ક્રિકેટ ગ્રાઉન્ડ પરથી પરત ફરતા કાર અકસ્માતમાં ભાજપ નેતાનું મોત

ખેડા: જિલ્લા ભાજપ યુવા મોરચાના ઉપપ્રમુખનું અકસ્માતમાં મોત થયું છે. જેને લઈને કાર્યકરોમાં શોક જોવા મળી રહ્યો છે. મહેમદાવાદના મોંકવા ગામના વતની કલ્પેશસિહ ડાભીનું રાત્રે કાર અકસ્માતમાં મોત નીપજ્યું છે.

કલ્પેશસિહ ડાભી

ખેડા: જિલ્લા ભાજપ યુવા મોરચાના ઉપપ્રમુખનું અકસ્માતમાં મોત થયું છે. જેને લઈને કાર્યકરોમાં શોક જોવા મળી રહ્યો છે. મહેમદાવાદના મોંકવા ગામના વતની કલ્પેશસિહ ડાભીનું રાત્રે કાર અકસ્માતમાં મોત નીપજ્યું છે. સિહુંજ MPL ક્રિકેટ ગ્રાઉન્ડ પરથી પરત ફરતા કાર અકસ્માતમાં ભાજપ નેતાનું મોત નીપજ્યું હતું. વાંઠવાડીથી મોંકવા જવાના રોડ પર ઝાડ સાથે કાર અથડાઈ હતી. કાર ધડાકા ભેર અથડાતા ઘટના સ્થળે જ કલ્પેશસિહનું મોત નીપજ્યું હતું. મોકવા ગામના યુવા નેતાનું નિધન થતા મોટી સંખ્યામાં કાર્યકરો અંતિમ વિધિમાં જોડાયા હતા.

ખેડૂત નેતા રાકેશ ટિકૈતના મોઢા પર શાહી ફેંકવામાં આવી, કાર્યક્રમમાં મચ્યો હોબાળો,
Rakesh Tikait: બેંગલુરુમાં આજે એક કાર્યક્રમ દરમિયાન ભારતીય કિસાન યુનિયનના નેતા રાકેશ ટિકૈત પર શાહી ફેંકવામાં આવી છે. રાકેશ ટિકૈત ત્યાં પ્રેસ કોન્ફરન્સ કરવાના હતા. આ  કાર્યક્રમ દરમિયાન ભારે હંગામો અને મારામારીની ઘટના સામે આવી છે. પોલીસે શાહી ફેંકનારની ધરપકડ કરી લીધી છે.

રાકેશ ટિકૈત અને યુદ્ધવીર સિંહ પ્રેસ કોન્ફરન્સ કરી રહ્યા હતા
આ અંગે મળતી માહિતી મુજબ, ખેડૂત નેતા રાકેશ ટિકૈત અને યુદ્ધવીર સિંહ ગાંધી ભવનમાં પ્રેસ કોન્ફરન્સ કરી રહ્યા હતા. આ દરમિયાન એક વ્યક્તિએ તેમના પર કાળી શાહી ફેંકી હતી. બંને ખેડૂત નેતાઓ સ્થાનિક ચેનલના સ્ટિંગ ઓપરેશનના વીડિયો પર સ્પષ્ટતા કરવા આવ્યા હતા.

નેપાળમાં પ્લેન ક્રેશમાં તમામ મુસાફરોના મોત, 4 ભારતીયો સહિત 22 લોકો સવાર હતા

નેપાળના ટૂરિસ્ટ ટાઉન પોખરાથી ઉડાન ભર્યાની થોડી જ મિનિટો બાદ હિમાલયના પર્વતીય વિસ્તારમાં ક્રેશ થયેલા તારા એર પ્લેનનો કાટમાળ મળી આવ્યો છે. નેપાળની સેનાએ મુસ્તાંગના થાસાંગ-2ના સનોસવેરમાં ક્રેશ થયેલું તારા એર પ્લેન શોધી કાઢ્યું છે. આ દરમિયાન વિમાનમાં સવાર તમામ 22 લોકોના મોત થયા છે. નેપાળની સેનાએ આ વાતની પુષ્ટિ કરી છે. વિમાનમાં ચાર ભારતીયો પણ સવાર હતા. અગાઉ ખરાબ હવામાન અને વાદળછાયા વાતાવરણને કારણે વિમાનને શોધવામાં મુશ્કેલી પડતી હતી. આ વિમાને સવારે 10.15 વાગ્યે રાજધાની કાઠમંડુથી 200 કિમી પૂર્વમાં સ્થિત પોખરાથી ઉડાન ભરી હતી.