Axiom-4 Space Mission: શુભાંશુ શુક્લાએ રચ્યો ઇતિહાસ, અંતરિક્ષ માટે રવાના થયું મિશન Axiom-4
Axiom-4 Space Mission: નાસાએ તેના નિવેદનમાં જણાવ્યું હતું કે લક્ષ્યાંકિત ડોકીંગ સમય આવતીકાલે, ગુરુવારે સાંજે 4.30 વાગ્યાની આસપાસ છે
Axiom-4 Space Mission: આખરે, લાંબી રાહ જોયા બાદ ભારતીય અવકાશયાત્રી શુભાંશુ શુક્લા અને અન્ય 3 મુસાફરોને લઈને એક્સિઓમ-4 મિશન આંતરરાષ્ટ્રીય અવકાશ મથક (ISS) માટે રવાના થયું. આ મિશન નિર્ધારિત સમય મુજબ બપોરે 12.01 વાગ્યે લૉન્ચ કરવામાં આવ્યું હતું. અગાઉ, સ્પેસએક્સે જાહેરાત કરી હતી કે આજે બુધવારે યોજાનારી સંભવિત ફ્લાઇટ માટે હવામાન 90 ટકા અનુકૂળ છે.
આ અવકાશ મિશન માટે પરિવહન પૂરું પાડી રહેલા સ્પેસએક્સે સોશિયલ મીડિયા પ્લેટફોર્મ X પર એક પોસ્ટમાં જણાવ્યું હતું કે, "બુધવારે અવકાશ મથક પર Axiom_Space ના Ax-4 મિશનના લોન્ચ માટે બધી સિસ્ટમો સારી દેખાઈ રહી છે અને હવામાન ઉડાન માટે 90% અનુકૂળ દેખાઈ રહ્યું છે."
ફ્લૉરિડાના કેનેડી સ્પેસ સેન્ટરથી લૉન્ચ થશે
અમેરિકન સ્પેસ એજન્સી નાસાએ જણાવ્યું હતું કે, "નાસા, એક્સિઓમ સ્પેસ અને સ્પેસએક્સ હવે આજે, બુધવાર, 25 જૂનના રોજ ભારતીય સમય મુજબ બપોરે 12.01 વાગ્યે એક્સિઓમ મિશન 4 ના લોન્ચ માટે લક્ષ્યાંક નક્કી કરી રહ્યા છે, જે આંતરરાષ્ટ્રીય અવકાશ મથક પર ચોથું ખાનગી અવકાશયાત્રી મિશન છે." આ મિશન ફ્લોરિડામાં નાસાના કેનેડી સ્પેસ સેન્ટર ખાતે લોન્ચ કોમ્પ્લેક્સ 39A થી ઉડાન ભરશે. કંપનીના ફાલ્કન 9 રોકેટ પર લોન્ચ કર્યા પછી, ક્રૂ નવા સ્પેસએક્સ ડ્રેગન અવકાશયાન પર ભ્રમણકક્ષા પ્રયોગશાળામાં જશે.
નાસાએ તેના નિવેદનમાં જણાવ્યું હતું કે લક્ષ્યાંકિત ડોકીંગ સમય આવતીકાલે, ગુરુવારે સાંજે 4.30 વાગ્યાની આસપાસ છે. નાસાના ભૂતપૂર્વ અવકાશયાત્રી અને એક્સિઓમ સ્પેસ ખાતે માનવ અવકાશ ઉડાનના નિર્દેશક પેગી વ્હિટસન, વાણિજ્યિક મિશનનું નેતૃત્વ કરશે, જ્યારે ઇસરો (ભારતીય અવકાશ સંશોધન સંગઠન) અવકાશયાત્રી શુભાંશુ શુક્લા પાઇલટ તરીકે સેવા આપશે.
આ ઉપરાંત, બે મિશન નિષ્ણાતોમાં પોલેન્ડના ESA (યુરોપિયન સ્પેસ એજન્સી) પ્રોજેક્ટ અવકાશયાત્રી સ્લેવોજ ઉઝનાન્સ્કી-વિસ્નીવસ્કી અને હંગેરીના HUNOR (હંગેરિયન ટુ ઓર્બિટ) અવકાશયાત્રી ટિબોર કાપુનો સમાવેશ થાય છે.
વિવિધ કારણોસર લોન્ચિંગમાં વિલંબ
અગાઉ, એક્સિઓમ-4 મિશનનું લોન્ચિંગ વિવિધ કારણોસર ઘણી વખત વિલંબિત થયું છે, પહેલા ખરાબ હવામાનને કારણે અને પછી સ્પેસએક્સના ફાલ્કન-9 રોકેટમાં લીકેજની તપાસને કારણે અને બાદમાં આંતરરાષ્ટ્રીય અવકાશ મથકના રશિયન મોડ્યુલમાં, યાત્રા મુલતવી રાખવી પડી હતી. અગાઉ તે 29 મેના રોજ લોન્ચ થવાનું હતું. પછી તેને 8 જૂન, 10 જૂન અને 11 જૂન સુધી મુલતવી રાખવું પડ્યું હતું.
શુભાંશુ શુક્લાને જાણો
શુભાંશુ શુક્લા વાયુસેનાના અધિકારીમાંથી અવકાશયાત્રી બન્યા છે. તેઓ 2026 માં ભારતીય વાયુસેનાના ફાઇટર સ્ટ્રીમમાં જોડાયા હતા. જ્યાં તેઓ વાયુસેનામાં ફાઇટર કોમ્બેટ લીડર અને ટેસ્ટ પાઇલટ બન્યા હતા. શુભાંશુને 2 હજાર કલાકથી વધુ સમય માટે Su-30 MKI, MiG-21, MiG-29, Jaguar, Donier અને Hawk જેવા વિમાનો ઉડાડવાનો અનુભવ છે.
શુભાંશુએ વર્ષ 2019 માં ISRO ગગનયાન માટે અરજી કરી હતી, ત્યારબાદ તેમને ISRO ના ગગનયાન માનવ અવકાશ ઉડાન કાર્યક્રમ માટે ચાર અધિકારીઓ સાથે પસંદ કરવામાં આવ્યા હતા. આ પછી, તેમણે અવકાશમાં જવા માટે રશિયા અને બેંગ્લોરમાં તાલીમ લીધી.
લખનઉમાં જન્મેલા શુભાંશુ શુક્લાના શિક્ષણ વિશે વાત કરીએ તો, તેમણે લખનઉની સિટી મોન્ટેસરી સ્કૂલમાંથી પોતાનું શાળાકીય શિક્ષણ પૂર્ણ કર્યું. તેમણે બેંગ્લોરની ઇન્ડિયન ઇન્સ્ટિટ્યૂટ ઓફ સાયન્સમાંથી એરોસ્પેસ એન્જિનિયરિંગમાં એમટેક ડિગ્રી મેળવી છે.
ટોપ સ્ટોરી
ટ્રેન્ડિંગ સમાચાર
