ઉત્તર ગુજરાત અને કચ્છમાં માવઠાની આગાહી, આ તારીખથી ઠંડીનું જોર વધશે

રાજ્યના ખેડૂતો પર ફરી એકવાર માવઠાનું સંકટ છે.  વેસ્ટર્ન ડિસ્ટર્બન્સને કારણે  ઉત્તર ગુજરાતના કેટલાક વિસ્તારોમાં કમોસમી વરસાદ પડી શકે છે.

પ્રતિકાત્મક તસવીર

રાજ્યના ખેડૂતો પર ફરી એકવાર માવઠાનું સંકટ છે.  વેસ્ટર્ન ડિસ્ટર્બન્સને કારણે  ઉત્તર ગુજરાતના કેટલાક વિસ્તારોમાં કમોસમી વરસાદ પડી શકે છે. હવામાન વિભાગના મતે બનાસકાંઠા, સાબરકાંઠા, અરવલ્લી, કચ્છ, મોડાસા, મહિસાગર, દાહોદ, પાટણ સહિતના વિસ્તારોમાં બે દિવસ કમોસમી વરસાદ પડી શકે છે.  પોરબંદર, અમરેલી, રાજકોટ સહિતના વિસ્તારોમાં વાદળછાયું વાતાવરણ રહેશે. હવામાન વિભાગે આજે અને આવતીકાલે માવઠાની આગાહી કરી છે. જો કે 29 ડિસેમ્બરથી ફરીથી ઠંડીનું જોર વધશે. વાદળછાયા વાતાવરણ અને કમોસમી વરસાદ બાદ મંગળવારથી ફરીથી ઠંડીનો ચમકારો શરૂ થઈ શકે છે અને ત્રણથી ચાર ડિગ્રી તાપમાન ઘટશે. બાદમાં ફરીથી કડકડતી ઠંડીનો રાઉન્ડ શરૂ થશે.

રાજ્યમાં ફરી ભરશિયાળે ચોમાસા જેવી સ્થિતિ થાય તેવા એંધાણ હવામાન વિભાગ દ્વારા આપવામાં આવ્યા છે વેસ્ટર્ન ડિસ્ટર્બન્સને કારણે રાજ્યના ઉત્તર ગુજરાત ના કેટલાક ભાગોમાં બનાસકાંઠા સાબરકાંઠા અરવલ્લી કચ્છ મોડાસા મહિસાગર દાહોદ પાટણ સહિતના ભાગોમાં બે દિવસ કમોસમી માવઠું પડે તેવી સંભાવના વ્યક્ત કરવામાં આવી છે તો પોરબંદર અમરેલી રાજકોટ સહિતના વિસ્તારોમાં વાદળછાયું વાતાવરણ રહેશે. 

હવામાન વિભાગની આગાહી વચ્ચે કચ્છ જિલ્લાના વાતાવરણમાં પલટો આવ્યો છે. મળતી જાણકારી અનુસાર કચ્છના માંડવી તાલુકાના દરશડી વિસ્તારમાં બપોર બાદ કમોસમી વરસાદ વરસ્યો હતો. વેસ્ટર્ન ડિસ્ટર્બન્સને પગલે કચ્છમાં કમોસમી વરસાદની આગાહી કરવામાં આવી હતી. કમોસમી વરસાદના કારણે રસ્તા પર પાણી વહ્યા હતા. કમોસમી વરસાદને પગલે ખેડૂતોમાં ચિતાનો માહોલ છે.

બીજી તરફ  બનાસકાંઠા જિલ્લામાં પણ બપોર બાદ વાતાવરણમાં પલટો આવ્યો હતો. ધાનેરા, થરાદ, વાવ વિસ્તારમાં બપોર બાદ વાદળછાયું વાતાવરણ થતા ખેડૂતોમાં ચિંતાનો માહોલ છે. જો જિલ્લામાં કમોસમી વરસાદ વરસશે તો રાયડો, જીરં, એરંડા જેવા પાકને નુકસાનીની ભીતી છે.