Gujarat Rain: આગામી 24 કલાક વરસાદનું જોર યથાવત રહેશે, જાણી લો હવામાન વિભાગની આગાહી

ગુજરાતમાં છેલ્લા એક સપ્તાહથી વરસાદ વરસી રહ્યો છે. રાજ્યના અનેક જિલ્લાઓમાં કમોસમી વરસાદ વરસ્યો છે. અનેક જિલ્લાઓમાં કમોસમી વરસાદના કારણે પાકને મોટાપાયે નુકસાન થયું છે.

ગુજરાતમાં વરસાદની આગાહી

Source : તસવીર- ABP અસ્મિતા

અમદાવાદ: ગુજરાતમાં છેલ્લા એક સપ્તાહથી વરસાદ વરસી રહ્યો છે. રાજ્યના અનેક જિલ્લાઓમાં કમોસમી વરસાદ વરસ્યો છે. અનેક જિલ્લાઓમાં કમોસમી વરસાદના કારણે પાકને મોટાપાયે નુકસાન થયું છે.  હવામાન વિભાગે પણ વરસાદને લઈ આગાહી કરી છે.  આગામી 24 કલાક વરસાદનું જોર યથાવત રહેશે. હવામાન વિભાગે વરસાદને લઈ નવી આગાહી કરી છે.  

આવતીકાલથી વરસાદનું જોર ઘટશે

હવામાન વિભાગના જણાવ્યા અનુસાર,  સૌરાષ્ટ્ર અને દક્ષિણ ગુજરાતના જિલ્લામાં ઓરેન્જ એલર્ટ આપવામાં આવ્યું છે.  50-60 કિ.મી પ્રતિ કલાકની ઝડપે પવન ફૂંકાશે.  આવતીકાલથી વરસાદનું જોર ઘટશે તેમ હવામાન વિભાગે સંભાવના વ્યક્ત કરી છે.  

ઉત્તર પૂર્વ રાજસ્થાન પર અપર એર સાયક્લોનિક સર્કયુલેશન સક્રિય હોવાના કારણે ગુજરાતના જિલ્લાઓમાં વરસાદ વરસી રહ્યો છે. 
સાબરકાંઠા, અરવલ્લી, મહીસાગર, દાહોદ, પંચમહાલ, વડોદરા, છોટાઉદેપુર, ભરૂચ, નર્મદા, સુરત, તાપી, વલસાડ, ડાંગ, દમણ અને દાદરા નગર હવેલીમાં ગાજવીજ સાથે વરસાદની શક્યતા છે. 

સૌરાષ્ટ્ર-કચ્છમાં પણ વરસાદની આગાહી

હવામાન વિભાગે  સૌરાષ્ટ્ર અને કચ્છમાં પણ વરસાદની સંભાવનાઓ વ્યક્ત કરી છે. જેમાં રાજકોટ, જુનાગઢ, ગીર સોમનાથ, દીવ, અમરેલી અને ભાવનગરમાં પણ  સામાન્ય વરસાદની શક્યતા છે.  

ગુજરાતનાં મોટાભાગના વિસ્તારોમાં તાપમાનનો પારો નીચે ગયો છે.  આગામી સમયમાં ગુજરાતનું વાતાવરણ કેવું રહેશે તે અંગે હવામાન વિભાગે આગાહી કરી છે.  આજે 9 મેના શુક્રવારે  બનાસકાંઠા, સાબરકાંઠા, પાટણ, મહેસાણા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહિસાગર, વડોદરા, છોટા ઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી અને દમણ, દાદરા નગર હવેલીમાં વરસાદની આગાહી કરવામાં આવી છે. 

ગુજરાતના તમામ જિલ્લાઓમાં છૂટાછવાયા સ્થળોએ હળવાથી મધ્યમ વરસાદની આગાહી વ્યક્ત કરવામાં આવી છે. હવામાન વિભાગે રાજ્યના તમામ જિલ્લાઓમાં આજે વરસાદનું એલર્ટ આપ્યું છે. 

60 કિમી પ્રતિ કલાકની ઝડપે પવન ફૂંકાશે

સૌરાષ્ટ્ર અને કચ્છમાં પણ વરસાદની આગાહી કરવામાં આવી છે.  રાજકોટ,  સુરેન્દ્રનગર, પોરબંદર, જૂનાગઢ, અમરેલી, જામનગર, ભાવનગર, મોરબી, દેવ ભૂમિ દ્વારકા, ગીર સોમનાથ, બોટાદ અને કચ્છમાં પણ  વરસાદની આગાહી છે. અનેક જગ્યાએ 60 કિમી પ્રતિ કલાકની ઝડપે પવન ફૂંકાશે. 

રાજ્યમાં કમોસમી વરસાદના કારણે ખેડૂતોના પાકને ખૂબ જ મોટાપાયે નુકસાન થયું છે. ખાસ કરીને કેરીના પાકને નુકસાન થયું છે. આ કમોસમી વરસાદે ખેડૂતોને ચિંતિત કર્યા છે.