ABP C-Voter Survey: BJP,કૉંગ્રેસ કે AAP ગોવામાં આ વખતે કોને મળશે સત્તા, જાણો શું કહે છે સર્વે 

ABP News C-Voter Survey: ગોવા વિધાનસભાની ચૂંટણીની તારીખ જેમ જેમ નજીક આવી રહી છે તેમ તેમ રાજ્યમાં રાજકીય માહોલ ગરમાઈ રહ્યો છે.

ABP News C-Voter Survey: ગોવા વિધાનસભાની ચૂંટણીની તારીખ જેમ જેમ નજીક આવી રહી છે તેમ તેમ રાજ્યમાં રાજકીય માહોલ ગરમાઈ રહ્યો છે.  ગોવાની ખુરશી મેળવવા માટે તમામ પક્ષોના નેતાઓ પોતપોતાની રીતે પ્રયાસ કરી રહ્યા છે. પાર્ટીના નેતાઓનો પ્રયાસ છે કે વધુને વધુ કાર્યકરો મતદારોની વચ્ચે જાય અને તેમના પક્ષની તરફેણમાં સમર્થનની વાત કરે. આ ક્રમમાં ઘણા કેન્દ્રીય નેતાઓ પણ ગોવા તરફ વળ્યા છે. રાજ્યમાં આગામી ચૂંટણી જીતવા માટે વિવિધ પક્ષો દ્વારા પણ આયોજનો કરવામાં આવી રહ્યા છે. પક્ષોના પ્રયાસો શક્ય તેટલી બેઠકો જીતીને ખુરશી પર કબજો છે. ચૂંટણી પહેલા દરેક પાર્ટીના કાર્યકરો પોતપોતાની પાર્ટીની જીતના દાવા કરતા જોવા મળે છે.

આ દાવાઓ વચ્ચે રાજ્યની જનતા એ પણ જાણવાની કોશિશ કરી રહી છે કે સત્તા કયા પક્ષ તરફ વળશે. આવી સ્થિતિમાં ફરી એકવાર એબીપી ન્યૂઝે સી-વોટર સાથે મળીને સર્વે કર્યો છે. આ સર્વે દ્વારા ગોવાની કુલ 40 સીટો પર જનતાનો મૂડ જાણવાનો પ્રયાસ કરવામાં આવ્યો હતો.

કુલ સીટ-40 

ભાજપ-30%
કૉંગ્રેસ-20%
આપ-24%
અન્ય - 26%

ગોવામાં કોને કેટલી બેઠકો મળશે ?

સી વોટરનો સર્વે 

કુલ બેઠકો- 40

ભાજપ-17-21
કૉંગ્રેસ-4-8
આપ- 5-9
અન્ય - 6-10

નોંધઃ 5 રાજ્યોમાં વિધાનસભા ચૂંટણીની તારીખો આગામી થોડા દિવસોમાં જાહેર કરવામાં આવશે. ચૂંટણીલક્ષી રાજ્યોમાં રાજકીય પારો ઊંચો છે. એબીપી સમાચાર માટે, સી વોટરે ચૂંટણી રાજ્યોનો મૂડને જાણ્યો છે.  5 રાજ્યોના આ સૌથી મોટા સર્વેમાં 92 હજારથી વધુ લોકોના અભિપ્રાય લેવામાં આવ્યા છે. ચૂંટણીવાળા રાજ્યોની તમામ 690 વિધાનસભા બેઠકો પર લોકો સાથે વાત કરવામાં આવી છે. આ સર્વે 13 નવેમ્બરથી 9 ડિસેમ્બરની વચ્ચે કરવામાં આવ્યો હતો. સર્વેમાં ભૂલનું માર્જિન માઈનસ પ્લસ 3થી માઈનસ પ્લસ 5 ટકા છે.