આસામમાં પૂરથી 20 જિલ્લામાં 6 લાખથી વધુ લોકો પ્રભાવિત, અત્યાર સુધી 66નાં મોત

20 જિલ્લામાં પૂરના કારણે 6 લાખ 2 હજાર લોકો પ્રભાવિત થયા છે. અનેક ગામો પાણીમાં ડૂબી ગયા છે.

ગુવાહાટી: આસામમાં પૂરથી જીનજીવન અસ્ત વ્યસ્ત થઈ ગયું છે. અહીં 20 જિલ્લા પૂરની ઝપેટમાં આવી ગયા છે. રાજ્યમાં પૂરથી અસરગ્રસ્ત લોકોની સંખ્યા 6 લાખ 2 હજાર થઈ ગઈ છે. ડિઝાસ્ટર મેનેજમેન્ટ ઓથોરિટીએ આ જાણકારી આપી હતી. આસામ ડિઝાસ્ટર મેનેજમેન્ટ ઓથોરિટીએ એક બુલેટિનમાં જણાવ્યું કે, પૂરના પાણીમાં ડૂબીને વધુ બે લોકોના મોત થયા છે. તેની સાથે જીવ ગુમાવનાર લોકોની સંખ્યા 66 થઈ ગઈ છે. પૂરથી સૌથી વધુ માર ધેમાજી જિલ્લા પર પડી છે. તેના બાદ બારપેટા અને લખીમપુર વધુ પ્રભાવિત છે. અસરગ્રસ્ત અન્ય જિલ્લામાં ચરાઈદેવ, વિશ્વનાથ, બક્સા, નલબારી, ચિરાંગ, બોંગાઈગાવ, કોકરાઝાર, ગ્વાલપારા, મોરીગાંવ, નગાંવ, ગોલાઘાટ અને તિનસુકિયા છે.

રાજ્યમાં કુલ 11 હજાર 9 ગામ જળમગ્ન થયા 20 જિલ્લામાં પૂરના કારણે 6 લાખ 2 હજાર લોકો પ્રભાવિત થયા છે. અનેક ગામો પાણીમાં ડૂબી ગયા છે. રાજ્યમાં કુલ 11 હજાર 9 ગામ જળમગ્ન થઈ ગયા છે. પૂરના પાણીના કારણે પાકને પણ મોટું નુકસાન થયું છે. બ્રહ્મપુત્ર નદી અનેક સ્થળોએ ભયજનક સપાટીથી ઉપર વહી રહી છે.