ગુજરાતમાં ઠંડીને લઈને હવામાન વિભાગે શું કરી મોટી આગાહી? આજે કઈ જગ્યાએ કેટલા ડિગ્રી તાપમાન હતું? જાણો વિગત

17 અને 18 જાન્યુઆરીએ અમદાવાદનો પારો કોલ્ડ વેવના કારણે ગગડીને નીચો આવશે. અમદાવાદ સહિત ગાંધીનગર, ડીસા, વડોદરા અને સૌરાષ્ટ્ર તથા કચ્છના અમરેલી, પોરબંદર, રાજકોટ, ભાવનગર અને કચ્છમાં ઠંડીનો અચાકારો જોવા મળશે

GURUGRAM, INDIA- FEBRUARY 2: People warm themselves around a fire on a cold winter morning, at Sector 10, on February 2, 2019 in Gurugram, India. The maximum temperature was likely to hover around 21 degrees Celsius, the official said. The humidity at 8.30 am was recorded at 93 per cent and visibility stood at 1,200 metres. Sporadic and negligible rain was reported in parts of Delhi on late Thursday evening and early Friday morning. (Photo by Yogendra Kumar/Hindustan Times via Getty Images)

અમદાવાદઃ દક્ષિણ રાજસ્થાન પર સર્જાયેલા સાઈક્લોનિક સરક્યુલેશનની અસર ગુજરાતમાં જોવા મળશે. બે દિવસ ભારે ઠંડી પડવાની સંભાવના હવામાન વિભાગ દ્વારા વ્યક્ત કરવામાં આવી છે. જેમાં અમદાવાદ, ગાંધીનગર, સૌરાષ્ટ્ર અને મધ્ય ગુજરાતના શહેરોનો સમાવેશ થાય છે. આજે સવારે સૂર્યોદય બાદ પણ ઝાકળના કારણે અંધારું છવાયેલું રહ્યું હતું. ખાસ કરીને અમદાવાદ, ગાંધીનગર સહિત આસપાસના વિસ્તારોમાં ભારે ધુમ્મસ જોવા મળ્યું હતું. 17 અને 18 જાન્યુઆરીએ અમદાવાદનો પારો કોલ્ડ વેવના કારણે ગગડીને નીચો આવશે. અમદાવાદ સહિત ગાંધીનગર, ડીસા, વડોદરા અને સૌરાષ્ટ્ર તથા કચ્છના અમરેલી, પોરબંદર, રાજકોટ, ભાવનગર અને કચ્છમાં ઠંડીનો અચાકારો જોવા મળશે. 18મી તારીખે પણ આ જ વિસ્તારોમાં ઠંડીનું જોર વધુ રહેશે તેવું હવામાન વિભાગે કહ્યું હતું. 19 તારીખે રાજકોટ, દ્વારકા અને કચ્છમાં ઠંડીનું જોર વધારે રહેશે. ત્યાર બાદ ધીમે-ધીમે ઠંડીના પ્રમાણમાં ઘટાડો આવશે. મહત્વનું છે કે, આજે ઉત્તર ભારતના દિલ્હી સહિત કેટલાંક વિસ્તારોમાં વરસાદી છાંટા નોંધાયા છે. આજે સવારના સાડા 8 વાગ્યે હવામાન વિભાગના આંકડા પ્રમાણે નલિયા રાજ્યનું સૌથી ઠંડું શહેર બન્યું છે. જ્યારે રાજકોટમાં 7.6, કેશોદ-જૂનાગઢમાં 7.6, ભુજમાં 8.7, મહુઆમાં 8.9, પોરબંદર 9.1, ગાંધીનગરમાં 9.8, સુરત 9.8 અને અમદાવાદ 10.7 ડિગ્રી તાપમાન રહ્યું છે.