Terror Attack: પાકિસ્તાન વિરૂદ્ધ મળ્યો મોટો પુરાવો,પહલગામ હુમલાનો આતંકી નીકળો Pak ફોર્સનો પૂર્વ કમાન્ડો
Jammu Kashmir Terror Attack: પહેલગામ આતંકી હુમલા માટે જવાબદાર ત્રણ આતંકીઓમાંથી એક હાશિમ મુસાનું પાકિસ્તાન કનેક્શન સામે આવ્યું છે. તે અગાઉ પાકિસ્તાન આર્મીના સ્પેશિયલ ફોર્સ એસએસજીના કમાન્ડો હતા.
Pahalgam Terror Attack: જમ્મુ અને કાશ્મીરના પહલગામમાં 22 એપ્રિલે થયેલા આતંકવાદી હુમલા માટે જવાબદાર તરીકે ઓળખાયેલા ત્રણ આતંકવાદીઓમાં આદિલ હુસૈન સાથે હાશિમ મુસા ઉર્ફે સુલેમાનનું નામ સામેલ છે. આતંકી હાશિમ મુસા વિશે ચોંકાવનારો ખુલાસો થયો છે. તેનું પાકિસ્તાન કનેક્શન પણ સામે આવ્યું છે.
સૂત્રોના જણાવ્યા અનુસાર, પાકિસ્તાની મૂળના હાશિમ મુસા ઉર્ફે આસિફ ફૌજી ઉર્ફે સુલેમાન અગાઉ પાકિસ્તાન આર્મીના સ્પેશિયલ ફોર્સ SSG (સ્પેશિયલ સિક્યુરિટી ગ્રુપ)ના કમાન્ડો હતા. પાકિસ્તાની સેનામાં તેમની સેવાને કારણે તેઓ આસિફ 'ફૌજી' તરીકે પણ ઓળખાતા હતા. સુરક્ષા એજન્સીઓ એ જાણવાનો પ્રયાસ કરી રહી છે કે શું આ એ જ જૂથ છે જેણે દોઢ વર્ષ પહેલા પૂંચ રાજૌરીમાં ઘૂસણખોરી કરી હતી. ડિસેમ્બર 2023 માં, પૂંચમાં સેનાના કાફલા પર હુમલો કરવામાં આવ્યો હતો અને સૈનિકના મૃતદેહને વિકૃત કરવામાં આવ્યો હતો. આ તેમના જૂથનું કામ હોઈ શકે છે.
પહેલગામ હુમલામાં ત્રણ આતંકીઓની ઓળખ થઈ
આ હુમલામાં સામેલ ત્રણ આતંકીઓની ઓળખ આસિફ ફુજી, સુલેમાન શાહ અને અબુ તલ્હા તરીકે થઈ છે. આ આતંકવાદીઓ 'ધ રેઝિસ્ટન્સ ફ્રન્ટ' (TRF) નામના આતંકવાદી સંગઠન સાથે સંકળાયેલા છે, જે પ્રતિબંધિત સંગઠન લશ્કર-એ-તૈયબાની શાખા છે. આ લોકોએ પહલગામથી 6 કિમી દૂર સ્થિત બૈસારન ફરવા આવેલા પ્રવાસીઓ પર અચાનક ગોળીબાર કર્યો હતો.
જાણો પહેલગામ હુમલાનો મુખ્ય ષડયંત્રકાર કોણ હતો
સુરક્ષા એજન્સીઓએ આ હુમલાના મુખ્ય કાવતરાખોર તરીકે લશ્કર-એ-તૈયબાના ટોચના આતંકવાદી સૈફુલ્લાહ કસૂરી ઉર્ફે ખાલિદનું નામ આપ્યું છે. તપાસ એજન્સીઓએ એ પણ શોધી કાઢ્યું છે કે આ આતંકવાદીઓના ડિજિટલ ફૂટપ્રિન્ટ્સ પાકિસ્તાનના મુઝફ્ફરાબાદ અને કરાચીમાં સુરક્ષિત આશ્રયસ્થાનો સાથે જોડાયેલા છે, જે સરહદ પારના આતંકવાદી ષડયંત્રની પુષ્ટિ કરે છે.
આતંકીઓ સેનાનો યુનિફોર્મ પહેરીને આવ્યા હતા
આ હુમલા બાદ સુરક્ષા દળોએ કહ્યું કે આર્મી સ્ટાઇલના કપડાં અને કુર્તા-પાયજામા પહેરેલા પાંચથી છ આતંકીઓ નજીકના ગાઢ જંગલમાંથી આવ્યા હતા અને તેઓ એકે-47 જેવા ખતરનાક હથિયારો લઈને આવ્યા હતા. હુમલા બાદ સુરક્ષા દળોએ મોટું સર્ચ ઓપરેશન શરૂ કર્યું છે અને આતંકવાદી ગતિવિધિઓમાં સામેલ સ્થાનિક આતંકવાદીઓ સામે પણ કાર્યવાહી કરવામાં આવી રહી છે.
Before You Go
Gujarat Government: રાજ્યના ખેડૂતો માટે સરકારનો મહત્વનો નિર્ણય
ટોપ સ્ટોરી
ટ્રેન્ડિંગ સમાચાર
