વિદેશથી ભારત આવો છો? જાણો બેગમાં કેટલા તોલા સોનાના દાગીના ટેક્સ વગર લાવવાની છૂટ છે, આજથી નિયમો બદલાયા
મુસાફરો માટે સારા સમાચાર. ₹75,000 સુધીનો સામાન ડ્યુટી ફ્રી. મહિલાઓ 40 ગ્રામ સોનું લાવી શકશે. 18+ ઉંમરના લોકોને લેપટોપ લાવવાની પણ છૂટ.
Baggage Rules 2026 India: વિદેશ પ્રવાસ ખેડતા અને ભારત પરત ફરતા મુસાફરો તેમજ એનઆરઆઈ (NRIs) માટે અત્યંત રાહતના સમાચાર છે. કેન્દ્ર સરકારે હવાઈ કે સમુદ્ર માર્ગે ભારત આવતા પ્રવાસીઓ માટે સામાનના નિયમોમાં મોટા અને સકારાત્મક ફેરફારો કર્યા છે. 'સેન્ટ્રલ બોર્ડ ઓફ ઇન્ડાયરેક્ટ ટેક્સીસ એન્ડ કસ્ટમ્સ' (CBIC) દ્વારા બહાર પાડવામાં આવેલા 'બેગેજ નિયમો, 2026' આજથી એટલે કે 2 February, 2026 થી સત્તાવાર રીતે અમલમાં આવી ગયા છે. આ નવા નિયમોએ જૂના 2016 ના કાયદાનું સ્થાન લીધું છે.
સરકારે સૌથી મોટી રાહત આપતા વ્યક્તિગત વપરાશની વસ્તુઓ પરની કર મુક્તિ મર્યાદા (Duty-Free Limit) વધારી દીધી છે. ભારતીય રહેવાસીઓ કે ભારતીય મૂળના લોકો હવે ₹75,000 સુધીની કિંમતની વસ્તુઓ ડ્યુટી ભર્યા વગર સાથે લાવી શકશે. ઉલ્લેખનીય છે કે અગાઉ આ મર્યાદા ₹50,000 હતી. જ્યારે ટુરિસ્ટ વિઝા પર આવતા વિદેશી નાગરિકો માટે આ મર્યાદા ₹15,000 થી વધારીને ₹25,000 કરવામાં આવી છે.
સોનાના દાગીનાના શોખીનો માટે પણ નિયમો હળવા થયા છે. જો કોઈ ભારતીય મુસાફર 1 Year (એક વર્ષ) થી વધુ સમયથી વિદેશમાં રહેતો હોય, તો તે પરત ફરતી વખતે ડ્યુટી ફ્રી સોનું લાવી શકે છે. નવા નિયમ મુજબ, મહિલા મુસાફરો મહત્તમ 40 Grams સુધીના અને પુરુષ મુસાફરો મહત્તમ 20 Grams સુધીના દાગીના (Jewellery) કોઈપણ ટેક્સ ચૂકવ્યા વિના સાથે લાવી શકશે.
જોકે, મુસાફરોએ અહીં ખાસ ધ્યાન રાખવું જરૂરી છે કે આ છૂટ માત્ર સોનાના દાગીના (Jewellery) માટે જ છે. જો તમે સોનાના બિસ્કિટ, બાર (Bars) કે કાચું સોનું સાથે લાવશો તો તેના પર તમારે નિયમ મુજબ પૂરેપૂરી કસ્ટમ ડ્યુટી ચૂકવવી પડશે. આમાં કોઈ રાહત આપવામાં આવી નથી.
આજના ડિજિટલ યુગમાં લેપટોપની જરૂરિયાતને ધ્યાને રાખીને પણ મોટો નિર્ણય લેવાયો છે. નવા નિયમો મુજબ, 18 વર્ષ કે તેથી વધુ ઉંમરના દરેક મુસાફર (ફ્લાઈટના ક્રૂ મેમ્બર્સ સિવાય) એક નવું લેપટોપ (Laptop) અથવા નોટપેડ કોઈપણ જાતની કસ્ટમ ડ્યુટી ચૂકવ્યા વગર સાથે લાવી શકશે. આનાથી વિદ્યાર્થીઓ અને પ્રોફેશનલ્સને મોટો ફાયદો થશે.
મુસાફરોએ કેટલીક શરતોનું પણ પાલન કરવું પડશે. જેમ કે, 'પૂલિંગ' (Pooling) એટલે કે બે કે વધુ મુસાફરો પોતાની ડ્યુટી-ફ્રી લિમિટ ભેગી કરી શકશે નહીં. દરેક મુસાફરની લિમિટ અલગ અલગ જ ગણવામાં આવશે. ઉપરાંત, આ લિમિટમાં દારૂ, સિગારેટ કે સોના-ચાંદીના બારનો સમાવેશ થતો નથી, તેના માટેના નિયમો અલગ છે.
છેલ્લે, વિદેશી ચલણ (Currency) લાવવાના નિયમોમાં કોઈ ફેરફાર કરવામાં આવ્યો નથી. તે 'ફેમા' (FEMA) ના કાયદા હેઠળ યથાવત રહેશે. સરકારના આ નવા પગલાનો મુખ્ય હેતુ એરપોર્ટ પર મુસાફરોને થતી કસ્ટમ્સની કડાકૂટ ઘટાડવાનો અને આંતરરાષ્ટ્રીય મુસાફરીને વધુ સરળ બનાવવાનો છે.
ટોપ સ્ટોરી
ટ્રેન્ડિંગ સમાચાર
