Dahod News: બીફોર મેરેજ પાર્ટી પર પોલીસ ત્રાટકી, 22 ઈસમો ઝડપાયા

Gujarat News: લોકલ ક્રાઈમ બ્રાંચે 22 ઇસમો ને ઝડપી પાડી કાયદેસરની કાર્યવાહી હાથ ધરી હતી.

દાહોદમાં બીફોર મેરેજ પાર્ટી પર પોલીસ ત્રાટકી

Dahod News: દાહોદના ઝાલોદ રોડ ઉપર આવેલી નગદી ફાર્મ હાઉસમાં દાહોદ બી ડિવિઝન પોલીસે રેઈડ કરી હતી. યુવકે પોતાના લગ્ન નિમિત્તે મિત્રોને બીફોર મેરેજ પાર્ટી આપી હતી. જ્યાં પોલીસ ત્રાટકી હતી અને દારૂની મેહફીલ માણતાં 22 ઈસમો ઝડપાયા  હતા.

એસપીને મળેલી બાતમીના આધારે લોકલ ક્રાઈમ બ્રાંચે દરોડો પાડ્યો હતો. જેમાં 22 જેટલા ઇસમો ફાર્મ હાઉસમાં દારૂની મેહફીલ માણતા ઝડપાયા હતા. પાર્ટીમાં ભંગ પડતાં જ તમામ લોકોનો નશો જાણે કે ગાયબ થઈ ગયો હતો. લોકલ ક્રાઈમ બ્રાંચે 22 ઇસમો ને ઝડપી પાડી કાયદેસર ની કાયઁવાહી હાથ ધરી હતી.

દાહોદ તાલુકાના પુંસરી ગામે બે દિવસ પહેલા હાઈવે રોડની બાજુમાં ચામુંડા ટ્રાવેલ્સની પાછળના ભાગે ખુલ્લામાં રમાતા પત્તા-પાનાના જુગાર પર દાહોદ એલસીબી પોલીસે ઓચિંતો છાપો મારી જુગાર રમી રહેલા આઠ પૈકી સાત જણાને ઝડપી પાડી દાવ પરના તેમજ અંગ ઝડતીના મળી કુલ રૂપિયા 11,770 ની રોકડ તથા બે મોબાઈલ ફોન મળી કુલ રૂપિયા 27,270નો મુદ્દામાલ કબજે લઈ કાર્યવાહી હાથ ધરી.