Bangladesh Protests: બાંગ્લાદેશમાંથી અંદાજે 1000 ભારતીય વિદ્યાર્થીઓ પરત ફર્યા, અનામત વિવાદમાં 105ના મોત
બાંગ્લાદેશમાં સરકારી નોકરીઓમાં અનામતનો વિરોધ હિંસક બની રહ્યો છે. અત્યાર સુધીમાં 105 લોકોના મોત થયા છે.
Bangladesh Protest: બાંગ્લાદેશમાં સરકારી નોકરીઓમાં અનામતનો વિરોધ હિંસક બની રહ્યો છે. અત્યાર સુધીમાં 105 લોકોના મોત થયા છે. આ દરમિયાન વડાપ્રધાન શેખ હસીનાએ સમગ્ર દેશમાં કર્ફ્યુ અને સેના તૈનાત કરવાનો નિર્ણય લીધો છે. બાંગ્લાદેશ સરકારે કર્ફ્યૂ જાહેર કર્યો છે. 8500 ભારતીય વિદ્યાર્થીઓમાંથી અત્યાર સુધીમાં 978 વિદ્યાર્થીઓને બહાર કાઢવામાં આવ્યા છે. હિંસાગ્રસ્ત બાંગ્લાદેશમાંથી આશરે 978 ભારતીય વિદ્યાર્થીઓે પરત લાવવામાં આવ્યા છે.
આ ઉપરાંત, 200 જેટલા વિદ્યાર્થીઓ ઢાકા અને ચટગાંવ એરપોર્ટ દ્વારા નિયમિત ફ્લાઇટ સેવાઓ દ્વારા ઘરે પરત ફર્યા છે. બાંગ્લાદેશની વિવિધ યુનિવર્સિટીઓમાં 4000 થી વધુ વિદ્યાર્થીઓ છે અને નેપાળ અને ભૂટાનના વિદ્યાર્થીઓને વિનંતી પર ભારતમાં પ્રવેશવામાં મદદ કરવામાં આવી છે.
હાઈ કમિશન અને મદદનીશ હાઈ કમિશન દ્વારા ભારત બાંગ્લાદેશ ઈન્ટરનેશનલ બોર્ડર સાથે સરહદ ક્રોસિંગ પોઈન્ટ પર સલામત મુસાફરીની સુવિધા માટે પગલાં લેવામાં આવી રહ્યા છે. MEA ભારતીય નાગરિકો માટે સરળ માર્ગ સુનિશ્ચિત કરવા નાગરિક ઉડ્ડયન, ઇમિગ્રેશન, લેન્ડ પોર્ટ અને BSF સત્તાવાળાઓ સાથે પણ સંકલન કરી રહ્યું છે.
The High Commission of India in Dhaka and the Assistant High Commissions in Chittagong, Rajshahi, Sylhet and Khulna have been assisting the return of Indian nationals home following the recent developments in Bangladesh. In coordination with the local authorities, measures are… pic.twitter.com/LvYSQUi2K2
— ANI (@ANI) July 20, 2024
વિદેશ મંત્રાલય પડોશી દેશમાંથી ભારતીય વિદ્યાર્થીઓને પરત લાવવા માટે વિશ્વાસ વ્યક્ત કરી રહ્યા છે. વિદેશ મંત્રાલયના પ્રવક્તા રણધીર જયસ્વાલના અનુસાર, બાંગ્લાદેશમાં 8,500 વિદ્યાર્થીઓ સહિત અંદાજે 15,000 ભારતીય હતા. જ્યારે ભારતમાં બાંગ્લાદેશી વિદ્યાર્થીઓ પોતાના દેશની સ્થિતિને લઈ ચિંતિત છે.
વિરોધ ગયા મહિનાના અંતમાં શરૂ થયો હતો પરંતુ હિંસક ન હતો. જો કે, આ વિરોધમાં હજારો લોકો રસ્તા પર ઉતરી આવ્યા ત્યારે મામલો વધી ગયો. ગયા સોમવારે, ઢાકા યુનિવર્સિટીના વિદ્યાર્થીઓની પોલીસ અને સત્તાધારી અવામી લીગ દ્વારા સમર્થિત વિદ્યાર્થી સંગઠન સાથે અથડામણ થઈ હતી. આ ઘટનામાં ઓછામાં ઓછા 100 લોકો ઘાયલ થયા છે.
મૃત્યુઆંકમાં સતત વધારો
બંગાળી અખબાર પ્રથમ આલોએ અહેવાલ આપ્યો છે કે, વિરોધીઓએ રસ્તાઓ અવરોધિત કર્યા અને સુરક્ષા અધિકારીઓ પર ઇંટો ફેંકવાના કારણે સમગ્ર દેશમાં ટ્રેન સેવાઓ સ્થગિત કરવામાં આવી હતી. ગુરુવારે બાંગ્લાદેશના 64માંથી 47 જિલ્લામાં હિંસામાં 27 લોકોના મોત થયા હતા અને 1,500 લોકો ઘાયલ થયા હતા. હોસ્પિટલોને ટાંકીને, એએફપીએ અલગથી જણાવ્યું હતું કે, શુક્રવાર રાતના વિરોધ પ્રદર્શનમાં મૃત્યુની કુલ સંખ્યા 105 પર પહોંચી ગઈ છે. જોકે પોલીસે મૃતકોની સંખ્યા જાહેર કરી નથી.
અમેરિકન એમ્બેસીનું કહેવું છે કે- પરિસ્થિતિ ઘણી અસ્થિર છે
આ પ્રદર્શનની વચ્ચે, ઢાકામાં યુએસ એમ્બેસીએ કહ્યું કે અહેવાલો દર્શાવે છે કે બાંગ્લાદેશમાં 40 થી વધુ લોકોના મોત થયા છે અને હજારો ઘાયલ થયા છે. ઢાકામાં વિરોધ પ્રસરી રહ્યો છે અને હિંસક અથડામણો થઈ રહી છે. પરિસ્થિતિ અત્યંત અસ્થિર છે.
ટ્રેન્ડિંગ સમાચાર
ટોપ સ્ટોરી
