સંસદનું બજેટ સત્ર: 31 જાન્યુઆરીથી શરૂ, નિર્મલા સીતારમણ રજૂ કરશે આઠમું બજેટ
રાષ્ટ્રપતિના સંબોધનથી પ્રારંભ, 1 ફેબ્રુઆરીએ બજેટ રજૂ થશે, જાણો બે તબક્કામાં ક્યારે અને કેટલો સમય ચાલશે સંસદનું બજેટ સત્ર.
Parliament Budget Session 2025: સંસદનું બજેટ સત્ર 31 જાન્યુઆરીથી શરૂ થઈને 4 એપ્રિલ સુધી ચાલશે. આ દરમિયાન કેન્દ્રીય નાણામંત્રી નિર્મલા સીતારમણ 1 ફેબ્રુઆરીએ તેમનું સતત આઠમું બજેટ રજૂ કરશે. પરંપરા મુજબ, સત્રની શરૂઆત 31 જાન્યુઆરીએ રાષ્ટ્રપતિ દ્રૌપદી મુર્મુના લોકસભા અને રાજ્યસભાની સંયુક્ત બેઠકના સંબોધનથી થશે. ત્યારબાદ આર્થિક સર્વે રજૂ કરવામાં આવશે.
બે તબક્કામાં યોજાશે સત્ર:
આ બજેટ સત્ર બે તબક્કામાં યોજાશે:
• પ્રથમ તબક્કો: 31 જાન્યુઆરીથી 13 ફેબ્રુઆરી (9 બેઠકો) - આ દરમિયાન રાષ્ટ્રપતિના સંબોધન પર આભાર પ્રસ્તાવ પર ચર્ચા થશે અને વડાપ્રધાન નરેન્દ્ર મોદી તેનો જવાબ આપશે. નાણામંત્રી સીતારમણ બજેટ પરની ચર્ચાનો જવાબ આપશે.
• બીજો તબક્કો: 10 માર્ચથી શરૂ થઈને 4 એપ્રિલના રોજ સમાપ્ત થશે. આ તબક્કામાં વિવિધ મંત્રાલયોની અનુદાન માટેની માંગણીઓ પર ચર્ચા કરવામાં આવશે અને બજેટ પ્રક્રિયા પૂર્ણ કરવામાં આવશે.
સમગ્ર બજેટ સત્રમાં કુલ 27 બેઠકો યોજાશે.
નાણામંત્રીનો રેકોર્ડ:
2024માં નાણામંત્રી નિર્મલા સીતારમણે સતત સાતમી વખત બજેટ રજૂ કરવાનો રેકોર્ડ બનાવ્યો હતો. આ વર્ષે તેઓ સળંગ 8 વખત બજેટ રજૂ કરનાર નાણામંત્રી બનશે.
ગત વર્ષના બજેટની ઝલક:
ગત વર્ષે નાણામંત્રીના 1 કલાક 23 મિનિટના ભાષણમાં શિક્ષણ, રોજગાર, ખેડૂતો, મહિલાઓ અને યુવાનો પર વિશેષ ધ્યાન કેન્દ્રિત કરવામાં આવ્યું હતું. આ ઉપરાંત, કેન્દ્ર સરકારે બિહાર અને આંધ્ર પ્રદેશ માટે વિશેષ જાહેરાતો કરી હતી. નવી કર વ્યવસ્થા પસંદ કરનારાઓ માટે રૂ. 7.75 લાખ સુધીની આવક પર કર માફ કરવામાં આવ્યો હતો.
શિયાળુ સત્રની માહિતી:
18મી લોકસભાનું શિયાળુ સત્ર 25 નવેમ્બરથી 20 ડિસેમ્બર સુધી ચાલ્યું હતું, જેમાં કુલ 20 બેઠકો યોજાઈ હતી. બંને ગૃહોમાં લગભગ 105 કલાક સુધી કાર્યવાહી ચાલી હતી. સત્ર દરમિયાન લોકસભાની ઉત્પાદકતા 57.87% અને રાજ્યસભાની 41% રહી હતી. ચાર બિલ રજૂ થયા હતા, પરંતુ કોઈ પણ પાસ થઈ શક્યું ન હતું. 'એક દેશ, એક ચૂંટણી' માટેનું બિલ સૌથી વધુ ચર્ચામાં રહ્યું હતું, જેને હવે સંસદીય સમિતિને મોકલવામાં આવ્યું છે.
ગત વર્ષે યોજાયેલું શિયાળુ સત્ર ભારે હોબાળાથી ભરેલું રહ્યું હતું. ગૃહની કાર્યવાહી ઘણી વખત સ્થગિત કરવી પડી હતી. શિયાળુ સત્ર 25 નવેમ્બરથી 21 ડિસેમ્બર 2024 સુધી ચાલ્યું હતું, જેમાં લોકસભાની 20 અને રાજ્યસભાની 19 બેઠકો યોજાઈ હતી. આ સત્ર દરમિયાન લોકસભામાં 5 બિલ રજૂ થયા હતા, જેમાંથી 4 પસાર થયા હતા, જ્યારે રાજ્યસભા દ્વારા 3 બિલ પસાર કરવામાં આવ્યા હતા. જો કે, આ વખતે બજેટ સત્ર શાંતિપૂર્ણ રીતે ચાલશે તેવી અપેક્ષા છે.
આ પણ વાંચો...
8મું પગાર પંચ: શું લાગુ થતાં જ મોંઘવારી ભથ્થું અને DR '0' થઈ જશે? જાણો શું છે નિયમ
ટ્રેન્ડિંગ સમાચાર
ટોપ સ્ટોરી
