Video: ઇથોપિયામાં જ્વાળામુખી ફાટતા ભારત સુધી પહોંચ્યો ખતરો! દિલ્હી-ગુજરાત પર રાખના વાદળોની શક્યતા
Hayli Gubbi volcano eruption: સદીઓ બાદ જાગ્યો સૂતેલો જ્વાળામુખી: ઈન્ડિગોની ફ્લાઈટ અમદાવાદ ડાયવર્ટ, DGCA એ એરલાઈન્સ માટે હાઈ-એલર્ટ અને નવી ગાઈડલાઈન જાહેર કરી.
Hayli Gubbi volcano eruption: ઇથોપિયામાં સેંકડો વર્ષોથી શાંત પડેલો 'હેલી ગુબ્બી' (Hale Gubbi) જ્વાળામુખી રવિવારે અચાનક સક્રિય થતા વૈશ્વિક હવાઈ વ્યવહાર પર સંકટના વાદળો ઘેરાયા છે. જ્વાળામુખીમાંથી નીકળેલી રાખ અને ધુમાડાની અસર હવે ભારતીય ઉડ્ડયન ક્ષેત્ર પર પણ વર્તાવા લાગી છે. આ રાખના કારણે કન્નુરથી અબુ ધાબી જઈ રહેલી ઈન્ડિગોની એક ફ્લાઈટને અધવચ્ચેથી ડાયવર્ટ કરીને અમદાવાદ એરપોર્ટ પર સુરક્ષિત રીતે ઉતારવી પડી હતી. હવામાન નિષ્ણાતોના મતે, જ્વાળામુખીની રાખ ગુજરાત થઈને દિલ્હી-NCR અને પંજાબ સુધી પહોંચી શકે છે, જેના કારણે આગામી કલાકોમાં વધુ ફ્લાઈટ્સ પ્રભાવિત થવાની શક્યતા છે.
ફ્લાઈટ સેવાઓ પર માઠી અસર: અમદાવાદમાં ઈમરજન્સી લેન્ડિંગ
ઇથોપિયામાં થયેલા પ્રચંડ વિસ્ફોટને કારણે આકાશમાં રાખના ગોટેગોટા છવાયા છે, જે વિમાનના એન્જિન માટે અત્યંત જોખમી હોય છે. આ પરિસ્થિતિને કારણે ભારતથી ખાડી દેશો તરફ જતી ફ્લાઈટ્સ પર સીધી અસર પડી છે. કન્નુરથી અબુ ધાબી જતી ઈન્ડિગોની ફ્લાઈટના રૂટમાં રાખના વાદળો આવતા તેને તાત્કાલિક ડાયવર્ટ કરવામાં આવી હતી અને બાદમાં અમદાવાદ એરપોર્ટ પર તેનું સુરક્ષિત લેન્ડિંગ કરાવવામાં આવ્યું હતું. અહેવાલો મુજબ, સુરક્ષાના કારણોસર અન્ય ઘણી આંતરરાષ્ટ્રીય ફ્લાઈટ્સ પણ રદ કરવી પડી છે.
ગુજરાતથી દિલ્હી સુધી રાખ ફેલાવવાની ભીતિ
હવામાનના મોડલ મુજબ, ઇથોપિયાથી ઉડેલી આ ગાઢ રાખ સોમવારે રાત સુધીમાં ઉત્તર-પશ્ચિમ ભારતના વાતાવરણમાં પ્રવેશે તેવી શક્યતા છે. પવનની દિશા મુજબ, આ પ્રદૂષિત વાદળો સૌથી પહેલા ગુજરાતમાં પ્રવેશ કરશે અને ત્યારબાદ રાજસ્થાન, દિલ્હી-NCR અને પંજાબ તરફ આગળ વધશે. જમીનથી આશરે 10 થી 15 કિલોમીટરની ઊંચાઈએ સલ્ફર ડાયોક્સાઇડ અને બારીક પથ્થરોની રજકણો વાળા વાદળો ફરી રહ્યા છે, જે એવિએશન ટર્બાઇન માટે મોટો ખતરો છે.
