રામ મંદિરને બોમ્બથી ઉડાવી દેવાની ધમકી મળતા ખળભળાટ, કહ્યું- સુરક્ષામાં વધારો કરી લો
ઉત્તર પ્રદેશના 10-15 જિલ્લાઓમાં જિલ્લા મેજિસ્ટ્રેટના સત્તાવાર ઈ-મેલ પર ધમકીઓ મળી છે. આ જિલ્લાઓ ઉપરાંત અયોધ્યાના રામ મંદિર ટ્રસ્ટને પણ ધમકીભર્યો મેલ મળ્યો છે.
Ayodhya News : ઉત્તર પ્રદેશના 10-15 જિલ્લાઓમાં જિલ્લા મેજિસ્ટ્રેટના સત્તાવાર ઈ-મેલ પર ધમકીઓ મળી છે. આ જિલ્લાઓ ઉપરાંત અયોધ્યાના રામ મંદિર ટ્રસ્ટને પણ ધમકીભર્યો મેલ મળ્યો છે. રામ મંદિર ટ્રસ્ટને મળેલા ઈમેલમાં સુરક્ષા વધારવાની વાત કહેવામાં આવી છે. એવું કહેવામાં આવ્યું છે કે જો આમ નહીં કરવામાં આવે તો રામ મંદિરને બોમ્બથી ઉડાવી દેવામાં આવશે.
રામ મંદિરની વાત કરીએ તો ગત સોમવારે રાત્રે રામ જન્મભૂમિ ટ્રસ્ટના મેઇલ પર ધમકીભર્યો મેલ આવ્યો હતો. તેમાં લખ્યું હતું- મંદિરની સુરક્ષા વધારી દો. જે બાદ અયોધ્યાના સાયબર પોલીસ સ્ટેશનમાં FIR દાખલ કરવામાં આવી હતી. સાયબર સેલ આ મામલે તપાસ કરી રહ્યું છે.
ધમકીભર્યો મેલ મળ્યા બાદ મોટાપાયે સર્ચ ઓપરેશન શરૂ કરવામાં આવ્યું હતું. અયોધ્યાની સાથે બારાબંકી અને ચંદૌલી સહિત અન્ય કેટલાક જિલ્લાના જિલ્લા મેજિસ્ટ્રેટને પણ ધમકીભર્યા મેલ મળ્યા છે. બારાબંકી, ફિરોઝાબાદ અને ચંદૌલીના જિલ્લા મેજિસ્ટ્રેટને એક ઈમેલ મળ્યો છે જેમાં તેમને બોમ્બથી ઉડાવી દેવાની ધમકી આપવામાં આવી છે. મળતી માહિતી મુજબ, આ મેઈલ તમિલનાડુથી મોકલવામાં આવ્યા છે. જો આપણે અન્ય જિલ્લાઓની વાત કરીએ તો, ઓછામાં ઓછા 10-15 જિલ્લાના ડીએમની સત્તાવાર માહિતી સિસ્ટમ પર ધમકીભર્યા ઇમેઇલ્સ પ્રાપ્ત થયા હતા.
અલીગઢ ડીએમને પણ મેલ મળ્યો હતો
આ સિવાય અલીગઢ કલેક્ટર કચેરીને બોમ્બથી ઉડાવી દેવાની ધમકી મળી છે. ડીએમના સત્તાવાર ઈમેલ પર ધમકી આપવામાં આવી છે. ધમકી બાદ પોલીસ પ્રશાસન સતર્ક થઈ ગયું છે. પોલીસ દળ ડોગ સ્કવોડ અને અન્ય સાધનોની મદદથી કલેક્ટર કચેરી ખાતે તપાસ કરી રહ્યું છે.
અલીગઢ જિલ્લા કલેક્ટર કચેરીને બોમ્બથી ઉડાવી દેવાની ધમકી આપતો ઈમેલ મળ્યા બાદ પોલીસ અને વહીવટીતંત્ર સતર્ક થઈ ગયું છે. જિલ્લા કલેક્ટર કચેરી અલીગઢ કેમ્પસ ખાલી કરાવવામાં આવ્યું છે. પરિસરના તમામ દરવાજા બંધ કરી દેવામાં આવ્યા છે. જે બાદ ચાર ટીમોએ સમગ્ર મામલાની તપાસ શરૂ કરી હતી. ડોગ સ્કવોડ સહિત અન્ય ટીમો સ્થળ પર તૈનાત કરવામાં આવી છે. તેમજ જિલ્લા કલેક્ટર કચેરી અલીગઢ કેમ્પસમાં હાજર તમામ વિભાગોને બંધ કરી દેવામાં આવ્યા છે.
જિલ્લા મેજિસ્ટ્રેટને મોકલવામાં આવેલા મેલમાં કહેવામાં આવ્યું છે કે કલેક્ટર કચેરીને બોમ્બથી ઉડાવી દેવામાં આવશે. હાલ તો ઉત્તરપ્રદેશમાં એક સાથે 10થી 15 જિલ્લાઓમાં બોમ્બની ધમકી મળતા હડકંપ મચી ગયો છે.
Before You Go
Mumbai | મુંબઈની ઈમારતમાં આગ લાગતા એકનું મોત, 10થી વધુ લોકોનું કરાયું રેસ્ક્યૂ
ટોપ સ્ટોરી
ટ્રેન્ડિંગ સમાચાર
