ભારતે બેલિસ્ટિક મિસાઈલ અગ્નિ પ્રાઈમનું પરીક્ષણ કર્યું, 2 હજાર કિલોમીટર સુધી લક્ષ્યને ભેદવામાં સક્ષમ

ભારતે શુક્રવારે (21 ઓક્ટોબર) ઓડિશાના દરિયાકાંઠે સ્વદેશી રીતે વિકસિત નવી પેઢીની મધ્યમ-અંતરની બેલિસ્ટિક મિસાઇલ 'અગ્નિ પ્રાઇમ'નું સફળતાપૂર્વક પરીક્ષણ કર્યું.

અગ્નિ પ્રાઈમ

Agni Prime New Generation Ballistic Missile: ભારતે શુક્રવારે (21 ઓક્ટોબર) ઓડિશાના દરિયાકાંઠે સ્વદેશી રીતે વિકસિત નવી પેઢીની મધ્યમ-અંતરની બેલિસ્ટિક મિસાઇલ 'અગ્નિ પ્રાઇમ'નું સફળતાપૂર્વક પરીક્ષણ કર્યું. સંરક્ષણ સંશોધન અને વિકાસ સંગઠન (DRDO)ના સૂત્રોએ આ માહિતી આપી. તેમણે કહ્યું કે એપીજે અબ્દુલ કલામ દ્વીપ સ્થિત મોબાઈલ લોન્ચરથી સવારે 9:45 કલાકે મિસાઈલ છોડવામાં આવી હતી. સૂત્રોએ જણાવ્યું કે ઘન ઈંધણવાળી મિસાઈલે પરીક્ષણ દરમિયાન નિર્ધારિત તમામ માપદંડો હાંસલ કર્યા છે.

અધિકારીઓએ જણાવ્યું હતું કે મિસાઈલના સમગ્ર માર્ગ પર રડાર દ્વારા નજર રાખવામાં આવી હતી અને વિવિધ સ્થળોએ ટેલિમીટરિંગ સાધનો સ્થાપિત કરવામાં આવ્યા હતા. તેમણે કહ્યું કે આ મિસાઈલ એક હજારથી બે હજાર કિલોમીટર સુધીના લક્ષ્યને નિશાન બનાવી શકે છે. સૂત્રોએ જણાવ્યું કે આ મિસાઈલનું છેલ્લું પરીક્ષણ 18 ડિસેમ્બરે એપીજે અબ્દુલ કલામ આઈલેન્ડ પરથી જ કરવામાં આવ્યું હતું, જે સફળ રહ્યું હતું.

પહેલા પણ થયા બે પરીક્ષણ 

અધિકારીઓએ જણાવ્યું કે આ મિસાઈલ સ્વદેશી અગ્નિ મિસાઈલનું અપગ્રેડ વર્ઝન છે. આ મિસાઈલ પરીક્ષણ દરમિયાન, તેણે તેની મહત્તમ રેન્જમાં ચોક્કસ લક્ષ્ય પર ફાયરિંગ કર્યું. અગાઉ આ મિસાઈલનું બે પરીક્ષણ કરવામાં આવ્યું હતું. આ તેનું ત્રીજું પરીક્ષણ હતી. જેમાં સફળ પરીક્ષણ થયું છે. અગ્નિ પ્રાઇમ ડબલ સ્ટેજ અને સોલિડ ફ્યૂલ પર આધારિત મિસાઇલ છે. તે અદ્યતન રીંગ લેસર ગેરૌસ્કોપ પર આધારિત નેવિગેશન સિસ્ટમ દ્વારા માર્ગદર્શન આપે છે. તેની માર્ગદર્શિત સિસ્ટમ સંપૂર્ણપણે ઇલેક્ટ્રો મિકેનિકલ એક્ટ્યુએટરથી સજ્જ છે.

પરમાણુ શક્તિથી સજ્જ

અગ્નિ પ્રાઈમ મિસાઈલ એક હજારથી બે હજાર કિમીની રેન્જમાં લક્ષ્યાંકને મારવામાં સંપૂર્ણ રીતે સક્ષમ છે. આ સિવાય અગ્નિ પ્રાઇમ મિસાઇલ MIRV (મલ્ટીપલ ઇન્ડિપેન્ડન્ટલી ટાર્ગેટેબલ ટીનટ્રી વ્હીકલ) ટેક્નોલોજીથી પણ સજ્જ છે. જે તેની કાર્યક્ષમતામાં વધુ વધારો કરે છે. આ મિસાઈલની આ ટેક્નોલોજી તેને એકસાથે અનેક પરમાણુ હથિયારો લઈ જવામાં સક્ષમ બનાવે છે, જેના દ્વારા અલગ-અલગ લક્ષ્યોને હિટ કરી શકાય છે.

અત્યાર સુધી ભારતમાં અગ્નિ મિસાઈલ સિસ્ટમના અનેક વર્ઝન બનાવવામાં આવ્યા છે. અગ્નિ મિસાઈલ એક બેલેસ્ટિક મિસાઈલ છે જેની ડિઝાઈન અને ડેવલપમેન્ટ ભારતમાં કરવામાં આવી છે. તે પરમાણુ ક્ષમતાથી પણ સજ્જ છે. આ સિવાય આ બેલેસ્ટિક મિસાઈલ સપાટીથી સપાટી પર માર કરવામાં પણ સક્ષમ છે.