પતિએ સોશિયલ મીડિયાના ઉપયોગ બાબતે ઠપકો આપતા પત્નીએ કરી લીધી આત્મહત્યા
Bharuch News : સોશિયલ મીડિયા ઉપર વિડીયો બનાવવા બાબતે તેના પતિએ ઠપકો આપ્યા બાદ પત્ની મૃત અવસ્થામાં મળી આવી હતી.
Bharuch : ભરૂચમાં એકે પરિણીતાએ આત્મહત્યા કરી લીધી છે, જો કે આ પરિણીતાની આત્મહત્યા પાછળ ચોંકાવનારું કારણ સામે આવ્યું છે. સોશિયલ મીડિયા ઉપર વિડીયો બનાવવા બાબતે તેના પતિએ ઠપકો આપ્યા બાદ પત્ની મૃત અવસ્થામાં મળી આવી હતી. યુવતીએ જાતે દુપટ્ટા વડે ગળેફાંસો ખાઈ જીવન ટુંકાવ્યું હોવાનું અનુમાન કરવામાં આવી રહ્યું છે.
માધુરી ભગવાન સિંગ રાજપૂત નામની 20 વર્ષની પરિણીતાએ પતિએ સોશિયલ મીડિયા ઉપર વિડીયો અપલોડ કરવા બાબતે ઠપકો આપતા પત્નીએ જીવન ટૂંકાવ્યું હોવાનું અનુમાન કરવામાં આવી રહ્યું છે. સિવિલ હોસ્પિટલ પરના હાજર તબીબને શંકા જતાં પોલીસને જાણ કરી હતી. પોલીસે મૃતદેહનો કબ્જો મેળવી પેનલ પોસ્ટ મોર્ટમ કરાવ્યું છે. પોસ્ટ મોર્ટમના રિપોર્ટના બાદ જ મોતનું સાચુ કારણ સામે આવશે.
અમીરગઢમાં 2 દિવસમાં 4 લોકોએ કર્યો આપઘાત
બનાસકાંઠા જિલ્લાના અમીરગઢતાલુકામાં 2 દિવસમાં 4 લોકોના આપઘાતથી ચકચાર મચી જવા પામી છે. અમીરગઢ તાલુકાના બાલુન્દ્રા વિસ્તારમાંથી વધુ એક મૃતદેહ મળી આવ્યો છે. બાલુન્દ્રા વિસ્તારમાં એક ઝાડ સાથે લટકેલો અને ગળેફાંસો ખાધેલી હાલતમાં એક મૃતદેહ મળી આવ્યો છે. ઘટનાની જાણ થતા અમીરગઢ પોલીસ ઘટના સ્થળે પહોંચી હતી અને આગળની કાર્યવાહી હાથ ધરી હતી.
રેલવે ટ્રેક પર યુવક યુવતીએ મોતને કર્યું વહાલું
ગઈકાલે 8 જૂને અમીરગઢ નજીક રેલવે ટ્રેક પર યુવક યુવતીએ મોત ને વહાલું કરી આત્મહત્યા કરી હતી. મોડી રાત્રી ના 4 વાગ્યાંના સમયે એક યુવક અને એક યુવતીએ ટ્રેનની આગળ પડતું મૂકી મોતને વહાલું કરતા ચકચાર મચી ગઈ હતી. યુવક મહેસાણાનો જયારે યુવતી પાટણની હોવાનું જાણવા મળ્યું હતું. અમીરગઢ પોલીસે બન્નેના મૃતદેહને અમીરગઢના સામુહિક આરોગ્ય કેન્દ્ર ખાતે પોસ્ટ મોર્ટમ અર્થે ખસેડ્યાં હતાં. મૃતક યુવક યુવતી બન્ને નજીકના પરિવારના હોવાનું જાણવા મળ્યું હતું. મહેસાણા અને પાટણના બન્ને યુવક યુવતી અમીરગઢ નજીક રેલવે પાટા પર પડતું મૂકી મોત ને વહાલું કરતા અનેક તર્ક વિતર્કો ઉભા થયા છે.
ટોપ સ્ટોરી
ટ્રેન્ડિંગ સમાચાર
