બાયોડેટા રાખો તૈયાર! 2025 માં 1500થી વધુ કંપની કરશે ભરતી, રિપોર્ટમાં થયો મોટો ખુલાસો

January to March 2025 recruitment: નોકરીની શોધમાં રહેલા યુવાનો માટે નવા વર્ષની શરૂઆત જબરદસ્ત રહેવાની છે. ઘણી કંપનીઓ વર્ષના પ્રથમ ક્વાર્ટરમાં કર્મચારીઓની સંખ્યા વધારવા પર વિચાર કરી રહી છે.

Bumper recruitment 2025: મેનપાવરગ્રુપના એમ્પ્લોયમેન્ટ આઉટલુક સર્વેમાં આ વાત સામે આવી છે જે મુજબ જાન્યુઆરી-માર્ચ 2025 માટે વૈશ્વિક સ્તરે રોજગારનો અંદાજ વધુ સારો રહેશે.

જાન્યુઆરી-માર્ચ 2025માં નવી નોકરીઓનું સર્જન થશે, જે બેરોજગારોને વધુ સારા વિકલ્પો પ્રદાન કરશે. મેનપાવરગ્રુપના એમ્પ્લોયમેન્ટ આઉટલુક સર્વેમાં લગભગ 3000 કંપનીઓનો સમાવેશ કરવામાં આવ્યો હતો. જેમાંથી 53 ટકા કંપનીઓના મેનેજમેન્ટનું કહેવું છે કે તેઓ નવા વર્ષની શરૂઆતમાં મોટી સંખ્યામાં કર્મચારીઓની નિમણૂક કરવા જઈ રહ્યા છે.

એવું પણ બહાર આવ્યું છે કે સર્વેમાં સામેલ લગભગ 13 ટકા કંપનીઓના મેનેજમેન્ટે જણાવ્યું હતું કે તેઓ વર્ષના પ્રથમ ક્વાર્ટરમાં કર્મચારીઓની છટણી કરી શકે છે. આ સિવાય એવી પણ કંપનીઓ છે જે ન તો કર્મચારીઓની નિમણૂક કરવાની કે છટણી કરવાની યોજના બનાવી રહી છે. આવી કંપનીઓની સંખ્યા 31 ટકા છે.

દેશ વિકાસની દિશામાં ઝડપથી આગળ વધી રહ્યો છે. દરેક ક્ષેત્રનો વિકાસ થઈ રહ્યો છે. સરકાર દ્વારા ખર્ચમાં પણ વધારો કરવામાં આવી રહ્યો છે, કંપનીઓને નવા ઓર્ડર આવી રહ્યા છે. આ તમામ કારણોને લીધે રોજગારની માંગ વધી રહી છે.

નવા વર્ષમાં ભારતમાં અન્ય દેશોની સરખામણીમાં સૌથી વધુ નોકરીઓનું સર્જન થવા જઈ રહ્યું છે. મેનપાવરગ્રુપના ભારત અને પશ્ચિમ એશિયાના મેનેજિંગ ડિરેક્ટર સંદીપ ગુલાટીએ પણ આ અંગે માહિતી આપી હતી.

તેમનું કહેવું છે કે ભારત એક ઉભરતી અર્થવ્યવસ્થા ધરાવતો દેશ છે, જે ઝડપથી વિકાસ કરી રહ્યો છે. વર્ષના પ્રથમ ક્વાર્ટરમાં વૈશ્વિક સ્તરે દેશની સ્થિતિ મજબૂત રહેશે.