Chhota Udepur: નઘરોળ તંત્રના પાપે મહિલાનો જીવ જોખમમાં મુકાયો, પરિવારે સગર્ભાને ઝોળીમાં બેસાડી અડધો કિમી ચાલીને 108 સુધી પહોંચાડી
Gujarat Rain Update: છેલ્લા ઘણી દિવસથી ગુજરાતમાં ભારે વરસાદ પડી રહ્યો છે. ખાસ કરીને મધ્ય ગુજરાત અને દક્ષિણ ગુજરાતમાં સ્થિતિ વધારે વણસી છે. ભારે વરસાદને કારણે લાખો લોકોનું જીવન પ્રભાવિત થયું છે.
Gujarat Rain Update: છેલ્લા ઘણી દિવસથી ગુજરાતમાં ભારે વરસાદ પડી રહ્યો છે. ખાસ કરીને મધ્ય ગુજરાત અને દક્ષિણ ગુજરાતમાં સ્થિતિ વધારે વણસી છે. ભારે વરસાદને કારણે લાખો લોકોનું જીવન પ્રભાવિત થયું છે. સૌથી ખરાબ હાલત બિમાર લોકોની છે. રોડ રસ્તા ખરાબ હોવાથી અને વાહન વ્યવહાર ખોરાવાવાના કારણે સમયસર હોસ્પિટલે પહોંચી શકતા નથી. આવી ઘટમા સામે આવી છે છોટાઉદેપુર ખાતે, જ્યાં નસવાડીના ડુંગર વિસ્તારમાં ભારે વરસાદ બાદ અનેક રસ્તાઓ પાણીથી ભરાઈ ગયા છે.
છોટા ઉદેપુરના આમતા ગામે સગર્ભાને ઝોળીમાં બેસાડી અડધો કિલોમીટર લઈ જઈ 108 સુધી પહોંચાડવામાં આવી હતી. રોડ ઉપર માટીના થર જામી જતા 108 ગામ સુધી પહોંચી શકી નહોતી. જેના કારણે પરિજનો સગર્ભાને ઝોળીમાં બેસાડી 108 સુધી લઈ ગયા હતા. તો બીજી તરફ ચાર દિવસ બાદ પણ પ્રશાસને રસ્તા સાફ કરવાની કામગીરીના કરતા લોકોને હાલાકીનો સામનો કરવો પડી રહ્યો છે.
છેલ્લા 24 કલાકમાં રાજ્યમાં 219 તાલુકામાં વરસ્યો વરસાદ
ગાંધીનગરઃ ગુજરાતમાં મેઘમહેર યથાવત છે. અનેક જિલ્લાઓમાં ભારે વરસાદના કારણે સ્થિતિ વણસી છે. છેલ્લા 24 કલાકમાં રાજ્યના તમામ જિલ્લાના 219 તાલુકામાં વરસાદ વરસ્યો હતો. જેમાં સૌથી વધુ કપરાડામાં સવા 10 ઈંચ ખાબક્યો હતો. તે સિવાય ચીખલીમાં 10 ઈંચ વરસાદ વરસ્યો હતો. તે સિવાય ગીર સોમનાથના સૂત્રાપાડામાં પોણા દસ ઇંચ, વલસાડના ધરમપુરમાં સાડા આઠ ઇંચ, નવસારી તાલુકામાં સવા આઠ ઇંચ, નવસારીના જલાલપોરમાં સાડા સાત ઇંચ, વાંસદામાં સાડા છ ઇંચ, ખેરગામમાં સાડા છ ઇંચ વરસાદ વરસ્યો હતો.
ઉપરાંત તાપીના ડોલવણમાં સવા છ ઇંચ, વલસાડના વાપીમાં સવા છ ઇંચ, પારડીમાં સાડા પાંચ ઇંચ, ડાંગના વઘઇમાં સવા પાંચ ઇંચ, જૂનાગઢના માણાવદરમાં સવા પાંચ ઇંચ, ગીર સોમનાથના તાલાલામાં પાંચ ઇંચ, પોરબંદરના કુતિયાણામાં પાંચ ઇંચ, તાપીના વ્યારામાં પોણા પાંચ ઇંચ, પોરબંદરના રાણાવાવમાં સવા ચાર ઇંચ, સુરતના ચોર્યાસીમાં સવા ચાર ઇંચ, ગીર સોમનાથના વેરાવળમાં સવા ચાર ઇંચ, સુરતના બારડોલીમાં સવા ચાર ઇંચ, જૂનાગઢના માળિયામાં પોણા ચાર ઇંચ, તાપીના વાલોડ અને વલસાડ તાલુકામાં પોણા ચાર ઇંચ વરસાદ વરસ્યો હતો. વલસાડના ઉમરગામમાં સાડા ત્રણ ઇંચ, અમરેલીના ખાંભામાં ત્રણ ઇંચ, સાબરકાંઠાના વિજયનગરમાં ત્રણ ઇંચ, સુરતના મહુવા, જૂનાગઢના વંથલી, રાજકોટના જેતપુરમાં પોણા ત્રણ ઇંચ વરસાદ ખાબક્યો હતો.
ગીર સોમનાથના કોડીનાર, પોરબંદર તાલુકામાં, સુરતના પલસાણામાં, ડાંગના આહવામાં, ભાવનગરના જેસરમાં, ગીર સોમનાથના ઉનામાં સવા બે ઇંચ વરસાદ વરસ્યો હતો. રાજુલા, વડીયા, ડીસામાં બે-બે ઇંચ વરસાદ વરસ્યો હતો. ભેસાણ, જામકંડોરણા, કામરેજ, સુઇગામ, સુરત શહેર, મેંદરડા, સાવરકુંડલા, વાંકાનેર, વડગામ, ભિલોડા, જૂનાગઢ તાલુકામાં દોઢ-દોઢ ઇંચ વરસાદ વરસ્યો હતો. વિસાવદર, બોરસદ, સાંતલપુર, માંડવી, જાફરાબાદ, કરજણ, કડાણા, વાગરા, રાજકોટ, ધારી, નેત્રંગ, માંડલ, દાંતા, થરાદ, પોસીનામાં એક-એક ઇંચ વરસાદ વરસ્યો હતો.
ટોપ સ્ટોરી
ટ્રેન્ડિંગ સમાચાર
