Encounter in Doda: જમ્મુ કાશ્મીરના ડોડામાં ચાર આતંકી ઠાર થયાની આશંકા, એક કેપ્ટન શહીદ

જમ્મુ કાશ્મીરના ડોડા જિલ્લામાં આતંકવાદીઓ સાથેની અથડામણમાં ભારતીય સેનાનો એક કેપ્ટન શહીદ થયા હતા

ફોટોઃ સોશિયલ મીડિયા

Source : ફોટોઃ સોશિયલ મીડિયા

Doda Encounter:  જમ્મુ કાશ્મીરના ડોડા જિલ્લામાં બુધવારે (14 ઓગસ્ટ) આતંકવાદીઓ સાથેની અથડામણમાં ભારતીય સેનાનો એક કેપ્ટન શહીદ થયા હતા, જ્યારે ચાર આતંકવાદીઓ માર્યા ગયા હતા. પીટીઆઈ અનુસાર, અધિકારીઓએ કહ્યું છે કે એન્કાઉન્ટરમાં ચાર આતંકવાદીઓ માર્યા ગયાની શક્યતા છે. ડોડામાં શહીદ થયેલા કેપ્ટન 48 રાષ્ટ્રીય રાઈફલ્સના હતા. વ્હાઇટ નાઈટ કોર્પ્સે કહ્યું છે કે ભારે ગોળીબાર વચ્ચે આતંકવાદીઓની શોધ ચાલુ છે.

#WATCH | Doda, J&K: Indian Army and J&K police continue search operation in Akar forest

(Visuals deferred by unspecified time) pic.twitter.com/4wRKbnhiTD

— ANI (@ANI) August 14, 2024

સૂત્રોના જણાવ્યા અનુસાર, સુરક્ષા દળોને માહિતી મળી હતી કે જમ્મુના ઉધમપુર જિલ્લાના પટનીટોપ અને ડોડા જિલ્લાના અસારના સરહદી જંગલોમાં કેટલાક આતંકવાદીઓ છૂપાયા છે, ત્યારબાદ સર્ચ ઓપરેશન હાથ ધરવામાં આવ્યું હતું. મંગળવારે સાંજે 7:00 થી 8:00 વાગ્યાની વચ્ચે સુરક્ષા દળો એ રૂમ સુધી પહોંચી ગયા હતા જ્યાં આતંકીઓ આરામ કરી રહ્યા હતા. સૂત્રોના જણાવ્યા અનુસાર આતંકીઓએ ત્યાં હથિયારો અને દારૂગોળો રાખ્યો હતો.

J-K: Indian Army Captain killed in encounter with terrorists in Doda

Read @ANI Story l https://t.co/kpy5GCZfyu#dodaattack #terroristattack #jammuandkashmir pic.twitter.com/oJX2UB8BCl

— ANI Digital (@ani_digital) August 14, 2024

આતંકીઓ ભાગી ગયા હતા

સુરક્ષા દળોને જોઈને આતંકવાદીઓ સ્તબ્ધ થઈ ગયા અને ફાયરિંગ શરૂ કરી દીધું. સુરક્ષા દળોએ પણ જવાબી ગોળીબાર શરૂ કર્યો હતો. સુરક્ષાદળોથી ઘેરાયેલા જોઈને આતંકવાદીઓ ભાગી ગયા હતા. આતંકવાદીઓ તેમની એક M4 કાર્બાઈન અને કેટલાક દારૂગોળો છોડીને ગભરાઈને ભાગી ગયા હતા. સેનાના જવાનોએ ઘટના સ્થળેથી દારૂગોળો અને હથિયારો જપ્ત કર્યા છે.

વાસ્તવમાં જમ્મુ-કાશ્મીરમાં છેલ્લા કેટલાક સપ્તાહમાં આતંકવાદી ઘટનાઓમાં વધારો થયો છે. અત્યાર સુધી આતંકવાદી હુમલા મોટાભાગે ઘાટીમાં જોવા મળતા હતા, પરંતુ હવે જમ્મુમાં પણ આતંકવાદીઓ સક્રિય થયા છે. સેનાના કાફલા પર ઓચિંતો હુમલો કરવાની અને હુમલાની ઘણી ઘટનાઓ સામે આવી છે.

All Ranks of White Knight Corps salute the supreme sacrifice of Braveheart Captain Deepak Singh who succumbed to his injuries.

White Knight Corps offers its deepest condolences and stands firm with the bereaved family in this hour of grief. pic.twitter.com/TeAXKBYVK2

— ANI (@ANI) August 14, 2024

રક્ષા મંત્રીએ આતંકવાદી હુમલા અંગે બેઠક બોલાવી

જમ્મુ-કાશ્મીરમાં આતંકવાદીઓ દ્વારા સેના પર કરવામાં આવી રહેલા હુમલાઓને ધ્યાનમાં રાખીને સંરક્ષણ પ્રધાન રાજનાથ સિંહે બુધવારે (14 ઓગસ્ટ) એક બેઠક યોજી હતી. રાષ્ટ્રીય સુરક્ષા સલાહકાર (NSA) અજીત ડોભાલ અને આર્મી ચીફ જનરલ ઉપેન્દ્ર દ્વિવેદીએ પણ તેમાં ભાગ લીધો હતો. આ સિવાય ડીજીએમઓ અને સુરક્ષા એજન્સીઓના ઉચ્ચ અધિકારીઓએ બેઠકમાં ભાગ લીધો હતો.