સંસદ ભવન પરિસરમાં હવે ધરણા, ભૂખ હડતાળ કરવા પર પ્રતિબંધ, કોગ્રેસે કહ્યુ- D(h)arna Mana Hai!

રાજ્યસભા સાંસદ અને કોંગ્રેસના વરિષ્ઠ નેતા જયરામ રમેશે પણ આ અંગે ટ્વિટ કર્યું હતું.

ફાઇલ તસવીર

શું હવે સંસદ ભવન પરિસરમાં વિરોધ પ્રદર્શનો પર પ્રતિબંધ રહેશે?  આ સંબંધમાં એક આદેશને શેર કરતા કોગ્રેસે મોદી સરકારને ઘેરી હતી. જાહેર કરાયેલા આદેશ અનુસાર, કોઈપણ સભ્ય સંસદ ભવન પરિસરમાં ધરણા, હડતાળ, ભૂખ હડતાલ કરી શકશે નહીં. આ સાથે ત્યાં કોઈ ધાર્મિક કાર્યક્રમ પણ યોજાશે નહીં. આ નિર્ણયને લઈને વિપક્ષ ગુસ્સામાં છે.

Vishguru's latest salvo — D(h)arna Mana Hai! pic.twitter.com/4tofIxXg7l

— Jairam Ramesh (@Jairam_Ramesh) July 15, 2022

રાજ્યસભા સાંસદ અને કોંગ્રેસના વરિષ્ઠ નેતા જયરામ રમેશે પણ આ અંગે ટ્વિટ કર્યું હતું. ઓર્ડરની કોપી શેર કરતાં તેમણે લખ્યું, 'વિષગુરુનું નવું કાર્ય- D(h)arna પ્રતિબંધિત છે.

સંસદના ચોમાસા સત્ર અગાઉ આ બીજો વિવાદ પેદા થયો છે. આ અગાઉ લોકસભા સચિવાલય દ્વારા જાહેર કરાયેલા એક લિસ્ટ પર વિવાદ શાંત થયો નથી. જેમાં અનેક શબ્દોને અસંસદીય શબ્દો કહીને પ્રતિબંધ મુકવામાં આવ્યો છે, મતલબ કે આ શબ્દો લોકસભા અને રાજ્યસભામાં બોલી શકાશે નહીં.

બાદમાં એવી સ્પષ્ટતા પણ કરવામાં આવી હતી કે લોકસભા સચિવાલય અસંસદીય શબ્દોની સૂચિમાં આવા શબ્દોનો સમાવેશ કરે છે, જેને લોકસભા, રાજ્યસભા અથવા રાજ્ય વિધાનસભાઓ અને વિધાન પરિષદો દ્વારા કાર્યવાહીમાંથી દૂર કરવામાં આવે છે. આ વખતે બહાર પાડવામાં આવેલી યાદીમાં 2021માં બિનસંસદીય હોવાનું કહીને હટાવેલા શબ્દો ઉમેરવામાં આવ્યા છે.