આઠ મહિનામાં માયાવતીએ ત્રીજી વખત લોકસભામાં BSPના નેતા બદલ્યા

આઠ મહિનામાં બસપા સુપ્રીમો માયાવતીએ ત્રીજી વખત લોકસભામાં પોતાના નેતા બદલ્યા છે.

લખનઉ: આઠ મહિનામાં બસપા સુપ્રીમો માયાવતીએ ત્રીજી વખત લોકસભામાં પોતાના નેતા બદલ્યા છે. હવે રિતેશ પાંડે લોકસભામાં બસપાના સંસદીય દળના નેતા હશે. તેઓ અંબેડકર નગરથી સાંસદ છે. અત્યાર સુધી આ જવાબદારી દાનિશ અલી સંભાળી રહ્યા હતા. અમરોહાના લોકસભા સાંસદ દાનિશ અલીના કેટલાક નિવેદનોના કારણે માયાવતી તેનાથી નારાજ હતા. અંતે તેમને આ પદ ગુમાવવું પડ્યું છે. દાનિશ અલી પહેલા શ્યામ સિંહ યાદવ લોકસભામાં સંસદીય દળના નેતા હતા. પરંતુ થોડા મહિનાઓમાં જ માયાવતીની ગુડબુકમાંથી તેઓ બહાર થઈ ગયા હતા. મુસ્લિમ મતદારોને રિઝવવા માટે બસપા સુપ્રીમોએ દાનિશને આ જવાબદારી સોંપી હતી. તેઓ પાર્ટીના સીનિયર લીડર સતીશ ચંદ્ર મિશ્રના નજીકના માનવામાં આવે છે. બસપા સુપ્રીમો માયાવતીએ ટ્વિટ કરી આ જાણકારી આપી હતી. તેમણે દાનિશ અલીને હટાવીને રિતેશ પાંડેને લોકસભામાં નેતા બનાવવાનું કારણ પણ જણાવ્યું હતું. માયાવતીએ કહ્યું પાર્ટીના ઉત્તરપ્રદેશ અધ્યક્ષ અને લોકસભામાં નેતા એક જ સમાજના હતા. એટલે આ નિર્ણય કરવામાં આવ્યો છે.

1. बी.एस.पी. में सामाजिक सामंजस्य बनाने को मद्देनज़र रखते हुये लोकसभा में पार्टी के नेता व उत्तर प्रदेश के स्टेट अध्यक्ष भी, एक ही समुदाय के होने के नाते इसमें थोड़ा परिवर्तन किया गया है। 1/3

— Mayawati (@Mayawati) January 13, 2020

અત્યારે મુનકાદ અલી બસપા પ્રદેશ અધ્યક્ષ છે. માયાવતીનું કહેવું છે કે સામાજિક સમીકરણો ઠીક કરવા માટે આ નિર્ણય લેવામાં આવ્યો છે. પરંતુ પાર્ટીના એક સાંસદે કહ્યું આ ફક્ત એક બાનુ છે. 38 વર્ષના રિતેશ પાંડે પ્રથમ વખત સાંસદ બન્યા છે આ પહેલા તેઓ ધારાસભ્ય હતા. 2017માં અંબેડકરનગરના જલાલપુરથી ધારાસભ્યની ચૂંટણી જીત્યા હતા. રિતેશના પિતા રાકેશ પાંડે પણ અંબેડકરનગરથી લોકસભા સાંસદ રહી ચૂક્યા છે. તેઓ પોતાના વિસ્તારમાં બાહુબલી નેતા તરીકે જાણીતા હતા.