Gujarat Weather: રાજ્યમાં ત્રણ દિવસ ભારે વરસાદની આગાહી, આ જિલ્લામાં ઓરેન્જ એલર્ટ જાહેર

Gujarat Weather: હવામાન વિભાગે રાજ્યના અનેક જિલ્લાઓ માટે આગામી ત્રણ દિવસ ભારે વરસાદને લઇને ઓરેન્જ એલર્ટ જાહેર કર્યું છે.

પ્રતીકાત્મક તસવીર

Source : AI

Show Quick Read

Key points generated by AI, verified by newsroom

• હવામાન વિભાગે અનેક જિલ્લાઓમાં રેડ-ઓરેન્જ એલર્ટ જાહેર કર્યું.
• ઉત્તર-મધ્ય ગુજરાતમાં આગામી બે દિવસ ભારે વરસાદ, તેજ પવન.
• ખેડા, બનાસકાંઠા, પાટણ, મહેસાણા, સાબરકાંઠા, અરવલ્લીમાં વરસાદની આગાહી.
• નાગરિકોને સતર્ક રહેવા, બિનજરૂરી મુસાફરી ટાળવાની અપીલ.

Gujarat Weather: ગુજરાતમાં ચોમાસાએ જોર પકડતા હવામાન વિભાગે આગામી ત્રણ દિવસ માટે અનેક જિલ્લાઓમાં વરસાદ અને તેજ પવનની આગાહી સાથે રેડ અને ઓરેન્જ એલર્ટ જાહેર કર્યું છે. ઓરેન્જ એલર્ટ હેઠળના જિલ્લાઓમાં પ્રશાસને નાગરિકોને સતર્ક રહેવા અપીલ કરી છે.  ઉત્તર ગુજરાત અને મધ્ય ગુજરાતના અનેક જિલ્લાઓમાં આગામી બે દિવસ દરમિયાન તીવ્ર વરસાદ સાથે 50થી 60 કિલોમીટર પ્રતિ કલાકની ઝડપે પવન ફૂંકાવાની શક્યતા વ્યક્ત કરવામાં આવી છે. ખાસ કરીને બનાસકાંઠા, પાટણ, મહેસાણા, સાબરકાંઠા, ગાંધીનગર અને અરવલ્લી જિલ્લાઓમાં આજે અને આવતીકાલે ભારે વરસાદ અને તેજ પવનની આગાહી કરવામાં આવી છે.             

હવામાન વિભાગના અનુમાન મુજબ બનાસકાંઠા જિલ્લામાં આજે તીવ્ર વરસાદ સાથે તેજ પવન ફૂંકાશે. આવતીકાલે પણ સમાન સ્થિતિ રહેવાની સંભાવના છે, જ્યારે ગુરુવારે જિલ્લામાં છૂટાછવાયા સ્થળોએ મધ્યમથી ભારે વરસાદ વરસી શકે છે. જિલ્લામાં પવનની ગતિ પ્રતિ કલાક 50થી 60 કિલોમીટર સુધી પહોંચી શકે છે.

પાટણ જિલ્લામાં પણ આગામી બે દિવસ તીવ્ર વરસાદ અને તેજ પવનની આગાહી કરવામાં આવી છે. ગુરુવારે જિલ્લામાં કેટલાક વિસ્તારોમાં મધ્યમથી ભારે વરસાદ પડી શકે છે. મહેસાણા જિલ્લામાં પણ આજ અને આવતીકાલે ભારે વરસાદ સાથે પવનની ગતિ તેજ રહેવાની શક્યતા છે.

સાબરકાંઠા અને ગાંધીનગર જિલ્લામાં પણ હવામાન વિભાગે સમાન પ્રકારની આગાહી વ્યક્ત કરી છે. બંને જિલ્લાઓમાં આજે અને આવતીકાલે તીવ્ર વરસાદ સાથે 50થી 60 કિલોમીટર પ્રતિ કલાકની ઝડપે પવન ફૂંકાઈ શકે છે. ગુરુવારે છૂટાછવાયા સ્થળોએ ભારે વરસાદનું અનુમાન છે.

અરવલ્લી જિલ્લામાં પણ આગામી ત્રણ દિવસ વરસાદી માહોલ યથાવત રહેવાની શક્યતા છે. આજે અને આવતીકાલે ભારે વરસાદ સાથે તેજ પવન ફૂંકાશે, જ્યારે ગુરુવારે કેટલાક વિસ્તારોમાં મધ્યમથી ભારે વરસાદ પડી શકે છે.

ખેડા જિલ્લામાં આજે અને આવતીકાલે મધ્યમ વરસાદ સાથે તેજ પવનની આગાહી કરવામાં આવી છે. ગુરુવારે જિલ્લામાં છૂટાછવાયા વિસ્તારોમાં મધ્યમથી ભારે વરસાદની શક્યતા છે. અહીં પણ પવનની ગતિ 50થી 60 કિલોમીટર પ્રતિ કલાક સુધી પહોંચી શકે છે.  હવામાન વિભાગે લોકોને ભારે વરસાદ, વીજળી અને તેજ પવન દરમિયાન સાવચેત રહેવા, બિનજરૂરી મુસાફરી ટાળવા તેમજ સ્થાનિક તંત્રની સૂચનાઓનું પાલન કરવાની અપીલ કરી છે

આ પણ વાંચો

દાહોદમાં મોડીરાત્રે આંધી-વંટોળથી તારાજી, સાઇનબૉર્ડ પડતા 3 લોકોનો મોત, ઠેકઠેકાણે પતરાં ઉડ્યા

ગુજરાતમાં પ્રિમોન્સૂન એક્ટિવિટી એક્ટિવ, બનાસકાંઠા સહિત આ જિલ્લાઓમાં ભારે પવન સાથે ધોધમાર વરસાદ