PM Modi Mother Health Update: PM મોદીના માતા હીરાબાની તબિયત નાદુરસ્ત, યુ.એન. મેહતા હોસ્પિટલમાં દાખલ

પ્રધાનમંત્રી મોદી ગુજરાત મુલાકાતે આવતાં ત્યારે ઘણી વખત વ્યસ્ત શિડ્યૂલમાંથી સમય કાઢીને માતાને મળવા અને આશીર્વાદ લેવા જતાં હોય છે.

પીએમ મોદી માતા હીરાબા સાથે (ફાઈલ ફોટો)

PM Modi Mother Health Update: પ્રધાનમંત્રી નરેન્દ્ર મોદીના માતા હીરાબાની તબિયત બગડતા તેમને યુ.એન. મેહતા હોસ્પિટલમાં દાખલ કરવામાં આવ્યાં છે. પ્રધાનમંત્રી મોદી ગુજરાત મુલાકાતે આવતાં ત્યારે ઘણી વખત વ્યસ્ત શિડ્યૂલમાંથી સમય કાઢીને માતાને મળવા અને આશીર્વાદ લેવા જતાં હોય છે. 

પીએમ મોદીના માતાની તબિયતને લઈને યુ.એન. મેહતા હોસ્પિટલે હેલ્થ બુલેટિન બહાર પાડ્યું છે. બુલેટિન અનુસાર પીએમ મોદીના માતાની તબિયત નાદુરસ્ત હોય ચેકઅપ માટે લવાયા છે અને હાલમાં હીરાબાની તબિયત સુધારા પર હોવાનું યુ.એન. મેહતાના મેડિકલ બુલેટિનમાં જણાવાવમાં આવ્યું છે. 

મળતી માહિતી મુજબ માતા હીરાબાના ખબરઅંતર પૂછવા માટે પીએમ મોદી અમદાવાદ આવી રહ્યા છે. પીએમ મોદી અમદાવાદ આવવાના હોવાથી અમદાવાદમાં નો ડ્રોન ફ્લાય ઝોન જાહેર કરવામાં આવ્યો છે. 

PM મોદીની માતા હીરાબેને જૂન મહિનામાં તેમનો 100મો જન્મદિવસ ઉજવ્યો હતો. આ પ્રસંગે પીએમ મોદીએ તેમના પગ ધોઈને આશીર્વાદ લીધા હતા. તે જ સમયે, ગુજરાત વિધાનસભા ચૂંટણીના એક દિવસ પહેલા પીએમ મોદીએ માતા હીરાબેન સાથે મુલાકાત કરી હતી. અમદાવાદ એરપોર્ટ પર ઉતર્યા બાદ પીએમ સૌથી પહેલા માતા પાસે પહોંચ્યા અને તેમના આશીર્વાદ લીધા. પીએમ મોદીએ તેમની માતા સાથે લગભગ 45 મિનિટ વિતાવી.

બીજી તરફ, આગલા દિવસે (27 ડિસેમ્બર) PM મોદીના નાના ભાઈ પ્રહલાદ મોદીની કારને અકસ્માત થયો હતો. આ અકસ્માતમાં પ્રહલાદ મોદી અને તેમના પરિવારના સભ્યોને નાની-મોટી ઈજાઓ થઈ હતી. જે બાદ તેમને મૈસુરની જેએસએસ હોસ્પિટલમાં દાખલ કરવામાં આવ્યા હતા.

કારમાં પ્રહલાદ સાથે તેનો પુત્ર મેહુલ અને બાળકો પણ હતા. તેમની કારને મૈસૂર નજીક બાંદીપુરામાં અકસ્માત થયો હતો. કાર ડિવાઈડર સાથે અથડાઈ હતી જેના કારણે અકસ્માત થયો હતો.

નોંધનીય છે કે, કેબિનેટ બેઠક બાદ મુખ્યમંત્રી ભુપેન્દ્ર પટેલે આજે વધુ એક બેઠક યોજી હતી. ગૃહરાજ્ય મંત્રી હર્ષ સંઘવી, મંત્રી જગદીશ વિશ્વકર્મા તથા ઋશિકેષ પટેલ આ બેઠકમાં ઉપસ્થિત રહ્યા હતાં. 

મુખ્યમંત્રીની સૂચક બેઠક ને લઈ સત્તાવાર કોઈ માહિતી નથી અપાઈ. કેબિનેટ બેઠક બાદ સિનિયર મંત્રીઓ સાથે સીએમની સૂચક બેઠક યોજાઈ હતી. 

પ્રધાનમંત્રીના આગમન અંગે શહેર પોલીસનું જાહેરનામું બહાર પાડવામાં આવ્યું છે. 

પીએમના આગમન અગાઉ નો ડ્રોન ફલાય ઝોન જાહેર કરવામાં આવ્યો છે. 

અમર્યાદિત સમય સુધી શહેરમાં નો ડ્રોન ફલાય ઝોન જાહેર કરવામાં આવ્યો છે. 

તાત્કાલિક અસરથી અમલ કરવા શહેરના તમામ પોલીસ સ્ટેશનમાં સૂચના આપવામાં આવી છે.