Gujarat Rain Forecast: રાજ્યના આ 13 જિલ્લામાં ગાજવીજ સાથે વરસશે વરસાદ, હવામાન વિભાગે 2 જિલ્લામાં ભારે વરસાદનું આપ્યું એલર્ટ
બંગાળની ખાડીમાં સિસ્ટમ એક્ટિવ થતાં ફરી રાજ્યમાં વરસાદી માહોલ બનશે. હવામાન વિભાગના અનુમાન મુજબ 25 સપ્ટેમ્બર બાદ ગુજરાતમાં સાર્વત્રિક વરસાદનું અનુમાન છે
Gujarat Rain Forecast:રાજ્યના 13 જિલ્લાના છુટાછવાયા સ્થળો પર આજે ગાજવીજ સાથે વરસાદ વરસી શકે છે. સૌરાષ્ટ્રના બે, મધ્ય ગુજરાતના ચાર તો દક્ષિણ ગુજરાતના જિલ્લામાં હળવોથી મધ્યમ વરસાદ વરસી શકે છે.
સૌરાષ્ટ્રના અમરેલી અને ભાવનગરમાં હળવાથી મધ્યમ વરસાદની આગાહી છે. તો મધ્ય ગુજરાતના વડોદરા, છોટા ઉદેપુર, પંચમહાલ અને દાહોદ જિલ્લાના છુટાછવાયા સ્થળો પર મોસમનો મિજાજ બદલાય શકે છે. દક્ષિણ ગુજરાતના સુરત, તાપી, ભરૂચ, નર્મદા, ડાંગ, નવસારી અને વલસાડ જિલ્લાના છુટાછવાયા સ્થળો પર આજે હળવાથી મધ્યમ વરસાદની આગાહી છે. તો સંઘ પ્રદેશ દમણ અને દાદરાનગર હવેલીમાં પણ સામાન્ય વરસાદ વરસી શકે છે.
બંગાળની ખાડીમાં સાયક્લોનિક સકર્યુલેશન સર્જાતા ફરી એકવાર ગુજરાતમાં વરસાદી માહોલ જામશે.25 સપ્ટમ્બરથી 27 સપ્ટેમ્બર સુધી ફરી મેઘરાજા દક્ષિણ ગુજરાતમાં ધમાકેદાર એન્ટ્રી કરશે. ત્રણ દિવસ નવસારી અને વલસાડ જિલ્લામાં ભારે વરસાદનું હવામાન વિભાગે યલો એલર્ટ જાહેર કર્યું છે. તો દમણ અને દાદરાનગર હવેલીમાં પણ ભારે વરસાદની આગાહી છે.
રાજ્યના કેટલા ડેમ ઓવરફ્લો થયા?
રાજ્યના કુલ 207 પૈકી 116 જળાશયો સંપૂર્ણ ભરાયા છે. કચ્છ-સૌરાષ્ટ્રના 94 જળાશયો ઓવરફ્લો થયા છે. તો મધ્ય ગુજરાતના 11, દક્ષિણ ગુજરાતના નવ અને ઉત્તર ગુજરાતના બે જળાશયો ઓવરફ્લો છે.પાણીની ભારે આવકથી રાજ્યના 172 જળાશયો હાઈએલર્ટ, એલર્ટ અને વોર્નિંગ પર છે. 90 ટકાથી વધુ ભરાયેલા 151 ડેમ હાઈએલર્ટ પર છે. 80થી 90 ટકા ભરાયેલા 10 ડેમ એલર્ટ, તો 70થી 80 ટકા ભરાયેલા 11 ડેમ વોર્નિંગ પર છે.
ચોમાસાની સિઝનનો ક્યો કેટલો વરસ્યો વરસાદ
ચોમાસાની સિઝનનો રાજ્યમાં અત્યાર સુધીમાં 125.07 ટકા વરસાદ વરસ્યો છે. સૌથી વધુ કચ્છમાં સિઝનનો 183.32 ટકા વરસાદ વરસ્યો છે. જ્યારે સૌરાષ્ટ્રમાં સિઝનનો 129.74 ટકા વરસાદ વરસી ચૂક્યો છે.દક્ષિણ ગુજરાતમાં ચોમાસાની સિઝનનો અત્યાર સુધીમાં 129.37 ટકા વરસાદ વરસી ચૂક્યો છે.. જ્યારે મધ્ય ગુજરાતમાં ચોમાસાની સિઝનનો અત્યાર સુધીમાં 121.11 ટકા વરસાદ વરસી ચૂક્યો છે. તો ઉત્તર ગુજરાતમાં ચોમાસાની સિઝનનો 107.66 ટકા વરસાદ વરસી ચૂક્યો છે.
તેલંગાણા, મહારાષ્ટ્ર, મધ્યપ્રદેશમાંપણ ધોધમાર વરસાદ વરસી શકે છે. તો કર્ણાટક,કેરળ,ઝારખંડ,રાજસ્થાનમાં પણ મોસમનો મિજાજ બદલાય શકે છે. ઉત્તરાખંડમાં હળવા વરસાદની હવામાન વિભાગે આગાહી વ્યક્ત કરી છે.
ટ્રેન્ડિંગ સમાચાર
ટોપ સ્ટોરી
