![ABP Premium](https://cdn.abplive.com/imagebank/Premium-ad-Icon.png)
ભાજપ પણ આમ આદમી પાર્ટીના પગલે, આ રાજ્યની ભાજપ સરકારે 125 યુનિટ મફત વીજળી આપવાની કરી જાહેરાત
આ સાથે જ ગ્રામીણ વિસ્તારોમાં રહેતા લોકોના પાણીના બિલ સંપૂર્ણપણે માફ કરવામાં આવશે.
![ભાજપ પણ આમ આદમી પાર્ટીના પગલે, આ રાજ્યની ભાજપ સરકારે 125 યુનિટ મફત વીજળી આપવાની કરી જાહેરાત cm jai ram Thakur announced up to 125 units of free domestic electricity on himachal day ભાજપ પણ આમ આદમી પાર્ટીના પગલે, આ રાજ્યની ભાજપ સરકારે 125 યુનિટ મફત વીજળી આપવાની કરી જાહેરાત](https://feeds.abplive.com/onecms/images/uploaded-images/2022/04/15/3532955d661bc22f44d5bdbf522e5308_original.jpg?impolicy=abp_cdn&imwidth=1200&height=675)
હિમાચલમાં યોજાનારી ચૂંટણી પહેલા ભાજપે જનતાને રીઝવવા માટે ફ્રી કાર્ડ ચલાવ્યું છે. હિમાચલ દિવસ પર મુખ્યમંત્રી જયરામ ઠાકુરે ચંબામાં આયોજિત કાર્યક્રમમાં મોટી જાહેરાતો કરી છે. હિમાચલ પ્રદેશના લોકોને ભેટ આપતા સીએમ જયરામ ઠાકુરે રાજ્યમાં 125 યુનિટ સુધી મફત ઘરેલું વીજળી આપવાની જાહેરાત કરી છે. આ સાથે હિમાચલની મહિલાઓને HRTC બસોના ભાડામાં 50 ટકા ડિસ્કાઉન્ટ આપવાનું કહેવામાં આવ્યું છે. આ સાથે જ ગ્રામીણ વિસ્તારોમાં રહેતા લોકોના પાણીના બિલ સંપૂર્ણપણે માફ કરવામાં આવશે.
સીએમ જયરામ ઠાકુરની આ જાહેરાત બાદ હિમાચલમાં થનારી ચૂંટણી પર ઘણી અસર જોવા મળશે. 75મા હિમાચલ દિવસના રાજ્ય સ્તરીય સમારોહમાં આ જાહેરાત કરતી વખતે, સીએમ જયરામ ઠાકુરે કહ્યું કે પહેલા રાજ્યના લોકો માટે 60 યુનિટ સુધી વીજળી મફત હતી, પરંતુ હવે 125 યુનિટ સુધી વીજળી મફત આપવામાં આવશે. આ કાર્યક્રમમાં સીએમ જયરામ ઠાકુરે પોલીસ અને હોમ ડિફેન્સના જવાનોની ટુકડીઓ દ્વારા રજૂ કરાયેલ માર્ચ પાસ્ટની સલામી લીધી હતી. આ દરમિયાન સીએમ જયરામ ઠાકુર સાથે સ્પીકર વિપિન પરમાર અને વન મંત્રી રાકેશ પઠાણિયા પણ કાર્યક્રમમાં હાજર હતા.
સીએમ જયરામ ઠાકુરની આ જાહેરાત બાદ વિપક્ષી પાર્ટીઓને ચૂંટણીમાં ઘણું નુકસાન થઈ શકે છે. કારણ કે 125 યુનિટ મફત વીજળી આપવાથી રાજ્યની જનતાને 250 કરોડનો ફાયદો થશે. આ વખતે હિમાચલ ચૂંટણીમાં AAP પાર્ટી ત્રીજા વિકલ્પ તરીકે મેદાનમાં ઉતરી રહી છે, AAPનું માનવું છે કે પાડોશી રાજ્ય પંજાબમાં જીત બાદ હિમાચલના લોકો પણ પરિવર્તન ઈચ્છે છે.
આ પણ વાંચોઃ
કેન્દ્રીય પેટ્રોલિયમ મંત્રીની આ સલાહ રાજ્ય માની લે તો ડીઝલ અને પેટ્રોલના ભાવમાં થઈ શકે છે મોટો ઘટાડો
Power Crisis In India: આકરી ગરમી વચ્ચે આ ત્રણ રાજ્યોમાં વિજળી સંકટ વધુ ઘેરુ બની શકે છે, ઉર્જા મંત્રીએ ઉચ્ચ સ્તરીય બેઠક યોજી
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)