Gujarat Panchayat Election Vote Counting : 31 જિલ્લા પંચાયતમાં ભાજપનો ભગવો લહેરાયો, કૉંગ્રેસના સૂપડા સાફ

Gujarat Panchayat Election Result 2021 LIVE Updates: નગરપાલિકામાં 59.05 ટકા, જિલ્લા પંચાયતમાં 66.67 ટકા અને તાલુકા પંચાયતમાં 66.86 ટકા મતદાન થયું હતું.

Background

Gujarat Civic Polls- 2021: 31 જિલ્લા પંચાયત, 231 તાલુકા પંચાયત અને 81 નગરપાલિકાની યોજાયેલી ચૂંટણીનું આજે પરિણામ જાહેર થશે. આ દરમિયાન આમ આદમી પાર્ટીના પ્રદર્શન પર તમામની નજર રહેશે.

સૌ પ્રથમ પોસ્ટલ બેલેટની ગણતરી હાથ ધરવામાં આવશે. જ્યારે સવારે 9 વાગ્યાથી EVMમાં કેદ મતોની ગણતરી કરવામાં આવશે. 2015માં ભાજપે જિલ્લા પંચાયતમાં 453 બેઠકો, તાલુકા પંચાયતમાં 2593 બેઠકો અને નગરપાલિકામાં 1610 બેઠકો મળી કુલ 4656 બેઠકો મેળવી હતી. આ વખતે કુલ બેઠકોમાં પણ વધારો થશે.

કેટલું થયું હતું મતદાન

નગરપાલિકાઃ 59.05 ટકા

જિલ્લા પંચાયતઃ 66.67 ટકા

તાલુકા પંચાયતઃ 66.86 ટકા

22:04 PM (IST)  •  02 Mar 2021

જિલ્લા અને તાલુકામાં પંચાયતની ચૂંટણીમાં ભાજપની શાનદાર જીત થઈ છે. 231 તાલુકા પંચાયતોની ચૂંટણીમાં ભાજપનો 196 તાલુકા પંચાયતોમાં ભવ્ય વિજય થયો છે અને કોંગ્રેસને માત્ર 33 તાલુકા પંચાયતો આવી છે. 231 તાલુકા પંચાયતની 4774 બેઠકમાંથી ભાજપને 3351, કોંગ્રેસને 1252 અને આપને 31 બેઠક મળી છે. જ્યારે અપક્ષોનો 115, બસપાને 4 અને અન્યોનો 16 સીટ પર વિજય થયો છે

21:41 PM (IST)  •  02 Mar 2021

31 એ 31 જિલ્લા પંચાયત પર ભાજપે કર્યો કબજો.. એક પણ જિલ્લા પંચાયત ન જીતી શકી કૉંગ્રેસ.. 4 જિલ્લા પંચાયતમાં જ કૉંગ્રેસ ડબલ ડિઝિટમાં પહોંચી શકી..