Congress Candidates 7th List: કૉંગ્રેસે લોકસભા ચૂંટણી માટે જાહેર કરી ઉમેદવારોની સાતમી યાદી, જાણો કોને-કોને મળી ટિકીટ 

લોકસભા ચૂંટણી માટે કોંગ્રેસ પાર્ટીએ સાતમી યાદી જાહેર કરી છે. સાતમી યાદીમાં કોંગ્રેસે છત્તીસગઢની ચાર અને તમિલનાડુની એક બેઠક માટે ઉમેદવારોના નામ જાહેર કર્યા છે. 

તસવીર ABP LIVE

Source : PTI

Congress Candidates 7th List 2024: લોકસભા ચૂંટણી માટે કોંગ્રેસ પાર્ટીએ સાતમી યાદી જાહેર કરી છે. સાતમી યાદીમાં કોંગ્રેસે છત્તીસગઢની ચાર અને તમિલનાડુની એક બેઠક માટે ઉમેદવારોના નામ જાહેર કર્યા છે. 

Congress releases the seventh list of candidates for the upcoming Lok Sabha elections. pic.twitter.com/H2sas8pfSI

— ANI (@ANI) March 26, 2024

કૉંગ્રેસે આર સુધાને તમિલનાડુના માયલાદુથુરાઈથી ઉમેદવાર બનાવ્યા છે. પાર્ટીએ છત્તીસગઢની સુરગુજા સીટથી શશિ સિંહ, રાયગઢથી મેનકા દેવી સિંહ, બિલાસપુરથી દેવેન્દ્ર સિંહ યાદવ અને કાંકેરથી બિરેશ ઠાકુરને ટિકિટ આપી છે. 

 

ભાજપે 3 ઉમેદવાર આજે જાહેર કર્યા

લોકસભા ચૂંટણીને ધ્યાનમાં રાખીને ભારતીય જનતા પાર્ટી (BJP) એ મંગળવારે (26 માર્ચ) ત્રણ ઉમેદવારોના નામ જાહેર કર્યા હતા. આ યાદીમાં ભાજપે કરૌલી ધોલપુરથી ઈન્દુ દેવી જાટવને ઉમેદવાર બનાવ્યા છે. ભાજપે દૌસાથી કન્હૈયાલાલ મીણાને ટિકિટ આપી છે. જ્યારે ભાજપે મણિપુરની આંતરિક મણિપુર સીટથી થૌનાઓજમ બસંત કુમાર સિંહને ટિકિટ આપી છે. જ્યારે ભાજપે કરૌલી ધોલપુરથી ડો.મનોજ રાજૌરિયાની ટિકિટ રદ કરીને ઈન્દુ દેવી જાટવને ટિકિટ આપી છે.

આ 7 તબક્કામાં યોજાશે મતદાન

 

• દેશમાં લોકસભાની ચૂંટણી કુલ 7 તબક્કામાં થશે. ચૂંટણીના પરિણામો 4 જૂને આવશે.
• પ્રથમ તબક્કાનું મતદાન 19 એપ્રિલે થશે. આ સમયગાળા દરમિયાન 21 રાજ્યો અને કેન્દ્રશાસિત પ્રદેશોમાં મતદાન થશે. પ્રથમ તબક્કામાં લોકસભાની કુલ 102 બેઠકો પર મતદાન થશે.
• બીજા તબક્કાનું મતદાન 26 એપ્રિલે થશે. બીજા તબક્કામાં દેશના 13 રાજ્યો અને કેન્દ્રશાસિત પ્રદેશોમાં મતદાન થશે. આ સમયગાળા દરમિયાન દેશમાં લોકસભાની 89 બેઠકો પર ચૂંટણી યોજાશે. 
• ત્રીજા તબક્કામાં 12 રાજ્યો અને કેન્દ્રશાસિત પ્રદેશોની 94 લોકસભા બેઠકો પર મતદાન થશે. ત્રીજા તબક્કાનું મતદાન 7 મેના રોજ થશે.
• ચોથા તબક્કા હેઠળ 13 મેના રોજ મતદાન થશે. આ સમયગાળા દરમિયાન દેશના 10 રાજ્યો અને કેન્દ્રશાસિત પ્રદેશોની 96 લોકસભા બેઠકો પર મતદાન થશે.
• પાંચમા તબક્કાનું મતદાન 20 મેના રોજ થશે. આ સમયગાળા દરમિયાન 8 રાજ્યો અને કેન્દ્રશાસિત પ્રદેશોની 49 લોકસભા બેઠકો પર મતદાન થશે.
• છઠ્ઠા તબક્કામાં 25 મેના રોજ મતદાન થશે. આ દિવસે દેશના સાત રાજ્યો અને કેન્દ્રશાસિત પ્રદેશોની 57 લોકસભા બેઠકો પર મતદાન થશે.
• સાતમા અને છેલ્લા તબક્કાનું મતદાન 1 જૂને થશે. છેલ્લા તબક્કામાં 8 રાજ્યો અને કેન્દ્રશાસિત પ્રદેશોમાં મતદાન થશે. આ દરમિયાન 57 લોકસભા સીટો પર મતદાન થશે.