારને મેદાનમાં ઉતાર્યા છે. જ્યારે ડેડિયાપાડા બેઠક પરથી કોંગ્રેસના મહિલા ઉમેદવારનું ભાવિ નક્કી થશે. ભરૂચ જિલ્લામાં 1359 મતદાન કેન્દ્રો છે અને 12.67 લાખ મતદારો પોતાના મતાધિકારનો ઉપયોગ કરશે, જ્યારે નર્મદા જિલ્લામાં 624 મતદાન કેન્દ્રો છે અને 4.57 લાખ મતદારો મતાધિકારનો ઉપયોગ કરશે. આ બંને જિલ્લાની 7 બેઠક પર ઉમેદવારોનું ભાવિ નક્કી થશે.

19 જિલ્લાની આ 89 બેઠક પર થઈ રહ્યું છે પ્રથમ તબક્કાનું મતદાન

• કચ્છ જિલ્લો : બેઠકોના નામ : અબડાસા, માંડવી, ભુજ, અંજાર, ગાંધીધામ, રાપર
• સુરેન્દ્રરનગર જિલ્લો : બેઠકોના નામ : દસાડા (SC), લીમડી, વઢવાણ, ચોટીલા, ધ્રાંગધ્રા
• મોરબી જિલ્લો : બેઠકોના નામ : મોરબી, ટંકારા, વાંકાનેર
• રાજકોટ જિલ્લો : બેઠકોના નામ : રાજકોટ પૂર્વ, રાજકોટ પશ્વિમ, રાજકોટ દક્ષિણ, રાજકોટ ગ્રામ્ય  જસદણ, ગોંડલ, જેતપુર, ધોરાજી
• જામનગર જિલ્લો : બેઠકોના નામ : કાલાવડ, જામનગર (ગ્રામ્ય), જામનગર (ઉત્તર), જામનગર દક્ષિણ, જામજોધપુર, ખંભાળિયા, દ્વારકા, પોરબંદર
• દેવભૂમિ દ્વારકા જિલ્લો : બેઠકોના નામ : ખંભાળિયા, દ્વારકા, પોરબંદર
• પોરબંદર જિલ્લો : બેઠકોના નામ : કુતિયાણા, માણાવદર
• જૂનાગઢ જિલ્લો : બેઠકોના નામ : જૂનાગઢ, વીસાવદર, કેશોદ, માંગરોળ
• ગીર-સોમનાથ જિલ્લો : બેઠકોના નામ : સોમનાથ, તલાલા, કોડિનાર, ઉના
• અમરેલી જિલ્લો : બેઠકોના નામ : ધારી, અમરેલી, લાઠી, સાવરકુંડલા, રાજુલા
• ભાવનગર જિલ્લો : બેઠકોના નામ : મહુવા, તળાજા, ગારિયાધર, પાલીતાણા, ભાવનગર ગ્રામ્ય, ભાવનગર પૂર્વ, ભાવનગર પશ્વિમ
• બોટાદ જિલ્લો : બેઠકોના નામ : ગઢડા (SC), બોટાદ
• નર્મદા જિલ્લો : બેઠકોના નામ : નાંદોદ (ST), દેડિયાપાડા (ST)
• ભરૂચ જિલ્લો : બેઠકોના નામ : જંબુસર, વાગરા, ઝઘડિયા (ST), ભરૂચ, અંકલેશ્વર
• સુરત જિલ્લો : બેઠકોના નામ : ઓલપાડ, માંગરોળ (ST), માંડવી, કામરેજ, સૂરત પૂર્વ, સુરત ઉત્તર, વરાછા રોડ, કારંજ, લિંબાયત, ઉધના, મજુરા, કતારગામ, સુરત પશ્ચિમ, ચોર્યાસી, બારડોલી (SC), મહુવા ST
• તાપી જિલ્લો : બેઠકોના નામ : વ્યારા (ST), નિઝર (ST)
• ડાંગ જિલ્લો : બેઠકોના નામ : ડાંગ (ST)
• નવસારી જિલ્લો : બેઠકોના નામ: જલાલપોર, નવસારી, ગણદેવી, વાંસદા (ST) 
• વલસાડ જિલ્લો : બેઠકોના નામ : ધરમપુર, વલસાડ, પારડી, કપરાડા, ઉમરગામ (ST)

13 બેઠક SC, 27 બેઠક ST સહિત કુલ 40 બેઠક અનામત 

ગુજરાત વિધાનસભાની કુલ 182 બેઠકોમાંથી 40 બેઠકો અનામત છે. જેમાં 13 બેઠકો અનુસૂચિત જાતિ (SC) માટે અને 27 બેઠક અનુસૂચિત જનજાતિ ( ST) અનામત રહેશે. ગતા 2017ની વિધાનસભાની ચૂંટણીમાં ભાજપે 99 અને કોંગ્રેસને 77 બેઠક મળી હતી, જ્યારે BTPને 2 સીટ અને 4 સીટ પર અપક્ષ જીત્યા હતા.

2017ની ચૂંટણીમાં સૌરાષ્ટ્રમાંથી ભાજપને 23, કોંગ્રેસને 30 બેઠક મળી હતી

સૌરાષ્ટ્ર-કચ્છની કુલ 54 વિધાનસભા બેઠક છે. જેમાંથી ગત 2017ની વિધાનસભાની ચૂંટણીમાં ભાજપને 23 બેઠક મળી હતી. જ્યારે, ૩૦ બેઠકો ઉપર કોંગ્રેસનો વિજય થયો હતો. એકમાત્ર NCPને મળી હતી.