હવે Androidમાં આવી ગયું iPhone જેવું આ ફીચર, ફ્રેન્ડ્સ અને ફેમિલીને રાખશે સુરક્ષિત

લાંબી રાહ જોયા પછી આખરે એન્ડ્રોઇડ પર આઇફોન જેવી સેફ્ટી સંબંધિત એક ફીચર આવી ગયું છે

પ્રતિકાત્મક તસવીર

Source : X

લાંબી રાહ જોયા પછી આખરે એન્ડ્રોઇડ પર આઇફોન જેવી સેફ્ટી સંબંધિત એક ફીચર આવી ગયું છે. નવા અપડેટમાં ગૂગલે મિત્રો અને પરિવારને સુરક્ષિત રાખવા માટે ડિઝાઇન કરવામાં આવેલા ફીચર “Find Fam & Friends” ની શરૂઆત કરી છે. તે સૌપ્રથમ માર્ચ અપડેટમાં પિક્સેલ ડિવાઇસમાં ઉપલબ્ધ કરાવવામાં આવ્યું હતું, અને આગામી અઠવાડિયામાં વિશ્વભરના તમામ યુઝર્સ માટે રોલઆઉટ કરવામાં આવશે. આ ફીચર કેવી રીતે કાર્ય કરશે તે જાણીએ.

Find Fam & Friends

આ ફીચરની મદદથી યુઝર માટે તેના મિત્રો અને પરિવારના સભ્યોનું સ્થાન જાણવાનું સરળ બનશે. આ ફીચર તમારા પરિવારના કોઈપણ સભ્ય કે મિત્ર  કોલેજ કે ઓફિસ જેવી જગ્યાએ પહોંચતાની સાથે જ તમને નોટિફાઇ કરશે. તેવી જ રીતે જ્યારે તમારો મિત્ર કે પરિવારના સભ્ય ઘરે પહોંચ છે તો તે તમને નોટિફિકેશન મોકલશે. આ ફીચર યુઝરની પરિવારના સભ્યો અથવા મિત્રો કે જેઓ ક્યાંક બહાર ગયા છે તેમની સલામતી અંગેની ચિંતા ઘટાડે છે. હવે યુઝર્સને પોતાનું લોકેશન અલગથી મોકલવાની જરૂર રહેશે નહીં. "ચેક-ઇન" નામની આ સુવિધા લગભગ 2 વર્ષ પહેલા આઇફોનમાં સામેલ કરવામાં આવી હતી.

આ ફીચર કેવી રીતે કામ કરશે?                           

  

ગૂગલે આ ફીચરને ફાઇન્ડ માય એપમાં એકીકૃત કરી છે. હવે આ એપમાં “People” નામનું એક નવું ટેબ દેખાશે. તેની મદદથી યુઝર્સ તેમના પરિવારના સભ્યો અને મિત્રો સાથે લાઇવ અને કરન્ટ લોકેશન શેર કરી શકે છે. અહીંથી શેર કરાયેલ લોકેશન પરિવારના સભ્યના ફોન પર Find My એપ્લિકેશનમાં દેખાશે. ગોપનીયતા માટે તેમાં સમય અવધિ પણ સેટ કરી શકાય છે. યુઝર્સ પોતાની ઇચ્છા મુજબ સમયગાળો પસંદ કરી શકે છે. ફક્ત તે સમયગાળા માટે અન્ય યુઝર્સ સાથે લોકેશન શેર કરવામાં આવશે. સમય પૂરો થયા પછી લોકેશન શેરિંગ બંધ થઈ જશે.