Humayun Bhat: આતંકીની ગોળી વાગ્યા બાદ DSP હુમાયુ ભટ્ટે કર્યો પત્નીને વીડિયો કોલ, કહ્યું, કદાચ હું નહીં બચી શકું, દીકારાનું ધ્યાન રાખજે

Humayun Bhat Killed In Anantnag Encounter:  જમ્મુ અને કાશ્મીરના અનંતનાગ જિલ્લામાં આતંકવાદીઓ સાથેના એન્કાઉન્ટરમાં ડીએસપી હુમાયુ ભટ્ટ શહીદ થયા હતા. એન્કાઉન્ટર દરમિયાન તેને ગોળી વાગી હતી.

(શહીદ ડીએસપી હુમાયુ ભટ્ટ) (તસવીર: પીટીઆઈ)

Humayun Bhat Killed In Anantnag Encounter:  જમ્મુ અને કાશ્મીરના અનંતનાગ જિલ્લામાં આતંકવાદીઓ સાથેના એન્કાઉન્ટરમાં ડીએસપી હુમાયુ ભટ્ટ શહીદ થયા હતા. એન્કાઉન્ટર દરમિયાન તેને ગોળી વાગી હતી. ગોળી વાગતાની સાથે જ ડીએસપી હુમાયુએ પોતાની પત્ની ફાતિમાને વીડિયો કોલ કર્યો હતો. પત્નીને વીડિયો કોલ દરમિયાન તેણે કહ્યું હતું કે 'હું કદાચ બચી નહીં શકું, દીકરાનું ધ્યાન રાખજે.' આ થોડી વાતચીત ડીએસપી હુમાયુ ભટ્ટના છેલ્લા શબ્દો હતા.

 

#WATCH | Jammu and Kashmir: Last rites of DSP of J&K Police Humayun Muzammil Bhat, who lost his life in the Anantnag encounter, performed in Budgam. pic.twitter.com/xwN04vK057

— ANI (@ANI) September 13, 2023

'નથી લાગતું કે હું બચી જઈશ'

અનંતનાગના ગડુલ કોકરનાગમાં બુધવારે સવારે જ્યારે તે આતંકવાદીઓની ગોળીઓથી ઘાયલ થય હતા, તે જ સમયે તેણે તેની પત્ની ફાતિમાને વીડિયો કોલ કરીને તેની સ્થિતિ સમજાવી હતી. તેણે કહ્યું હતું કે, "મને ગોળી વાગી છે, મને નથી લાગતું કે હું બચીશ. આપણા પુત્રનું ધ્યાન રાખજે.

ડીએસપી હુમાયુને પેટમાં ગોળી વાગી હતી. તેમના સાસુ સૈયદ નુસરતે કહ્યું કે હેલિકોપ્ટરને તે લોકેશન ટ્રેસ કરવામાં સમય લાગ્યો જ્યાં હુમાયુ ઘાયલ પડ્યો હતો. તેને કોઈક રીતે સ્થળ પરથી લાવવામાં આવ્યો અને સીધા શ્રીનગરની આર્મી હોસ્પિટલમાં લાવવામાં આવ્યા, જ્યાં ફાતિમા અને તેના 29 દિવસના પુત્રને જોઈને હુમાયુનું મૃત્યુ થયું. 27 સપ્ટેમ્બરે હુમાયુ-ફાતિમાના લગ્નને એક વર્ષ પૂર્ણ થવાનું હતું. ફાતિમા આઘાતમાં છે. તેમના પિતા ગુલામ હસન ભટ્ટ જમ્મુ-કાશ્મીર પોલીસમાં રહી ચૂક્યા છે.

ગુલામ હસન ભટ્ટ તેમના પુત્રના મૃતદેહ પાસે ચુપચાપ ઊભા રહ્યા

શહીદ અધિકારીના પુત્રના પાર્થિવ દેહને પુષ્પાંજલિ અર્પણ કરતી વખતે બહાદુર પોલીસ અધિકારીની હિંમત અને ધીરજ ભારતીય પોલીસના ઈતિહાસમાં સુવર્ણ અક્ષરે લખવામાં આવશે. નિવૃત્ત IGP ગુલામ હસન ભટ્ટ  શ્રીનગરની જિલ્લા પોલીસ લાઇન્સમાં તેમના પુત્ર ડીએસપી હુમાયુ ભટ્ટના મૃતદેહ પાસે શાંતિથી ઊભા હતા. ગુલામ હસન ભટ્ટ અને એડીજીપી જાવેદ મુજતબા ગિલાનીએ તેમના શહીદ પુત્રના ત્રિરંગાથી લપેટેલા શબપેટી પર પુષ્પાંજલિ અર્પણ કરી હતી. લેફ્ટનન્ટ ગવર્નર મનોજ સિંહા, મુખ્ય સચિવ અરુણ મહેતા, ડીજીપી દિલબાગ સિંહ અને જમ્મુ અને કાશ્મીર પોલીસના અન્ય તમામ વરિષ્ઠ અધિકારીઓ તેમના પિતાની પાછળ ઉભા હતા અને શહીદ અધિકારીને અંતિમ શ્રદ્ધાંજલિ આપવા માટે તેમના વારાની રાહ જોતા હતા.

આતંકીઓ સાથેની અથડામણમાં સેનાના કર્નલ મનપ્રીત સિંહ, 19 રાષ્ટ્રીય રાઈફલ્સના સીઓ મેજર આશિષ ઢોંચક અને ડીએસપી હુમાયુ ભટ્ટ આતંકીઓના ગોળીબારમાં શહિદ થયા હતા. પરા કમાન્ડોએ ઘાયલ અધિકારીઓને બચાવવા ઓપરેશનમાં ભાગ લીધો હતો. આતંકવાદીઓના ફાયરિંગ અને પર્વતીય ભૂપ્રદેશની અનિશ્ચિતતાઓનો સામનો કરીને ઘાયલ અધિકારીઓને બહાર કાઢવામાં આવ્યા હતા. ડીજીપી દિલબાગ સિંહ અને એડીજીપી વિજય કુમાર ઓપરેશન પર નજર રાખવા માટે ઘટનાસ્થળે પહોંચ્યા હતા. કમનસીબે, ત્રણેય અધિકારીઓએ વધારે રક્તસ્ત્રાવ થયો હતો અને ડોકટરો તેમને બચાવી શક્યા ન હતા. તે બધાએ રાષ્ટ્ર પ્રત્યેની તેમની ફરજમાં સર્વોચ્ચ બલિદાન આપ્યું હતું.