Ambalal Patel: રાજ્યમાં ક્યારે શરુ થશે વરસાદનો બીજો રાઉન્ડ? અંબાલાલ પટેલે કરી મોટી આગાહી
રાજ્યમાં હાલ વરસાદી માહોલ વચ્ચે જાણીતા હવામાન નિષ્ણાત અંબાલાલ પટેલે આગામી દિવસોમાં વરસાદને લઈને મોટી આગાહી વ્યક્ત કરી છે.
- હવામાન નિષ્ણાત અંબાલાલ પટેલ: 13 જુલાઈથી ગુજરાતમાં વરસાદનો નવો રાઉન્ડ.
- 13-16 જુલાઈ સૌરાષ્ટ્ર, ઉત્તર અને મધ્ય ગુજરાતમાં સારો વરસાદ વરસશે.
- જુલાઈ અંત અને ઓગસ્ટના પ્રથમ સપ્તાહે ભારે વરસાદની શક્યતા.
અમદાવાદ: રાજ્યમાં હાલ વરસાદી માહોલ વચ્ચે જાણીતા હવામાન નિષ્ણાત અંબાલાલ પટેલે આગામી દિવસોમાં વરસાદને લઈને મોટી આગાહી વ્યક્ત કરી છે. તેમના જણાવ્યા મુજબ આગામી ત્રણ દિવસ બાદ રાજ્યમાં વરસાદનો વધુ એક રાઉન્ડ શરૂ થઈ શકે છે. અંબાલાલના જણાવ્યા મુજબ 13 જુલાઈ આસપાસ નવી વરસાદી સિસ્ટમ સક્રિય થતાં રાજ્યના મોટાભાગના વિસ્તારોમાં ફરી વરસાદી માહોલ જામે તેવી શક્યતા છે.
13થી 16 જુલાઈ અનેક જિલ્લાઓમાં વરસાદની આગાહી
હવામાન નિષ્ણાંત અંબાલાલ પટેલના જણાવ્યા મુજબ 13થી 16 જુલાઈ દરમિયાન ગુજરાતના અનેક જિલ્લાઓમાં સારો વરસાદ નોંધાઈ શકે છે. આ સમયગાળા દરમિયાન સૌરાષ્ટ્ર, ઉત્તર ગુજરાત અને મધ્ય ગુજરાતના વિસ્તારોમાં મધ્યમથી સારો વરસાદ વરસવાની સંભાવના વ્યક્ત કરવામાં આવી છે. બીજી તરફ દક્ષિણ ગુજરાત અને કચ્છના કેટલાક વિસ્તારોમાં હળવાથી મધ્યમ વરસાદ થઈ શકે છે.
તેમણે વધુમાં જણાવ્યું કે 17થી 20 જુલાઈ વચ્ચે પશ્ચિમ બંગાળ તરફથી બનતી હવામાનની પરિસ્થિતિ અને ભેજયુક્ત પવનોની અસર ગુજરાતમાં વરસાદ માટે અનુકૂળ માહોલ ઊભો કરી શકે છે. તેના કારણે રાજ્યના વિવિધ વિસ્તારોમાં ફરી વરસાદી પ્રવૃત્તિમાં વધારો થવાની શક્યતા છે.
ઓગસ્ટ મહિનાના પ્રથમ સપ્તાહમાં ભારે વરસાદની આગાહી
અંબાલાલ પટેલના અનુમાન પ્રમાણે 24 જુલાઈ આસપાસ મુંબઈ અને આસપાસના વિસ્તારોમાં સારો વરસાદ નોંધાઈ શકે છે. તેની અસર બાદ ગુજરાતમાં પણ 27થી 30 જુલાઈ દરમિયાન વરસાદની વધુ એક સક્રિય સ્થિતિ સર્જાઈ શકે છે. એટલું જ નહીં, ઓગસ્ટ મહિનાના પ્રથમ સપ્તાહમાં પણ રાજ્યના અનેક વિસ્તારોમાં અણધાર્યો અથવા સારો વરસાદ નોંધાઈ શકે તેવી શક્યતા તેમણે વ્યક્ત કરી છે.
આ પણ વાંચો- IMD Rain Alert: દેશના 16 રાજ્યોમાં ભારે વરસાદનો ખતરો, 16 જુલાઈ સુધી કેવું રહેશે હવામાન, જાણો
દેશમાં ભારે વરસાદનું અનુમાન
હવામાન વિભાગે 16 જુલાઈ સુધી દેશના વિવિધ ભાગો માટે વિગતવાર આગાહી અને ચેતવણીઓ જારી કરી છે. જ્યારે ઉત્તર, પૂર્વ અને ઉત્તરપૂર્વ ભારતમાં મુશળધાર વરસાદ ચાલુ રહેશે, ત્યારે આગામી 6-7 દિવસમાં મધ્ય અને દક્ષિણ દ્વીપકલ્પ ભારતમાં વરસાદ ઘટી શકે છે.હવામાન વિભાગના બુલેટિન અનુસાર, 16 જુલાઈ સુધી દેશના વિવિધ રાજ્યોમાં ભારે વરસાદ વરસી શકે છે. દિલ્હી-NCR, ઉત્તર પ્રદેશ, હિમાચલ પ્રદેશ અને ઉત્તરાખંડ સહિત દેશના 16 થી વધુ રાજ્યોમાં ભારે વરસાદનો ખતરો છે.
ટોપ સ્ટોરી
ટ્રેન્ડિંગ સમાચાર
