Jammu Kashmir Election Results LIVE 2024: મેહરાજ મલિક જમ્મુ-કાશ્મીરમાં આમ આદમી પાર્ટીનું ખાતું ખોલાવ્યું
Jammu Kashmir Election Results LIVE 2024: જમ્મુ-કાશ્મીરની 90 વિધાનસભા બેઠકો પર મતગણતરી શરૂ થઈ ગઈ છે. જમ્મુ-કાશ્મીરમાં 18 સપ્ટેમ્બર, 25 સપ્ટેમ્બર અને 1 ઓક્ટોબરે ત્રણ તબક્કામાં મતદાન થયું હતું.
Background
Jammu Kashmir Election Results LIVE 2024:ચૂંટણી પરિણામોના પરિણામો તમામ પક્ષોની પ્રતિષ્ઠા સાથે જોડાયેલા છે. ખાસ કરીને કલમ 370 હટાવ્યા બાદ પહેલીવાર યોજાઈ રહેલી ચૂંટણીમાં ભાજપની પ્રતિષ્ઠા દાવ પર લાગી છે. જો ભાજપ નહીં જીતે તો કોંગ્રેસ સહિત કાશ્મીર કેન્દ્રિત પક્ષોને આ મુદ્દે કેન્દ્ર સરકાર સામે અવાજ ઉઠાવવાની તક મળી શકે છે. આ સાથે ગુલામ નબી આઝાદની પાર્ટી ડેમોક્રેટિક પ્રોગ્રેસિવ આઝાદ પાર્ટી, અપની પાર્ટી, એન્જિનિયર રાશિદની પાર્ટી, પીપલ્સ કોન્ફરન્સ તેમજ એનસી, પીડીપી અને કોંગ્રેસની વિશ્વસનીયતા પર સવાલ છે. પરિણામો જમાતના પ્રભાવનું પણ મૂલ્યાંકન કરશે કારણ કે જમાત સાથે સંકળાયેલા ઘણા લોકો અપક્ષ ઉમેદવાર તરીકે ચૂંટણી લડી રહ્યા છે.
જમ્મુ કાશ્મીરમાં AAPનું ખાતું ખૂલ્યુ, ડોડાથી 4500 મતથી વિજય
જમ્મુ-કાશ્મીર વિધાનસભાની ચૂંટણીના પરિણામો આવી રહ્યા છે. નેશનલ કોન્ફરન્સ અને કોંગ્રેસના ગઠબંધનને બહુમતી મળતી દેખાઈ રહી છે ત્યારે આમ આદમી પાર્ટી માટે પણ એક મોટા સમાચાર સામે આવ્યા છે. આમ આદમી પાર્ટીએ જમ્મુ કાશ્મીરમાં ખાતું ખોલ્યું છે. ડોડા સીટ પરથી આમ આદમી પાર્ટીના ઉમેદવાર મેહરાજ મલિકે બીજેપીના ગજય સિંહ રાણાને લગભગ 4500 વોટથી હરાવ્યા છે.
Jammu-Kashmir Election Result: એનસીને ભાજપ કરતાં ઓછા મત મળ્યા, પરંતુ મહત્તમ બેઠકો
જમ્મુ-કાશ્મીર ચૂંટણીમાં અત્યાર સુધીના ટ્રેન્ડમાં ભાજપને સૌથી વધુ મત મળ્યા છે. તેનાથી વિપરીત, ઓછા મત મળવા છતાં, નેશનલ કોન્ફરન્સના ઉમેદવારો મોટાભાગની બેઠકો પર આગળ છે. અત્યાર સુધીના ટ્રેન્ડમાં ભાજપને 26.49 ટકા વોટ મળ્યા છે, INCને 12.54 ટકા વોટ મળ્યા છે, નેશનલ કોન્ફરન્સને 23.14 ટકા વોટ મળ્યા છે, PDPને 8 ટકા વોટ મળ્યા છે, અપક્ષોને 24.74 ટકા વોટ મળ્યા છે અને અન્યને બાકીના વોટ મળ્યા છે.
ટોપ સ્ટોરી
ટ્રેન્ડિંગ સમાચાર