⚠️ Ethiopia: The Hayli Gobi volcano erupted today for the first time in ten thousand years and sent ash up to a height of 15 km.🔥🔥 pic.twitter.com/aiPVhhO4rr
— Dr. Fundji Benedict (@Fundji3) November 24, 2025
DGCA એક્શન મોડમાં: એરલાઈન્સને કડક સૂચના
પરિસ્થિતિની ગંભીરતાને જોતા ડિરેક્ટોરેટ જનરલ ઓફ સિવિલ એવિએશન (DGCA) એ તમામ એરપોર્ટ અને એરલાઈન્સ માટે તાત્કાલિક એડવાઈઝરી જાહેર કરી છે. જેમાં નીચે મુજબના પગલાં લેવા આદેશ અપાયો છે:
રૂટ બદલો: એરલાઈન્સને અસરગ્રસ્ત હવાઈ ક્ષેત્ર અને ઊંચાઈથી દૂર રહીને ફ્લાઈટ ઓપરેટ કરવા જણાવાયું છે.
એક્સ્ટ્રા ફ્યુઅલ: વિમાનોને ડાયવર્ઝન માટે તૈયાર રહેવા વધારાનું ઈંધણ સાથે રાખવા આદેશ અપાયો છે.
મોનિટરિંગ: એરપોર્ટ્સને રનવે અને ટેક્સીવે પર રાખના થર જામ્યા છે કે નહીં તેનું સતત નિરીક્ષણ કરવા અને જરૂર પડે તો ઓપરેશન બંધ કરવા સૂચના છે.
પાઈલટ રિપોર્ટિંગ: જો પાઈલટને કેબિનમાં સલ્ફરની ગંધ આવે કે એન્જિનમાં ફેરફાર જણાય તો તુરંત રિપોર્ટ કરવો પડશે.
ટેકનિકલ ચેક: અસરગ્રસ્ત વિસ્તારમાંથી પસાર થયેલા વિમાનોના એન્જિન અને બોડીનું લેન્ડિંગ બાદ ફરજિયાત ચેકિંગ કરવાનું રહેશે.
Ash cloud moving towards North India ⚠️
— IndiaMetSky Weather (@indiametsky) November 24, 2025
A large ash plume can be seen stretching from #HayliGubbi Volcano region upto #Gujarat. The eruption has stopped ever since the eruption but this Ash plume has been sent up into the atmosphere which is moving at an speed of 100-120km/h… https://t.co/QHWDxHWstv pic.twitter.com/xccXhgleFd
Current (black) and forecasted (green +6hr , yellow +12, red +18) ash cloud observations from today’s eruption of Hayli Gubbi volcano in northern Ethiopia. pic.twitter.com/96vtwvLD20
— Flightradar24 (@flightradar24) November 23, 2025
સદીઓ પછી જાગ્યો 'હેલી ગુબ્બી'
રવિવારે સવારે ઇથોપિયાના અફાર પ્રદેશમાં આ જ્વાળામુખી ફાટ્યો હતો. ઇતિહાસમાં ક્યારેય સક્રિય ન હોવાનો રેકોર્ડ ધરાવતો આ જ્વાળામુખી અચાનક જાગી ઉઠતા સ્થાનિકો અને વૈજ્ઞાનિકો પણ ચોંકી ગયા છે. નજીકનું આફડેરા ગામ સંપૂર્ણપણે રાખના થર નીચે દટાઈ ગયું છે. જોકે, સદનસીબે કોઈ જાનહાનિના સમાચાર નથી, પરંતુ સ્થાનિક પશુપાલકોને મોટું આર્થિક નુકસાન વેઠવું પડ્યું છે.
ટોપ સ્ટોરી
ટ્રેન્ડિંગ સમાચાર
