શોધખોળ કરો

Gujarat Rain: આગામી 3 કલાકમાં રાજ્યના અનેક જિલ્લામાં પડી શકે છે વરસાદ

Gujarat Rain: સામાન્ય છુટાછવાયા વરસાદની આગાહી કરવામાં આવી છે. પંચમહાલ, દાહોદ, મહિસાગર, જૂનાગઢમાં વરસાદની આગાહી છે.

By : એબીપી અસ્મિતા વેબ ટીમ | Updated at : 16 Jul 2023 09:50 AM (IST)

Gujarat Rain: Rain may fall in many districts of the state in the next 3 hours Gujarat Rain: આગામી 3 કલાકમાં રાજ્યના અનેક જિલ્લામાં પડી શકે છે વરસાદ

ફાઈલ તસવીર

Gujarat Rain: હવામાન વિભાગ દ્વારા આગામી 3 કલાકમાં અનેક જીલ્લામાં વરસાદ પડવાની આગાહી કરવામાં આવી છે. સામાન્ય છુટાછવાયા વરસાદની આગાહી કરવામાં આવી છે. પંચમહાલ, દાહોદ, મહિસાગર, જૂનાગઢમાં વરસાદની આગાહી છે. જ્યારે પાટણ, અમરેલી, છોટાઉદેપુર, નર્મદા, ભરૂચ, સુરત, ડાંગ, તાપી, નવસારી, વલસાડ, દમણ દાદરા નગર હવેલી, રાજકોટ, પોરબંદર, અમરેલી, ભાવનગર, ગીર સોમનાથ, દીવમાં સામાન્ય વરસાદની આગાહી છે.

હવામાન વિભાગની આગાહી મુજબ આગામી 2 દિવસ બાદ મેઘરાજા ફરી ગુજરાતમે ઘમરોળશે, હવામાન વિભાગે સૌરાષ્ટ્ર અને દક્ષિણ ગુજરાતમાં ભારે વરસાદની આગાહી કરી છે. હવામાન વિભાગના અનુમાન મુજબ બંગાળની ખાડીમાં સર્જાયેલા લો પ્રેશરના કારણે ફરી ગુજરાતમાં વરસાદનો ત્રીજા રાઉન્ડ 18 જુલાઇ બાદ શરૂ થશે. આ સમય દરમિયાન દક્ષિણ ગુજરાત, કચ્છ-સૌરાષ્ટ્રમાં ભારે વરસાદનો અનુમાન છે. હવામાન વિભાગની આગાહી મુજબ ત્રીજા રાઉન્ડમાં સૌરાષ્ટ્રના દરિયાકાંઠામાં 18 જુલાઇ બાદ ભારે વરસાદ રહી શકે છે. દક્ષિણ ગુજરાતના કેટલાક જિલ્લામાં પણ ભારે વરસાદનો અનુમાન છે. આ સિવાય રાજ્યભરમાં આગામી 7 દિવસ છૂટછવાયો સાર્વત્રિક વરસાદ વરસી શકે છે.

Gujarat Rain: આગામી 3 કલાકમાં રાજ્યના અનેક જિલ્લામાં પડી શકે છે વરસાદ

આવતીકાલથી રાજ્યમાં વરસાદનું જોર વધવાની ખાનગી સંસ્થા સ્કાયમેટની આગાહી કરી છે. કાલે સૌરાષ્ટ્ર, ઉત્તર ગુજરાતના જિલ્લામાં હળવાથી મધ્યમનો અનુમામ છે. તો 18 જુલાઈથી દક્ષિણ ગુજરાતમાં જળબંબાકારની સ્થિતિ સર્જાવાનું સ્કાયમેટનું અનુમાન છે. પહેલા બે રાઉન્ડમાં વરસેલા સારા વરસાદના કારણે રાજ્યના 207 પૈકી 32 જળાશયો સંપૂર્ણ ભરાયેલા છે. સૌરાષ્ટ્રના 22, કચ્છના આઠ, મધ્ય ગુજરાત અને દક્ષિણ ગુજરાતનું એક એક જળાશય છલોછલ છે. સૌથી વધુ કચ્છ જિલ્લાના 20 જળાશયોમાં 63.95 ટકા જળસંગ્રહ છે. તો સૌરાષ્ટ્રના 141 જળાશયોમાં 61.98 ટકા જળસંગ્રહ છે.ઉપરવાસમાં વરસેલા સારા વરસાદ અને છોડાયેલા પાણીને લીધે સરદાર સરોવર ડેમની જળસપાટીમાં સતત વધારો થયો છે. નર્મદા ડેમમાં 58 હજાર 766 ક્યુસેક પાણીની આવકથી છેલ્લા 24 કલાકમાં ડેમની જળસપાટી 43 સેન્ટીમીટર વધી છે... નર્મદા ડેમની જળસપાટી વધીને 125.45 મીટરે પહોંચી છેે.

Gujarat Rain: આગામી 3 કલાકમાં રાજ્યના અનેક જિલ્લામાં પડી શકે છે વરસાદ