Corona Cases India: દેશમાંથી કોરોનાના વળતા પાણી, માર્ચ 2020 બાદ છેલ્લા 24 કલાકમાં એક પણ મોત નહીં
India Corona Update: માર્ચ 2020 પછી પ્રથમ વખત છેલ્લા 24 કલાકમાં કોરોનાના કારણે એક પણ મોત થયું નથી. મૃત્યુઆંક 5,30,509 પર છે.
India Corona Cases: ભારતમાં છેલ્લા 24 કલાકમાં કોરોના વાયરસના સંક્રમણના 625 નવા કેસ નોંધાયા છે. જેની સાથે દેશમાં અત્યાર સુધીમાં સંક્રમિત લોકોની સંખ્યા વધીને 4,46,62,141 થઈ ગઈ છે. છેલ્લા 24 કલાકમાં ચેપને કારણે કોઈનું મોત થયું નથી.
મંગળવારે કેન્દ્રીય આરોગ્ય મંત્રાલય દ્વારા જાહેર કરવામાં આવેલા આંકડા અનુસાર, 9 એપ્રિલ, 2020 પછી દેશમાં નોંધાયેલા આ સૌથી ઓછા દૈનિક કેસ છે, તે દિવસે 540 કેસ નોંધાયા હતા. માર્ચ 2020 પછી પ્રથમ વખત છેલ્લા 24 કલાકમાં કોરોનાના કારણે એક પણ મોત થયું નથી. મૃત્યુઆંક 5,30,509 પર છે.
ડેટા અનુસાર, દેશમાં સારવાર હેઠળ કોરોના વાયરસથી સંક્રમિત દર્દીઓની સંખ્યા 14,515 થી ઘટીને 14,021 પર આવી ગઈ છે, જે કુલ કેસના 0.03 ટકા છે. દર્દીઓનો રાષ્ટ્રીય સ્વસ્થ થવાનો દર વધીને 98.78 ટકા થયો છે.
દેશમાં અત્યાર સુધીમાં કુલ 4,41,17,611 લોકો કોરોના મુક્ત થયા છે, જ્યારે કોવિડ-19થી મૃત્યુદર 1.19 ટકા છે. તે જ સમયે, દેશવ્યાપી રસીકરણ અભિયાન હેઠળ અત્યાર સુધીમાં કોવિડ-19 વિરોધી રસીના 219.74 કરોડ ડોઝ આપવામાં આવ્યા છે.
નોંધપાત્ર વાત એ છે કે, 7 ઓગસ્ટ 2020ના રોજ ભારતમાં કોરોના વાયરસથી સંક્રમિતોની સંખ્યા 20 લાખ, 23 ઓગસ્ટ 2020ના રોજ 30 લાખ અને 5 સપ્ટેમ્બર 2020ના રોજ 40 લાખથી વધુ થઈ ગઈ હતી. ચેપના કુલ કેસ 16 સપ્ટેમ્બર 2020ના રોજ 50 લાખ, 28 સપ્ટેમ્બર 2020ના રોજ 60 લાખ, 11 ઓક્ટોબર 2020ના રોજ 70 લાખ, 29 ઓક્ટોબર 2020ના રોજ 80 લાખ અને 20 નવેમ્બરના રોજ 90 લાખને વટાવી ગયા હતા.
19 ડિસેમ્બર 2020 ના રોજ, દેશમાં આ કેસ એક કરોડને વટાવી ગયા હતા. ગયા વર્ષે, 4 મેના રોજ, સંક્રમિતોની સંખ્યા 2 કરોડને વટાવી ગઈ હતી અને 23 જૂન, 2021 ના રોજ, તે 3 કરોડને વટાવી ગઈ હતી. આ વર્ષે 25 જાન્યુઆરીએ ચેપના કુલ કેસ 4 કરોડને વટાવી ગયા હતા.
#LargestVaccineDrive #Unite2FightCorona #AmritMahotsav@PMOIndia @mansukhmandviya @DrBharatippawar @PIB_India @mygovindia @AmritMahotsav @COVIDNewsByMIB @DDNewslive @airnewsalerts pic.twitter.com/hQZx28pxmU
— Ministry of Health (@MoHFW_INDIA) November 8, 2022
ટ્રેન્ડિંગ સમાચાર
ટોપ સ્ટોરી
