ટાર્ગેટ પૂરો ન કરવા બદલ કંપનીએ કર્મચારીઓને કૂતરા બનાવ્યા! ગળામાં પટ્ટો બાંધી ફ્લોર પર ફેરવ્યા, જુઓ વીડિયો
Kerala employee viral video: સોશિયલ મીડિયા પર વાયરલ થયેલા વીડિયોમાં કંપની કર્મચારીને કૂતરાની જેમ ટ્રીટ કરાયો, લક્ષ્યાંક પૂર્ણ ન કરવા બદલ અપાયેલી કથિત સજા સામે તપાસના આદેશ.
Trending Video: જો કોઈ કંપની પોતાના કર્મચારીને ટાર્ગેટ પૂરો ન કરવા બદલ કૂતરાની જેમ ટ્રીટ કરે તો? સાંભળવામાં પણ અજુગતું લાગે, પરંતુ આવો જ એક ચોંકાવનારો વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં એક કંપનીનો કર્મચારી કૂતરાની જેમ ઓફિસની આસપાસ ફરતો જોવા મળી રહ્યો છે, તેના ગળામાં પટ્ટો બાંધવામાં આવ્યો છે અને તેને ફ્લોર પર ચલાવવામાં આવી રહ્યો છે. એવો દાવો કરવામાં આવી રહ્યો છે કે કર્મચારી કંપની દ્વારા આપવામાં આવેલો લક્ષ્યાંક હાંસલ કરી શક્યો ન હતો, જેના કારણે તેને આવી અપમાનજનક સજા આપવામાં આવી.
વાયરલ થયેલા આ વીડિયોમાં જોઈ શકાય છે કે એક વ્યક્તિ કૂતરાના પોશાક પહેરેલા કર્મચારીની સાથે ચાલી રહ્યો છે અને કર્મચારી કૂતરાની જેમ વર્તી રહ્યો છે. તે ચાલતી વખતે સિટ-અપ કરે છે, માણસ તેના બંને કાન પકડી લે છે અને તે એક પગથિયાં પર બેસે છે અને બીજા પગથિયાં પર ઊભો થાય છે. આ ઘટનાને લઈને સોશિયલ મીડિયા પર લોકોમાં ભારે રોષ જોવા મળી રહ્યો છે.
મીડિયા રિપોર્ટ્સ અનુસાર, આ મામલે પોલીસનું કહેવું છે કે કંપનીના એક ભૂતપૂર્વ મેનેજરને કંપનીના માલિક સાથે કોઈ વિવાદ થયો હતો, ત્યારબાદ તેણે નવા તાલીમાર્થીઓ સાથે મળીને આ વીડિયો શૂટ કર્યો હતો. જો કે, એવો પણ દાવો કરવામાં આવી રહ્યો છે કે આ વીડિયો લગભગ ૪ મહિના જૂનો છે અને તે કંપનીની ટ્રેનિંગનો એક ભાગ હતો. આ વીડિયો શૂટ કરનાર મેનેજરે હવે કંપની છોડી દીધી છે.
આ વીડિયો વાયરલ થયા બાદ કેરળના શ્રમ વિભાગે તાત્કાલિક કાર્યવાહી કરી છે. શ્રમ વિભાગે કાર્યસ્થળ પર કર્મચારીઓના કથિત ઉત્પીડનની તપાસના આદેશ આપ્યા છે અને આ સમગ્ર મામલે રિપોર્ટ માંગ્યો છે. પોલીસે આ કેસમાં પૂર્વ મેનેજરને જવાબદાર ઠેરવ્યા છે અને આગળની કાર્યવાહી હાથ ધરી છે.
View this post on Instagram
આ વીડિયો thetrendingindian નામના ઇન્સ્ટાગ્રામ એકાઉન્ટ પરથી શેર કરવામાં આવ્યો છે, જેને અત્યાર સુધીમાં લાખો લોકો જોઈ ચૂક્યા છે અને ઘણા લોકોએ તેને લાઈક પણ કર્યો છે. સોશિયલ મીડિયા યુઝર્સ આ વીડિયોને લઈને પોતાની અલગ-અલગ પ્રતિક્રિયાઓ આપી રહ્યા છે. એક યુઝરે લખ્યું કે આ રાજ્યની સ્થિતિ છે જ્યાં સાક્ષરતા દર સૌથી વધુ છે. અન્ય એક યુઝરે ટિપ્પણી કરી કે આવી કંપનીમાં કામ કરતા દરેક વ્યક્તિએ રાજીનામું આપી દેવું જોઈએ, જેથી કંપની રસ્તા પર આવી જાય. ઘણા યુઝર્સે આ કૃત્યને અત્યંત મૂર્ખામીભર્યું ગણાવ્યું છે અને કંપનીની સખત નિંદા કરી છે. આ ઘટનાએ કાર્યસ્થળ પર કર્મચારીઓના માનવ અધિકારો અને તેમના સન્માનને લઈને ગંભીર સવાલો ઉભા કર્યા છે.
ટોપ સ્ટોરી
ટ્રેન્ડિંગ સમાચાર
