Gujarat Rain Update: પંચમહાલમાં વૃક્ષ ધરાશાયી થતા આધેડનું મોત,ફળિયામાંથી પસાર થતાને બની દુર્ઘટના
Gujarat Rain Update: હાલમાં ગુજરાતમાં ધોધમાર વરસાદ વરસી રહ્યો છે. ખાસ કરીને ઉત્તર ગુજરાતમાં જળબંબાકારની સ્થિતિ જોવા મળી રહી છે. તો બીજી તરફ બિપરજોય વાવાઝોડાની અસરના કારણે ભારે પવન ફૂંકાયો હતો જેના કારણે અનેક વૃક્ષો ધરાશાયી થયા છે.
Gujarat Rain Update: હાલમાં ગુજરાતમાં ધોધમાર વરસાદ વરસી રહ્યો છે. ખાસ કરીને ઉત્તર ગુજરાતમાં જળબંબાકારની સ્થિતિ જોવા મળી રહી છે. તો બીજી તરફ બિપરજોય વાવાઝોડાની અસરના કારણે ભારે પવન પણ ફૂંકાઈ રહ્યો છે જેના કારણે અનેક વૃક્ષો ધરાશાયી થયા છે. તો બીજી તરફ પંચમહાલમાં વૃક્ષ પડવાથી 50 વર્ષીય આધેડનું મોત થયું છે.
શહેરા તાલુકાના બીલીથા ગામના ફુલા બારીયાના મુવાડામાં આ અકસ્માતની ઘટના સામે આવી છે. 50 વર્ષિય સુખાભાઈ મોતી ફળિયામાંથી પસાર થઈ રહ્યાં હતા તે દરમિયાન તેજ ગતિએ પવન ફુંકાતા ઝાડ પડવાની ઘટના બની હતી.સુખાભાઈને ખારોલ,લુણાવાડા અને ત્યારબાદ મોડાસા હોસ્પિટલ સારવાર અર્થે ખસેડવામાં આવ્યા હતાં જ્યાં સારવાર દરમિયાન તેમનું મોત નિપજયું. શહેરા TDO બીલીથા ગામે પહોંચી સમગ્ર ઘટના વિશેની માહિતી મેળવી છે.
છેલ્લા 24 કલાકમાં 109 તાલુકામાં તુટી પડ્યો વરસાદ
રાજ્યમાં છેલ્લા બે દિવસથી ભારે પવનો સાથે ધોધમાર વરસાદ વરસી રહ્યો છે, બિપરજૉયના લેન્ડફૉલ બાદ પોરબંદર, કચ્છ અને દ્વારકામાં ભારે તબાહી જોવા મળી હતી, આ પછી ઉત્તર ગુજરાતમાં ભારે વરસાદે તબાહી મચાવી દીધી છે, હવામાન વિભાગ દ્વારા કહેવાયુ છે કે, હજુ પણ રાજ્યમાં વરસાદી ખતરો ટળ્યો નથી. ગુજરાતમાં છેલ્લા 24 કલાકમાં 22 જિલ્લાના 109 તાલુકામાં વરસાદ ખાબક્યો છે, વરસાદે સૌથી વધુ બનાસકાંઠાને ઘમરોળ્યુ છે, જાણો ક્યાં કેટલો પડ્યો વરસાદ ?
રાજ્યમાં છેલ્લા 24 કલાકમાં 22 જિલ્લામાં વરસાદ ?
રાજ્યમાં સૌથી વધુ બનાસકાંઠાના અમીરગઢ વરસાદ
24 કલાકમાં દાંતા તાલુકામાં પોણા 7 ઈંચ વરસાદ
24 કલાકમાં ધાનેરા તાલુકામાં પોણા 7 ઈંચ વરસાદ
24 કલાકમાં પોશીના તાલુકામાં 6 ઈંચ વરસાદ
24 કલાકમાં દાંતીવાડા તાલુકામાં 6 ઈંચ વરસાદ
24 કલાકમાં પાલનપુર તાલુકામાં સાડા 5 ઈંચ વરસાદ
24 કલાકમાં સાંતલપુર તાલુકામાં સાડા 5 ઈંચ વરસાદ
24 કલાકમાં ડીસા તાલુકામાં સવા 5 ઈંચ વરસાદ
24 કલાકમાં રાધનપુર તાલુકામાં 5 ઈંચ વરસાદ
24 કલાકમાં દીયોદર તાલુકામાં 4 ઈંચ વરસાદ
24 કલાકમાં થરાદ તાલુકામાં પોણા 4 ઈંચ વરસાદ
24 કલાકમાં સિદ્ધપુર, વડગામમાં પોણા 4 ઈંચ વરસાદ
24 કલાકમાં વાવ, સરસ્વતી, પાટણમાં ત્રણ ઈંચ વરસાદ
24 કલાકમાં લાખણી, વિજયનગર, કાંકરેજમાં અઢી ઈંચ વરસાદ
24 કલાકમાં સમી તાલુકામાં 2 ઈંચ વરસાદ
24 કલાકમાં ભાભર, સતલાસણામાં દોઢ ઈંચ વરસાદ
24 કલાકમાં લખપત, ગોધરા અને સૂઈગામમાં દોઢ ઈંચ વરસાદ
24 કલાકમાં હાલોલ, વિરપુર, હારીજમાં સવા ઈંચ વરસાદ
મહત્વનું છે કે, રાજ્યોમાંખી બિપરજૉય વાવાઝોડું પસાર થઇ ગયુ છે, પરંતુ હજુ સુધી તેની અસર ઓછી નથી થઇ, હવામાન વિભાગ અનુસાર, હજુ પણ ગુજરાતના માથે સંકટ તોળાઇ રહ્યું છે. હજુ રાજ્યમાં ભારે પવનો ફૂંકાશે અને ઠેક ઠેકાણે ધોધમાર વરસાદી વરસી શકે છે. ખાસ કરીને આની સૌથી વધુ અસર ઉત્તર ગુજરાતમાં દેખાશે.
હવામાન વિભાગ અનુસાર, ગુજરાતમાંથી વાવાઝોડુ પસાર થઇ ગયુ છે અને હવે રાજસ્થાનમાં બેથી ત્રણ દિવસ સુધી આની અસર રહી શકે છે. પરંતુ ગુજરાતમાં હજુ પણ ઉત્તર ગુજરાતમાં મહેસાણા, પાટણ અને બનાસકાંઠામાં ભારે પવન સાથે ધોધમાર વરસાદની આગાહી કરવામાં આવી છે. વાવાઝોડા અંગે હવામાન વિભાગે પ્રતિક્રિયા આપી છે કે, રાત સુધીમાં વાવાઝોડું ડિપ્રેશનમાં બદલાશે, ડિપ્રેશન બનતા સમય લાગે તો આવતીકાલ સુધી રાજ્યમાં વરસાદી માહોલ રહેશે. કેટલાક વિસ્તારોમાં ભારે વરસાદની પણ આગાહી કરવામાં આવી છે. ત્રણ કલાક વરસાદ પડવાની આગાહી કરવામાં આવી છે. કાલે સવાર બાદ કચ્છને રાહત મળી શકશે. અમદાવાદમાં થન્ડરસ્ટોમ એક્ટિવિટી સાથે વરસાદી માહોલ રહેશે.
ટોપ સ્ટોરી
ટ્રેન્ડિંગ સમાચાર
