Kheda:  ઠાસરામાં બે સંતાનો સાથે માતાએ કેનાલમાં કૂદી આત્મહત્યા કરતા ચકચાર

ખેડા જિલ્લામાં એક ખૂબ જ ચોંકાવનારી ઘટના બની છે. ઠાસરામાં બે સંતોનો સાથે માતાએ કેનાલમાં મોતની છલાંગ લગાવી છે.  બે વર્ષીય બાળકીને સ્થાનિકોએ બચાવી  લીધી હતી.

સંતાનો સાથે માતાએ કેનાલમાં કૂદી આત્મહત્યા કરી

નડિયાદ: ખેડા જિલ્લામાં એક ખૂબ જ ચોંકાવનારી ઘટના બની છે. ઠાસરામાં બે સંતોનો સાથે માતાએ કેનાલમાં મોતની છલાંગ લગાવી છે.  બે વર્ષીય બાળકીને સ્થાનિકોએ બચાવી  લીધી હતી. માતા અને અન્ય એક બાળકીની શોધખોળ હાલ ચાલી રહી છે.  

ખેડાના ઠાસરામાં મહી કેનાલમાં એક  માતાએ પોતાના ત્રણ સંતાનો સાથે ઝંપલાવ્યું હતું.આ ઘટનામાં સ્થાનિક લોકોએ એક બે વર્ષની બાળકીને ડૂબતા બચાવી લીધી હતી. આ બાળકીને સારવાર માટે ડાકોર સિવિલ હોસ્પિટલ ખસેડવામાં આવી છે.  

આ ઘટનામાં માતા સાથે અન્ય બે બાળકો કેનાલના પાણીમાં ગરકાવ થયા છે, જેમની શોધખોળ ચાલી રહી છે.  કેનાલ પરથી બાળકો અને માતાના ચપ્પલ મળી આવતા આત્મહત્યાનું અનુમાન કરવામાં આવી રહ્યું છે.   

મેદાનમાં ક્રિકેટ મેચ જોતા જોતા અચાનક યુવક ઢળી પડ્યો, હાર્ટ એટેકથી મોત

ગુજરાતમાં નાની ઉંમરે હાર્ટ એટેકના કિસ્સા સતત વધી રહ્યા છે. રાજ્યના અલગ અલગ શહેરોમાં હાર્ટ એટેકના કારણે દરરોજ મોતના સમાચાર સામે આવે છે.  પંચમહાલ જિલ્લામાં વધુ એક યુવકનું હૃદય રોગના હુમલામાં મોત થયું છે.  મોરવા હડફ તાલુકાના ખટવા ગામમાં 39 વર્ષીય નરસિંહ ભાઇ કટારા નામના યુવકનું હાર્ટ એટેકના કારણે મોત થયું છે. 

ગામના મેદાનમાં યુવકો ક્રિકેટ રમી રહ્યા હતા ત્યાં ક્રિકેટ મેચ જોતા સમયે નરસિંહભાઇ અચાનક ચક્કર આવી જતા જમીન ઉપર ઢળી પડ્યા હતા.  આ યુવકને 108 મારફતે મોરા સરકારી હોસ્પિટલમાં સારવાર માટે લઈ જવાયા હતા. જ્યાં ફરજ પરના તબીબોએ મૃત જાહેર કર્યો છે.  આશાસ્પદ યુવકનું ઉત્તરાયણ પર્વે  અકાળે મોત નિપજતાં પરિવારમાં શોકની લાગણી છવાઈ ગઈ છે. 

શું થાય છે, હાર્ટ અટેક કેવી રીતે આવે છે?

હાર્ટ અટેક એક ગંભીર રોગ છે. જ્યારે માનવ હૃદયને પૂરતા પ્રમાણમાં ઓક્સિજન મળતો નથી ત્યારે હાર્ટ અટેક આવે છે. સામાન્ય રીતે નસોમાં બ્લોકેજને કારણે લોહી હૃદય સુધી પહોંચી શકતું નથી. આના કારણે વ્યક્તિને તેના હૃદયમાં અચાનક દુખાવો થાય છે અને થોડીવારમાં મૃત્યુ પામે છે. ઘણા લોકોને ખ્યાલ પણ નથી હોતો કે તેમને હાર્ટ અટેક આવ્યો છે. ડૉક્ટરો તપાસ કરે ત્યારે જ ખબર પડે છે. હાર્ટ અટેકના લક્ષણો- છાતીમાં દુખાવો, શ્વાસ લેવામાં તકલીફ, વધુ પડતો પરસેવો, બેચેનીની લાગણી, જડબામાં કે દાંતમાં દુખાવો.