Lok Sabha: પંચમહાલ બેઠક પર આ કોંગ્રેસી ધારાસભ્ય લડશે ચૂંટણી, હાઇ કમાન્ડે ફોન કર્યાનો ખુદ કર્યો દાવો

ગુજરાતમાં કોંગ્રેસ લોકસભા ચૂંટણી માટે ઉમેદવારો નક્કી કરે તે પહેલા અનેક તર્ક-વિતર્ક સેવાઇ રહ્યાં છે

(તસવીર- સોશ્યલ મીડિયા પરથી)

Lok Sabha 2024 News: લોકસભા ચૂંટણીને લઇને દિલ્હીમાં કોંગ્રેસ કમિટીનું મંથન યથાવત છે, ગુજરાતમાં તમામ 26 બેઠકો પર કોંગ્રેસની ચૂંટણી લડવાની વાતો વચ્ચે બીજી યાદીમાં માત્ર સાત ઉમેદવારો નક્કી કરી શક્યુ હતુ. બાકીની બેઠકો પર આવતીકાલે તે પછી ઉમેદવારોની યાદી આવી શકે છે. પરંતુ આ બધાની વચ્ચે સંભવિત ઉમેદવારોના નામોની ચર્ચાએ જોર પકડ્યુ છે. આ લિસ્ટમાં પંચમહાલ બેઠક પર કોંગ્રેસ ધારાસભ્યને મેદાનમાં ઉતારી શકે તેવી ચર્ચાઓ શરૂ થઇ ગઇ છે. 

ગુજરાતમાં કોંગ્રેસ લોકસભા ચૂંટણી માટે ઉમેદવારો નક્કી કરે તે પહેલા અનેક તર્ક-વિતર્ક સેવાઇ રહ્યાં છે. હાલમાં કોંગ્રેસના પંચમહાલના ઉમેદવારને લઇને મોટા સમાચાર સામે આવ્યા છે. સુત્રો અનુસાર, ગુલાબસિંહ ચૌહાણ પંચમહાલથી કોંગ્રેસ પોતાના ઉમેદવાર બનાવી શકે છે. સુત્રો તરફથી માહિતી મળી છે કે, પંચમહાલ બેઠક પર લડવા માટે લુણાવાડાના ધારાસભ્ય ગુલાબસિંહ ચૌહાણને હાઈકમાંડનો ફોન આવ્યો છે. ધારાસભ્ય ગુલાબસિંહ ચૌહાણને આ બેઠક પરથી ટિકીટ મળવાનું નક્કી છે. હાલમાં ગુલાબસિંહ ચૌહાણ લુણાવાડા વિધાનસભા બેઠકના ધારાસભ્ય છે.

ભરતસિંહે ચૂંટણી લડવાની ના પડતા આણંદ બેઠક પર આ MLA ચૂંટણી મેદાનમાં ઉતરશે, વર્ચસ્વ જાળવી રાખવા પ્રયાસ

લોકસભાની ચૂંટણીના બ્યૂગલ ફૂંકાઇ ચૂક્યા છે, ત્યારે ગુજરાતમાં ભાજપ, કોંગ્રેસ અને અન્ય પક્ષો પોતાના ઉમેદવારો માટે મંથન કરી રહ્યાં છે. ગુજરાતમાં કોંગ્રેસ આ વખતે આપ સાથે ગઠબંધન કરીને મેદાનમાં ઉતર્યુ છે, તો વળી, ભાજપ તમામ 26 બેઠકો એકલા હાથે કબજે કરવા તૈયાર છે. કોંગ્રેસ ગુજરાતમાં બીજી યાદીમાં 7 નામો જાહેર કર્યા હતા, હવે આજે અથવા તો કાલે કોંગ્રેસ પોતાની ત્રીજી યાદી જાહેર કરી શકે છે, જેમાં આણંદ બેઠક પર અમિત ચાવડાનું નામ લગભગ નક્કી થઇ ચૂક્યુ હોવાની ચર્ચાઓ થઇ રહી છે. 

ગુજરાતમાં લોકસભાની ચૂંટણીને લઇને કોંગ્રેસ એક્શન મૉડમાં છે, પ્રથમ બે યાદી બાદ હવે ત્રીજી યાદી તૈયાર છે. આજે અથવા તો આવતીકાલે કોંગ્રેસ પોતાની ત્રીજી યાદી જાહેર કરી શકે છે. આ પહેલા ગુજરાતની આણંદ બેઠક પરથી અમિત ચાવડાની ચૂંટણી લડવાની વાતો સામે આવી છે. હાલમાં જ લોકસભાની ચૂંટણીને લઈને સૌથી મોટા સમાચાર સામે આવ્યા છે. કોંગ્રેસના ધારાસભ્ય અમિત ચાવડા આ વખતે લોકસભા ચૂંટણી લડવા મેદાનમાં ઉતરી શકે છે. આ વખતે આણંદથી કોંગ્રેસના ઉમેદવાર તરીકે અમિત ચાવડાનું નામ લગભગ નક્કી થઇ ચૂક્યુ છે. કોંગ્રેસના સીનિયર નેતા ભરતસિંહ સોલંકીએ આ વખતે લોકસભા ચૂંટણી લડવાનો ઈન્કાર કરતા અમિત ચાવડા તૈયાર થયા છે. ખાસ વાત છે કે, આણંદમાં પોતાનું વર્ચસ્વ જાળવી રાખવા અમિત ચાવડા ચૂંટણી લડવા તૈયાર થયા છે. આણંદ બેઠક પર પહેલાથી જ ઈશ્વરસિંહ ચાવડા, માધવસિંહ સોલંકીના સમયથી કોંગ્રેસનું વર્ચસ્વ રહ્યું છે.

અમિત ચાવડાની રાજકીય કેરિયર
અમિત ચાવડાનો જન્મ આણંદ જિલ્લાના આંકલાવમાં થયો હતો, તેઓ રાજકીય અને સામાજિક પ્રવૃત્તિઓમાં સક્રિય રહ્યા છે. સૌથી પહેલા NSUI અને બાદમાં ભારતીય યુવા કોંગ્રેસમાં સક્રિય રહ્યા, આ પછી 2004 અને 2007માં તેઓ બોરસદ વિધાનસભામાંથી જીત્યા અને બાદમાં 2012, 2017 અને 2022માં ફરી એકવાર આંકલાવ વિધાનસભા જીત્યા છે. 2018માં ગુજરાત પ્રદેશ કોંગ્રેસ સમિતિના પ્રમુખ તરીકે નિયુક્ત થયા હતા. હાલમાં તેઓને 2023થી ગુજરાતના કોંગ્રેસના ધારાસભ્ય પક્ષના નેતા તરીકે નિયુક્ત કરવામાં આવ્યા હતા. 

ગુજરાતમાં કૉંગ્રેસે 7 ઉમેદવારોના નામની જાહેરાત કરી હતી 

બનાસકાંઠાથી ગેનીબેન ઠાકોર
અમદાવાદ પશ્ચિમથી ભરત મકવાણા
અમદાવાદ પૂર્વ રોહન ગુપ્તા
બારડોલીથી સિદ્ધાર્થ ચૌધરી
વલસાડથી અનંત પટેલ
પોરબંદરથી લલિત વસોયા
કચ્છથી-નિતેષ લાલણ