આર્યન ખાનને ક્રૂઝ ડ્રગ્સ કેસમાં ક્લિન ચીટ, NCBની ચાર્જશીટમાં શાહરૂખના દીકરાનું નામ નહી

બોલિવૂડના કિંગ શાહરૂખ ખાનના પુત્ર આર્યનને મુંબઈના ક્રૂઝ ડ્રગ્સ કેસમાં મોટી રાહત મળી છે

ફાઇલ તસવીર

મુંબઈઃ બોલિવૂડના કિંગ શાહરૂખ ખાનના પુત્ર આર્યનને મુંબઈના ક્રૂઝ ડ્રગ્સ કેસમાં મોટી રાહત મળી છે. આર્યન ખાનને કોર્ટમાંથી ક્લીનચીટ મળી છે. નાર્કોટિક કંટ્રોલ બ્યુરો (NCB) એ શુક્રવારે એનડીપીએસ કોર્ટમાં આર્યન ખાન વિરુદ્ધ ચાર્જશીટ રજૂ કરી હતી. ચાર્જશીટમાં આર્યન ખાનનું નામ સામેલ નથી. ડ્રગ્સના કેસમાં આર્યન સામે કોઈ પુરાવા મળ્યા નથી.

Cruise drug bust case | All the accused persons were found in possession of Narcotics except Aryan and Mohak, reads a statement of Sanjay Kumar Singh, DDG (Operations), NCB

— ANI (@ANI) May 27, 2022

ઉલ્લેખનીય છે કે 2 ઓક્ટોબરે NCB દ્વારા ક્રૂઝ પર દરોડા પાડવામાં આવ્યા હતા. જેમાં આર્યન ખાન સહિત કુલ 19 લોકોની ધરપકડ કરવામાં આવી હતી. જે બાદ તમામ આરોપીઓ અલગ-અલગ સમયે જામીન પર બહાર આવ્યા હતા. એક આરોપી હાલ જેલમાં છે. આ કેસમાં આર્યન ખાનને ત્રણ અઠવાડિયાથી વધુ સમય જેલમાં રહેવું પડ્યું હતું.

A complaint against 14 persons under various sections of the NDPS Act is being filed. Complaint against rest six persons is not being filed due to a lack of evidence: Sanjay Kumar Singh, DDG (Operations), NCB

— ANI (@ANI) May 27, 2022

ક્રુઝ ડ્રગ્સ કેસમાં મુનમુન ધમેચા અને અરબાઝ મર્ચન્ટને ચાર્ટશીટમાં ક્લીનચીટ મળી નથી. બંનેનો ડ્રગ્સ કેસમાં આરોપી તરીકે ઉલ્લેખ કરવામાં આવ્યો છે. 6 લોકો સામે કોઈ પુરાવા મળ્યા નથી. જેમની સામે પુરાવા મળ્યા નથી તેમાં આર્યન ખાન સિવાય સાહુ, આનંદ, સુનીલ સેહ, અરોરાનો સમાવેશ થાય છે. બાકીના 14 લોકો સામે ક્રુઝ ડ્રગ્સનો કેસ નોંધવામાં આવ્યો છે. તેઓને ક્લીનચીટ મળી નથી. આ 14 લોકો સામે કેસ ચલાવવામાં આવશે.