CJI UU Lalit Oath: જસ્ટિસ યુયુ લલિતે મુખ્ય ન્યાયાધીશ તરીકે શપથ લીધા, રાષ્ટ્રપતિ ભવનમાં યોજાયો કાર્યક્રમ

CJI UU Lalit Oath: યુયુ લલિતનો પરિવાર ચાર પેઢીઓથી ન્યાયિક પ્રક્રિયા સાથે જોડાયેલો છે.

મુખ્ય ન્યાયાધીશ તરીકે શપથ લેતાં યુયુ લલીત

Source : ANI

CJI UU Lalit Oath: જસ્ટિસ યુયુ લલિતે આજે દેશના મુખ્ય ન્યાયાધીશ તરીકે શપથ લીધા હતા. રાષ્ટ્રપતિ દ્રૌપદી મુર્મુએ તેમને મુખ્ય ન્યાયાધીશ તરીકેના શપથ લેવડાવ્યા હતા. આ કાર્યક્રમ રાષ્ટ્રપતિ ભવન ખાતે યોજાયો હતો. જસ્ટિસ લલિત ભારતના 49મા મુખ્ય ન્યાયાધીશ છે.

આઉટગોઇંગ ચીફ જસ્ટિસ CJI NV રમણના વિદાય સમારંભમાં તેમના શપથ ગ્રહણ પહેલા, તેમણે ત્રણ મોટા સુધારા વિશે વાત કરી. જસ્ટિસ યુયુ લલિતે કહ્યું, "મારો પ્રયત્ન રહેશે કે કેસોની યાદીમાં પારદર્શિતા આવે. હું એવી વ્યવસ્થા બનાવી શકું કે જેમાં તાકીદની બાબતો સંબંધિત બેન્ચ સમક્ષ મુક્તપણે હાથ ધરવામાં આવે. આ સિવાય હું ઓછામાં ઓછી એક બંધારણીય બેંચ બનાવી શકું, જે આખું વર્ષ કામ કરતી રહે.

Delhi | Justice Uday Umesh Lalit takes oath as The Chief Justice of India at Rashtrapati Bhavan in the presence of President Droupadi Murmu pic.twitter.com/dxPMsS4IYE

— ANI (@ANI) August 27, 2022

ન્યાયિક પ્રક્રિયા સાથે ચાર પેઢીઓ સંકળાયેલી છે

ભારતના 49મા મુખ્ય ન્યાયાધીશ  જસ્ટિસ યુયુ લલિતને ન્યાયાધીશોની નિમણૂકથી લઈને મહત્વપૂર્ણ બંધારણીય પ્રશ્નો સુધીના પડકારોનો સામનો કરવો પડી શકે છે, પરંતુ તેમને તેમના ન્યાયિક વારસાનો અનુભવ પણ હશે. યુયુ લલિતનો પરિવાર ચાર પેઢીઓથી ન્યાયિક પ્રક્રિયા સાથે જોડાયેલો છે.

 જસ્ટિસ લલિતના દાદા રંગનાથ લલિત આઝાદી પહેલા સોલાપુરમાં વકીલ હતા. જસ્ટિસ યુયુ લલિતના 90 વર્ષીય પિતા ઉમેશ રંગનાથ લલિત પણ પ્રોફેશનલ વકીલ રહી ચૂક્યા છે. બાદમાં તેમણે હાઈકોર્ટના જજ તરીકે સેવા આપી હતી. આ સિવાય જસ્ટિસ લલિતના બે પુત્રો હર્ષદ અને શ્રેયશ છે, જેઓ એન્જિનિયરિંગનો અભ્યાસ કરે છે. જોકે, બાદમાં શ્રેયશ લલિત પણ કાયદા તરફ વળ્યા હતા. તેમની પત્ની રવિના પણ વકીલ છે.

#WATCH | President Droupadi Murmu administers the oath of Office of the Chief Justice of India to Justice Uday Umesh Lalit at Rashtrapati Bhavan pic.twitter.com/HqayMJDwBB

— ANI (@ANI) August 27, 2022

આ પણ વાંચોઃ