Mumbai : ગુજરાત ATSએ કરી તિસ્તા સેતલવાડની અટકાયત, NGOના કેસમાં કાર્યવાહીની સંભાવના
Teesta Setalvad detained : ગુજરાત ATS તિસ્તા સેતલવાડની ધરપકડ કરી શકે છે.
Mumbai : ગુજરાત ATSની ટીમ મુંબઈમાં તિસ્તા સેતલવાડના ઘરે પહોંચી છે. એવું કહેવામાં આવી રહ્યું છે કે NGOના ફંડિંગ કેસમાં તિસ્તા સેતલવાડ વિરુદ્ધ કાર્યવાહી થઇ શકે છે. ગુજરાત ATS તિસ્તા સેતલવાડની અટકાયત કરી છે. મળતી માહિતી મુજબ ગુજરાત ATS તિસ્તાને શાંતક્રુઝ પોલીસ સ્ટેશન લઇ ગઈ છે.
Gujarat ATS team reaches Teesta Setalvad's residence in Mumbai related to a case on her NGO pic.twitter.com/N2hkuqPG00
— ANI (@ANI) June 25, 2022
ઝાકિયા જાફરીની લાગણીનો દુરુપયોગ કર્યો : સુપ્રીમ કોર્ટ
સુપ્રીમ કોર્ટે કહ્યું કે તિસ્તા સેતલવાડે ગુજરાત રમખાણોના કેસમાં ઝાકિયા જાફરીની લાગણીનો દુરુપયોગ કર્યો હતો. કાર્યકર્તા તિસ્તા સેતલવાડે અરજદાર ઝાકિયા જાફરીની ભાવનાઓનો "અંતર્ગત હેતુઓ" માટે દુરુપયોગ કર્યો હતો.
જસ્ટિસ એએમ ખાનવિલકરની આગેવાની હેઠળની ત્રણ જજોની બેન્ચે શુક્રવારે કહ્યું હતું કે ઝાકિયા જાફરીની અરજીમાં કોઈ યોગ્યતા નથી અને ગુજરાત મેજિસ્ટ્રેટ દ્વારા SITના અહેવાલને સ્વીકારતા 2012ના આદેશને યથાવત રાખ્યો છે.
સુપ્રીમ કોર્ટે કહ્યું કે તિસ્તા સેતલવાડ પર વધુ તપાસની જરૂર છે કારણ કે તે આ કેસમાં ઝાકિયા જાફરીની લાગણીનો ઉપયોગ પોતાના ફાયદા માટે કરી રહી છે.
તિસ્તાએ રમખાણ પીડિતોના દાનની ઉચાપત કરી
અગાઉ, ગુજરાત સરકારે કહ્યું હતું કે સેતલવાડ જેમણે પોતે રમખાણો પીડિતોના કલ્યાણ માટે દાનમાં આપેલા નાણાંની ઉચાપત કરી હતી, તે જાફરીની અરજી પાછળ હતો.ઝાકિયા જાફરીના પતિ અને કોંગ્રેસના ભૂતપૂર્વ સાંસદ એહસાન જાફરી ગોધરા ટ્રેનની ઘટનાના એક દિવસ પછી હિંસામાં માર્યા ગયેલા 68 લોકોમાં સામેલ હતા.
સાબરમતી એક્સપ્રેસના S-6 કોચને ગોધરા ખાતે સળગાવી દેવામાં આવ્યો હતો, જેમાં 59 લોકો માર્યા ગયા હતા અને 2002માં ગુજરાતમાં રમખાણો ભડક્યા હતા.
ટ્રેન્ડિંગ સમાચાર
ટોપ સ્ટોરી
