પીએમ યોજના હેઠળ આધાર કાર્ડથી લોન આપવામાં આવે છે? જાણો મોદી સરકારે શું કહ્યું......

આ અંતર્ગત લાભાર્થીઓને 2 ટકાના દરે લોન આપવામાં આવી રહી છે. આ મેસેજમાં લોન લેનારાઓને આપવામાં આવતા વાર્ષિક વ્યાજ પર 50 ટકા સુધીની માફી અંગે પણ વાત કરવામાં આવી છે.

પ્રતિકાત્મક તસવીર

નવી દિલ્હી: સોશિયલ મીડિયા પર સરકારી યોજનાને લઈને ઘણા ભ્રામક મેસેજ અને વીડિયો વાયરલ થઈ રહ્યા છે. પીએમના નામે કેન્દ્ર સરકાર અનેક યોજનાઓ ચલાવી રહી છે. આનો ફાયદો ઉઠાવીને કેટલાક લોકો લોકોને ગેરમાર્ગે દોરવા માટે સોશિયલ મીડિયા પર અનેક પ્રકારના ફેક મેસેજ વાયરલ કરી રહ્યા છે. આવો જ એક મેસેજ સોશિયલ મીડિયા પર વાયરલ થઈ રહ્યો છે. જેમાં લોન આપવામાં આવી રહી છે.

સોશિયલ મીડિયા પર એક મેસેજ વાયરલ થઈ રહ્યો છે. જેમાં કહેવામાં આવી રહ્યું છે કે પીએમ યોજના હેઠળ આધાર કાર્ડથી લોન આપવામાં આવી રહી છે. આ અંતર્ગત લાભાર્થીઓને 2 ટકાના દરે લોન આપવામાં આવી રહી છે. આ મેસેજમાં લોન લેનારાઓને આપવામાં આવતા વાર્ષિક વ્યાજ પર 50 ટકા સુધીની માફી અંગે પણ વાત કરવામાં આવી છે. આ મેસેજ સાથે એક લિંક આપવામાં આવી છે. જેના પર તમને રજીસ્ટ્રેશન કરવા માટે કહેવામાં આવી રહ્યું છે.

વાયરલ થઈ રહેલા આ મેસેજને લઈને PIB ફેક્ટ ચેકે ટ્વિટ કર્યું અને લખ્યું કે, શું તમને PM સ્કીમ હેઠળ આધાર કાર્ડથી લોન આપવામાં આવી રહી હોવાના મેસેજ પણ મળી રહ્યાં છે? #PIBFactCheck PM સ્કીમ હેઠળ આધાર કાર્ડથી લોન આપવાનો દાવો ખોટો છે. આ છેતરપિંડી કરવાનો પ્રયાસ હોઈ શકે છે. આવા ફેક મેસેજ શેર ન કરો. આવી છેતરપિંડીથી બચવાની સલાહ આપવામાં આવે છે.

क्या आपके पास भी पीएम योजना के तहत आधार कार्ड से लोन दिए जाने के मैसेज आ रहे हैं?#PIBFactCheck

▶️ यह मैसेज #फर्जी है।

▶️ यह ठगी का एक प्रयास हो सकता है।

▶️ ऐसे फर्जी मैसेज को साझा ना करें। pic.twitter.com/t44xfmUjPv

— PIB Fact Check (@PIBFactCheck) March 31, 2022

નકલી સમાચારનો સામનો કરવા માટે, પ્રેસ ઇન્ફર્મેશન બ્યુરો (PIB) એ કેન્દ્ર સરકારના મંત્રાલયો, વિભાગો અને યોજનાઓ વિશેના સમાચારોની ચકાસણી કરવા માટે PIB ફેક્ટ ચેક ટીમ તરીકે ઓળખાતા 'ફેક્ટ ચેકિંગ યુનિટ'ની રચના કરી છે. તમે PIB ફેક્ટ ચેક ટીમ દ્વારા ચેક કરાયેલા કોઈપણ મેસેજની સત્યતા પણ મેળવી શકો છો. આ અંતર્ગત મીડિયામાં સરકાર અને સરકારી યોજનાઓ સાથે જોડાયેલા સમાચારોની સત્યતા જાણવામાં આવે છે. જો તમારી પાસે પણ કોઈ શંકાસ્પદ સમાચાર હોય તો તમે તેને factcheck.pib.gov.in અથવા whatsapp નંબર +918799711259 અથવા ઈમેલ: pibfactcheck@gmail.com પર મોકલી શકો છો.