દિલ્હીથી જયપુરનું ભાડું 88,૦૦૦, ઇન્ડિગો સંકટને કારણે એરલાઇન્સે ટિકિટના ભાવમાં કર્યો વધારો
Indigo Flight Crisis :ઇન્ડિગો એરલાઇન્સ ગંભીર સંકટનો સામનો કરી રહી છે. તેની ફ્લાઇટ્સ રદ કરવામાં આવી છે. આ સમયે તકનો લાભ લેતા અન્ય એરલાઇન્સે ભાવ વધારી દીધા છે.
ઇન્ડિગોનું ટાઇમ ટેબલ ખોરવાતા અન્ય ફ્લાઇટ્સના ભાડામાં વધારો થયો છે. દિલ્હીથી જયપુરનું ભાડું વધીને ₹88,000 થયું છે. જ્યારે દિલ્હીથી લંડનની ટિકિટની કિંમત ફક્ત ₹27,000 છે. એરલાઇન્સે સ્થાનિક ફ્લાઇટ્સના ભાડામાં વધારો કર્યો છે.
ભારતીય ઉડ્ડયન ક્ષેત્ર હાલમાં તેના સૌથી ખરાબ સમયમાંથી પસાર થઈ રહ્યું છે. દેશની સૌથી મોટી એરલાઇન, ઇન્ડિગોની કટોકટીએ સામાન્ય વ્યક્તિ માટે હવાઈ મુસાફરીને ફરી મુશ્કેલ કરી દીધી છે. ટેકનિકલ અને ક્રૂની અછતને કારણે સેંકડો ફ્લાઇટ્સ રદ થઈ રહી છે, જેની સીધી અસર હવાઈ ભાડા પર પડી રહી છે. પરિસ્થિતિ એવી છે કે સ્થાનિક રૂટ પર ભાડા હવે લંડન અને પેરિસની ટિકિટ કરતાં વધુ મોંઘા છે.દિલ્હીથી જયપુરનું ભાડું વધીને ₹88,000 થયું છે. તો પટનાથી મુંબઇનું ભાડું 60 હજારને પાર થયું છે.
વિવિધ ટ્રાવેલ પોર્ટલ અને બુકિંગ વેબસાઇટ્સના તાજેતરના ડેટા અનુસાર, જે રૂટ પર ઇન્ડિગોનું પ્રભુત્વ હતું તે સૌથી વધુ સ્પર્ધાત્મક છે. ઇન્ડિગો સ્થાનિક બજારનો 60% થી વધુ હિસ્સો ધરાવે છે, તેથી તેની નબળાઈને કારણે સમગ્ર સિસ્ટમ પડી ભાંગી છે.
ઇન્ડિગો એરલાઇન્સ મુશ્કેલીઓનો સામનો કરી રહી છે. તેણે શુક્રવારે (5 ડિસેમ્બર) દિલ્હીથી બધી ફ્લાઇટ્સ રદ કરી છે. દિલ્હી અને ચેન્નાઈ તેમજ અન્ય ઘણા શહેરોથી ઇન્ડિગોની ફ્લાઇટ્સ રદ કરવામાં આવી છે. જેના કારણે એરપોર્ટ પર પહોંચતા મુસાફરોમાં હોબાળો મચી ગયો હતો, ક્યારેક ટેકનિકલ સમસ્યાઓના કારણે તો ક્યારેક ક્રૂ મેમ્બર્સની અછતના કારણે ઇન્ડિગોની ઘણી ફ્લાઇટ્સ પ્રભાવિત થઈ છે.
છેલ્લા બે દિવસમાં વિવિધ એરપોર્ટ પરથી 1,000 થી વધુ ફ્લાઇટ્સ રદ કરવામાં આવી છે, જેમાં બેંગલુરુમાં 102, મુંબઈમાં 104, દિલ્હીમાં 225, હૈદરાબાદમાં 92, શ્રીનગરમાં 10 અને પુણેમાં 22 ફ્લાઇટ્સનો સમાવેશ થાય છે. ઇન્ડિગો એરલાઇન્સે એક નિવેદન જારી કરીને જણાવ્યું હતું કે, "ખરાબ હવામાન, સિસ્ટમમાં ખામીઓ અને સ્ટાફ સંબંધિત નવા નિયમોને કારણે ફ્લાઇટ્સ પ્રભાવિત થઈ છે. "અસુવિધા માટે અમે દિલગીર છીએ," તેણે કહ્યું. "આગામી 48 કલાકમાં કામગીરી સંપૂર્ણપણે પુનઃસ્થાપિત કરવામાં આવશે."
મુસાફરોની અસુવિધાને ધ્યાનમાં રાખીને, નાગરિક ઉડ્ડયન મહાનિર્દેશાલય (DGCA) એ ઇન્ડિગોના અધિકારીઓને સમન્સ પાઠવ્યા છે. ઇન્ડિગોના અધિકારીઓ આજે DGCA અધિકારીઓ સાથે મુલાકાત કરશે. ફ્લાઇટ વિક્ષેપો ઘટાડવા માટે ઇન્ડિગોની શું યોજનાઓ છે? DGCA એ ઇન્ડિગોના અધિકારીઓ પાસેથી વિગતવાર માહિતી પણ માંગી છે જેથી સમસ્યાનું શક્ય તેટલું જલ્દી નિરાકરણ લાવી શકાય.
RGIA દ્વારા સોશિયલ મીડિયા પ્લેટફોર્મ પર પોસ્ટ કરાયેલ એક એડવાઇઝરીમાં કહેવામાં આવ્યું છે કે, "અમે જાણીએ છીએ કે RGIA ખાતે કેટલીક ઓપરેશનલ કારણોસર લેઇટ છે, એર લાઇન્સ ફરીથી સમયપત્રક બનાવી રહી છે. એરપોર્ટ પર અમારી ટીમો એરલાઇન્સ સાથે કામ કરી રહી છે જેથી તેઓ તેમના સંચાલનમાં મદદ કરી શકે અને મુસાફરોને સમયસર માહિતી અને માર્ગદર્શન આપી શકે."
ટોપ સ્ટોરી
ટ્રેન્ડિંગ સમાચાર
